BANI NOO INSAAN SE JANNATIYO AUR JAHANNAMIYO KI NISBAT

BANI NOO INSAAN SE JANNATIYO AUR JAHANNAMIYO KI NISBAT 

Bismillahirrahmanirraheem

1000 AADMIYO MEIN SE SIRF EK AADMI JANNAT MEIN JAYEGA, BAAQI 999 JAHANNAM MEIN JAYENGEY

Hazrat Abu Saeed Razi Allahu Anhu kehte hai Rasool Allah Sallallahu Alaihi wa Sallam ne farmaya "Allah azz wa jall (qayamat k rooz Aadam Alaihis Salaam ko mukhatib karke farmayega) ae Aadam! Hazrat Aadam Alaihis Salaam arz karenge ae Allah mein hazir hu teri khidmat mein aur teri ita'at mein aur bhalayi tere hi haath mein hai tab Allah ta'ala farmayega (makhlooq mein se) aagh ki jama'at alag karo Hazrat Aadam Alaihis Salaam arz karenge aagh ki jama'at kitni hai? Allah ta'ala irshad farmayega 1000 mein se 999, Aap Sallallahu Alaihi wa Sallam ne irshad farmaya yahi wo waqt hoga jab baccha boodha ho jayega, hamal wali aurato k hamal gir jayengey aur tu loogo ko madhoosh dekhega halakey wo madhoosh nahi hongey, balkey Allah ka azaab hi itna sakht hoga (k loog hoosh o hawaas kho baithengey) Hazrat Abu Saeed Razi Allahu Anhu kehte hai ye sun kar Sahaba E Kiraam Razi Allahu Anhum parehsaan ho gaye aur arz kiya "ya Rasool Allah Sallallahu Alaihi wa Sallam phir hum mein se koonsa (khush naseeb) aadmi hoga jo janant mein jayega?" Aap Sallallahu Alaihi wa Sallam ne irshad farmaya "Mutmaeen raho yajooj majooj (ki tadaad itni ziyaadah hogi k unme se) 1000 aadmi aur tum mein se 1 aadmi ki ginti unhi se poori ho jayegi". (Sahih Muslim Kitabul Emaan)

AHLE JANNAT K AUSAAF

AHLE JANNAT K AUSAAF

Bismillahirrahmanirraheem

JANNATI LOOG JANNAT MEIN JAANE K BAAD ALLAH TA'ALA KA SHUKR ADA KARENGEY

"Jannatiyo k dilo mein ek doosre k khilaf jo kadoorat (rahi) hogi use hum nikaal dengey unke nichey nehreh behti hongi aur wo kahenge tareef Allah hi k liye hai jisne hamey (emaan aur naik aamaal ka) ye raasta dikhaya agar Allah ta'ala hamari rehnumayi na karta to hum khud bhi (seedhi) raah na paa sakte they, hamare rabb k Rasool waqey haqq baat (yaani emaan aur saaleh aamaal k badle mein jannat ka wada) le kar aaye they, us waqt jannati loog pukaare jayengey ye jannat jiske tum waris banaye gaye ho tumhey un aamaal k badle mein mili hai jo tum (dunya mein) karte rahe". (Surah Aaraaf Surah no. 7 Ayat no. 43)

"(Jannat mein dakhil hone k baad) jannati kahengey shukr hai us Allah ka jisne hamare saath apna waada sach kar dikhaya aur hamey (jannat ki) zameen ka waris banaya ab hum jannat mein jaha chaahey jagah bana sakte hai pas behtareen ajr hai amal karne walo k liye". (Surah Zumur Surah no. 39 Ayat no. 74)


JANNAT MEIN AHLE JANANT KA TAKIYA KALAAM "SUBHANA KALLA HUMMA" HOGA BAHAMI MULAQAAT PAR WO EK DOOSRE KO "ASSALAMU ALAIKUM" KAHENGEY AUR APNI HAR BAAT K IKHTATAAM PAR "ALHAMDU LILLAHI RABBIL AALAMEEN" KAHENGEY

"Jannatiyo ki pukaar (ek doosre ko bulane k liye ya apne khadimo ko bulane k liye) ye hogi "SUBHANA KALLA HUMMA" aur (aapas mein) mulaqaat par "SALAAM" (kahengey) aur (guftagu k) aakhir mein unki pukaar "ALHAMDU LILLAHI RABBIL AALAMEEN" hogi". (Surah Younus Surah no. 10 Ayat no. 10)


JANNAT MEIN DAAKHIL HONE PAR FARISHTE AHLE JANNAT KO MUBARAK SALAMATi KI DUWAYE DENE K LIYE HAZIR HONGEY

"Muttaqi loogo ko garooh dar garooh jannat ki taraf le jaaya jayega yaha tak k jab wo waha pahunchengey "salaam ho tum par bahut acchey rahe dakhil ho jao is mein hamesha k liye". (Surah Zumur Surah no. 39 Ayat no. 73)

"Aur farishte har taraf se jannatiyo k istaqbaal k liye hazir hongey aur unse kahengey "Salaam ho tum par" dunya mein tumne jis tarah sabr se kaam liya uski badoolat aaj tum us ajr k mustahiq thehrey ho pas kya khoob hai ye aakhirat ka ghar". (Surah Raad Surah no. 13 Ayat no. 23-24)


ALLAH TA'ALA KHUD BHI AHLE JANNAT KO SALAAM KAHENGEY YA PAHUCHAYENGEY

"Meharbaan rabb ki taraf se jannatiyo ko salaam kaha gaya hai". (Surah Yaseen Surah no. 36 Ayat no 58)


JANNAT MEIN DAKHIL HONE WALE SABSE PEHLE GAROOH K CHEHREY CHOODHVI RAAT K CHAAND KI TARAH CHAMAK RAHE HONGEY
DOOSRE GAROOH K CHEHREY AASMAAN PAR CHAMAKTE SITAARO KI MAMIND CHAMAK RAHE HONGEY
JANANT MEIN KOI SHAKS BIN BIHAAYA NAHI HOGA, HAR JANNATI KI KAM AZZ KAM DO BEEWIYA HONGI

Hazrat Muhammad Sallallahu Alahi Wa Sallam se riwayat hai k loogo ne aapas mein fakhr kiya ya zikr kiya k jannat mein mard ziyaadah hongey ya auratey? Hazrat Abu Hurairah Razi Allahu Anhu kehne lage kya Abu Qaasim Razi Allahu Anhu ne nahi farmaya "Jannat mein dakhil hone wale pehle garooh k chehrey choodvi raat k chand ki tarah chamkengey aur doosre garooh k chehrey aasmaan par chamakdaar sitaare k manind chamak rahe hongey aur dono garoho mein se har mard k liye do do beewiya hongi jinki pindliyo ka gooda goosht k andar se nazar aa raha hoga aur jannat mein koi aadmi bin biyaaha nahi hoga". (Sahih Muslim Kitabul Jannah Was Sifatun Naeemah)


AHLE JANNAT HAMESHA SEHATMAND HONGEY KABHI BIMAAR NAHI HONGEY
AHLE JANNAT HAMESHA JAWAAN RAHENGEY KABHI BOODHEY NAHI HONGEY
AHLE JANANT HAMESHA ZINDAH RAHENGEY KABHI FAUT NAHI HONGEY
AHLE JANNAT HAMESHA KHUSH WA KHURRAM RAHENGEY KABHI PARESHAAN AUR RANJEEDAH NAHI HONGEY

Hazrat Abu Hurairah Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "(Qayamat k rooz) ek pukaarne wala (farishta jannati loogo ko mukhatib karke) pukarega tum loog hamesha sehat mand rahogey kabhi bimaar nahi hogey, hamesha zinda rahoge kabhi maut nahi aayegi, hamesha jawan rahogey tumhey kabhi budhapa nahi aayega, hamesha mazey karogey kabhi ranjeedah nahi hogey aur yahi matlab hai Allah azz wa jall k irshad e mubarak ka "Jannati loog pukaare jayengey ye hai k jannat mein jiske tum waris banaaye gaye ho un aamaal k badle mein jo tum karte they". (Sahih Muslim Kitabul Jannat wa Sifatun Naemaha)

Hazrat Abu Hurairah Razi Allahu Anhu se riwayat hai k Nabi E Arkam Sallallahu Alaihi Wa Sallam ne farmaya "Jo shaks jannat mein dakhil hoga wo hamesha khush wa khurram rahega kabhi ranjeedah nahi hoga uske kapde puraane nahi hongey na hi jawani fana hogi". (Sahih Muslim Kitabul Jannah wa Sifatun Naemaha)


AHLE JANANT KO PAISHAAB PAAKHAANA KI HAJAT PAISH NAHI AAYEGI
AHLE JANANT KA KHANA PEENA DAKAAR AUR PASEENA AANEY SE HAZAM HO JAYEGA
JANNATI LOOG SAANS KI TARAH HAR LAMHA ALLAH TA'ALA KI HAMD WA SANA KARENGEY

Hazrat Jabir bin Abdullah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jannati khaayenge aur piyenge lekin na thukengey na paishaab karengey na paakhaana karenge na naak sinkengey, Sahaba E Kiraam Razi Allahu Anhum ne arz kiya "To phir khana kaha jayega?" Aap Sallallahu Alaihi Wa Sallam ne irshad farmaya "Dakaar aur paseena ayengey (jis se khana hazam ho jayega) jannati tasbeeh aur tahmeed usi tarah karenge jis tarah saans lete hai". (Silsila Ahadees E Saheeya Hadees no. 367)


JANNATIYO KO NEEND KI HAJAT MEHSOOS NAHI HOGI

Hazrat Abdullah Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Neend maut ki behan hai lihaza jannatiyo ko neend nahi aayegi". (Silsila Ahadees E Saheeya Hadees no. 1087)


TAMAAM JANNATIYO KA QADD 60 HAATH (KAM WA BAISH 9 FOT) HOGA

Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jo shaks jannat mein jayega wo Hazrat Aadam Alaihis Salaam ki tarah 60 haath lamba hoga (shuru mein loogo k qadd 60 haath they) jo baad mein ghat'te gaye hatta k mojoodah qadd par aa gaye". (Sahih Muslim Kitabul Jannah wa Sifatun Naemaha)



JANANTIYO K CHEHREY PAR DADHI AUR MOOCH K BAAD NAHI HONGE, NEEZ BAAQI SAARA JISM (SAR K ALAWA) BHI BAALO SE SAAF HOGA
JANNATIYO KI AANKHEY QUDRATI TAUR PAR SARMAGI HOGI
JANNATIYO KI UMREY TEES TAITEES BARAS HOGI

Hazrat Muaaz bin Jabal Razi Allahu Anhu se riwayat hai k Nabi E Akram Sallallahu Alaihi wa Sallam ne farmaya "jannati loog jannat mein dakhil hongey to unke badan par baal nahi hongey na hi (chehre par) dadhi aur mooch hogi, aankhey sarmagi hogi aur umar tees ya taitees saal hogi". (Sunan Tirmizi Sifatul Abwabul Jannah)


JANNATI LOOG JIS BAAT KI KHAWAHISH KARENGEY WO AAN KI AAN MEIN POORI HO JAYEGI

Hazrat Abu Saeed Khudri Razi Allahu Anhu kehte hai Rasool Allah Sallallahu Alaihi wa Sallam ne farmaya "Momin agar (jannat mein) aulaad ki khawahish karega to baccha ka hamal aur wazey hamal ghadi bhar mein ho jayega". (Sunan Ibne Maja Kitabuz Zuhad)

Hazrat Abu Hurairah Razi Allahu Anhu se riwayat hai k ek rooz Nabi E Akram Sallallahu Alaihi wa Sallam (Sahaba E Kiraam Razi Allahu Anhum se) guftagu farma rahe they Aap Sallallahu Alaihi wa Sallam k qareeb ek daihaati baitha tha, Aap Sallallahu Alaihi wa Sallam ne farmaya "Jannatiyo mein se ek shaks apne rabb se khaiti baadhi karne ki ijazat maagenga" Allah ta'ala irshad farmayaga "Jo kuch tu chahta hai kya wo tere paas nahi hai?" wo jananti arz karega kyu nahi sab kuch hai, lekin mujhey khaiti baadhi pasand hai is liye karna chahta hu, Aap Sallallahu Alaihi wa Sallam ne farmaya phir wo aadmi (zameen mein) beejh daalega aan wahid mein wo ugh aayega, bada ho jayega aur pakk kar kaatne k laayak ho jayega balkey us se bhi bada pahaad ki tarah ho jayega Allah ta'laa irshad farmayega ae ibne aadam ab khush ho tera pait kisi cheez se bharne wala nahi" daihati ne arz kiya "Wallah! ye jannati zaroor quraishi hoga ya ansaari, is liye k wahi khaiti baadhi karne wale hai humne to kabhi khaiti baadhi ki nahi" Rasool E Akram Sallallahu Alaihi wa Sallam ye sun kar muskura diye. (Sahih Bukhari Kitabul Zar'aah)


JANNATI LOOG EK EK DIN MEIN 100, 100 AURATO K PAAS JAYEGNEY

Hazrat Abu Hurairah Razi Allahu Anhu kehte hai Rasool Allah Sallallahu Alaihi wa Sallam ki khidmat mein arz kiya gaya "Kya hum jannat mein apni aurato k paas jayengey?" Aap Sallallahu Alaihi wa Sallam ne irshad farmaya "Aadmi ek din mein 100, 100 kuwari aurato k paas jayega". (Silsila Ahadees E Saheeya Hadees no. 367)

JANNAT MEIN ALLAH TA'ALA KA DEEDAAR

JANNAT MEIN ALLAH TA'ALA KA DEEDAAR

Bismillahirrahmanirraheem

ALLAH TA'ALA KA DEEDAAR KARTE WAQT AHLE JANNAT K CHEHREY KHUSHI SE DAMAK RAHE HONGEY

"Us rooz kuch chehrey taro taaza hongey apne rabb ki taraf dekh rahe hongey". (Surah Qiyaamah Surah no. 75 Ayat no. 22-23)

JANNAT MEIN JANNATI LOOG IS QADR WAZEY TAUR PAR ALLAH TA'ALA KA DEEDAAR KARENGEY JIS TARAH CHOODHVI RAAT K CHAAND KO WAZEY AUR MUKAMMAL SHAKAL MEIN DEKHA JATA HAI

Hazrat Abu Hurairah Razi Allahu Anhu se riwayat hai k Rasool E Akram Sallallahu Alaihi Wa Sallam ki khidmat mein arz kiya ya Rasool Allah Sallallahu Alaihi Wa Sallam! kya qayamat k rooz hum apne rabb ko dekhengey? Rasool Allah Sallallahu Alaihi Wa Sallam ne farmaya "Kya choodhvi raat ka chand dekhne mein tumhey koi dikkat hoti hai?" loogo ne arz kiya "Nahi ya Rasool Allah Sallallahu Alaihi Wa Sallam! Aap Sallallahu Alaihi Wa Sallam ne irshad farmaya "Jab baadal na ho to kya sooraj dekhne mein tumhey koi dikkat paish aati hai?" loogo ne arz kiya "nahi" Aap Sallallahu Alaihi Wa Sallam ne irshad farmaya "phir isi tarah (bagair kisi dikkat aur mushakkat k) tum (qayamat k rooz) apne rabb ka deedaar karogey". (Sahih Muslim Kitabul Emaan)

Hazrat Jareez bin Abdullah Razi Allahu Anhu se riwayat hai k hum loog Rasool E Akram Sallallahu Alaihi Wa Sallam ki khidmat mein hazir they Aap Sallallahu Alaihi Wa Sallam ne choodhvi k chaand ki taraf dekha aur farmaya "Anqareeb tum apne rabb ko isi tarah (bila zahmat aur bila takleef) dekhogey jis tarah us chaand ko bila zahmat aur bila takleef dekhte ho". (Sahih Muslim Kitabul Masajid wa Mawazius Salaah)

Hazrat Suhaib Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "Jab jannati loog jannat mein chale jayenge to Allah tabak o ta'ala irshad farmayengey tumhey koi aur cheez chahiye?" wo arz karengey ya Allah! kya tooney hamare chehrey roshan nahi kiye? kya tooney hamey jannat mein dakhil nahi kiya? kya tooney hamey aagh se nijaat nahi dilaayi (aur kya chahiye?)  phir achanak (jannatiyo aur Allah ta'ala k darmiyaan haayil) pardah uth jayega aur jannatiyo ko apne rabb ki taraf dekhna har us chehrey se ziyaadah mehboob lagega jo wo jannat mein dekhe gaye". (Sahih Muslim Kitabul Emaan)

DUNYA MEIN ALLAH TA'ALA KA DEEDAAR MUMKIN NAHI

Hazrat Abu Zarr Razi Allahu Anhu kehte hai mene Rasool Allah Sallallahu Alaihi Wa Sallam se daryaft kiya "Aapne apne rabb ka deedaar kiya hai?" Aap Sallallahu Alaihi Wa Sallam ne irshad farmaya "Allah to noor hai, mein use kese dekh sakta hu". (Sahih Muslim Kitabul Emaan)

Hazrat Abdullah (bin Mas'ood) Razi Allahu Anhu Allah ta'ala k irshad "MA KAZABAL FU'AADU MAA RA'AA" (Tarjuma: jo kuch dekha, dil ne us mein jhoot nahi milaya Surah Najam Surah no. 53 Ayat no. 11) ki tafseer mein farmate hai yaha dekhne se muraad Jibraeel Alaihis Salaam ko dekhna hai Aap Sallallahu Alaihi Wa Sallam ne dekha k unke 600 parr hai. (Sahih Muslim Kitabul Emaan)

Hazrat Abu Hurairah Razi Allahu Anhu Allah ta'ala k irshad "WALAQAD RA'AAHU NAZLATAN UKHRA" (Tarjuma: ek dafa phir Muhammad Sallallahu Alaihi Wa Sallam ne us ko (Sidratul Muntaha k qareeb) utarte dekha Surah Najam Surah no. 53 Ayat no. 13) ki tafseer mein farmate hai k Muhammad Sallallahu Alaihi Wa Sallam ne doosri baar jibraeel Alaihis Salaam ko dekha. (Sahih Muslim Kitabul Emaan)

QAYAMAT K ROOZ ALLAH TA'ALA KA DEEDAAR HASIL HONE KI DUA

Hazrat Ammaar bin Yasir Razi Allahu Anhu se riwayat hai k Nabi E Akram Sallallahu Alaihi Wa Sallam (namaz mein darood shareef k baad) ye dua maanga karte they Tarjuma: "Ae Allah! tere ilm e ghaib aur makhlooq par teri qudrat k waseeley se sawal karta hu k tu mujhey us waqt tak zindah rakh jab tak tere ilm k mutabiq meri zindagi mere haqq mein behtar hai aur us waqt mujhey wafaat de jab tere ilm k mutabiq meri wafaat mere haqq mein behtar hai, Ae Allah! mein gareeb aur hazir (yaani har waqt aur har jagah) aapse darne ki tofeeq talab karta hu neez ranj aur khushi (har haalat mein) aapse haqq baat kehne ki tofeeq talab karta hu ameeri aur gareebi (dono haalato mein) aapse mayanah ravi ki tofeeq talab karta hu aapse aesi naimat talab karta hu jo kabhi khatam na ho, aankho ki aesi thandak ka sawaal karta hu jo hamesha jaari rahe aapke har faisle par raazi rehne ki tofeeq talab karta hu, mout k baad aaraam deh zindagi ka sawaal karta hu aur aapki zaat e mubarak ko dekhne ki lazzat ka sawal karta hu, aapse mulaqaat k shooq ka sawaal karta hu, mein teri panah talab karta hu aesi takleef se jo (mere deen aur dunya ko) nuqsaan pahuchaye aur teri panah talab karta hu aese fitne se jo gumraah kare, ae Allah hamey emaan ki zeenat se mazeen farma aur hamey hidayat yaafta loogo ka rehnuma bana". (Sunan Nasayi Kitabus Salaat baab zikr baada tash’had)

JANNAT MEIN ALLAH TA'ALA KI RAZA

JANNAT MEIN ALLAH TA'ALA KI RAZA

Bismillahirrahmanirraheem

AHLE JANNAT KO JANNAT MEIN ALLAH TA'ALA KI RAZA HASIL HOGI JO K SABSE BADI KAAMYABI HAI

"Momin mardo aur aurato se Allah ta'ala ka wada hai k unhey aese bagaat ata farmayega jinke nichey nehrey behti hongi aur wo unme hamesha hamesha rahengey un sadabahaar baagho mein unke liye pakeezah qayaam-gaahey hongi aur sab se badh kar ye k unhey Allah ta'ala ki raza hasil hogi ye bahut badi kaamyabi hai". (Surah Tauba Surah no. 9 Ayat no. 72)


JANNATI LOOGO KO ALLAH TA'ALA JANNAT MEIN KHUD APNI RAZA KI KHUSHKHABRI SE AAGAH FARMAYENGEY
JANNAT MEIN ALLAH TA'ALA JANNATIYO SE GUFTAGU FARMAYEGNEY

"Hazrat Abu Saeed Khudri Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "Allah ta'ala jannatiyo se irshad farmayega ae jannati loogo! arz karengey, ae hamare parwardigaar hum hazir hai teri janaab mein aur teri ita'at mein, bhalayi tere haath mein hai Allah ta'ala irshad farmayega kya tum raazi ho? wo arz karengey ae hamare rabb! hum raazi kyu na hongey tuney hamey wo kuch ata kar diya jo apni makhlooq mein se aur kisi ko ata nahi kiya, Allah ta'ala irshad farmayega mein tumhey us se ziyaadah behtar cheez na ata karu? jannati arz karengey ya Allah! is se ziyaadah behtar kaun si cheez hai? Allah ta'ala irshad farmayega "Mein tumhey apni raza-mandi se nawaaz raha hu aaj k baad mein kabhi tum se naraaz nahi hunga". (Sahih Muslim Kitabul Jannat Wa Sifatun Naeemaha)

AAHO CHASHM HOOREY

AAHO CHASHM HOOREY

Bismillahirrahmanirraheem

HOOREY JANNAT KI DOOSRI NAIMATO KI TARAH JANNATI MARDO K LIYE EK NAIMAT HAI
BAAZ HOOREY YAQOOT AUR MARJAAN KI TARAH RANGAT MEIN SURKH HONGI
BEMISAAL HUSN WA JAMAAL K SAATH SAATH HOOREY HAYA MEIN BHI APNI MISAAL AAP HONGI
NOO INSAANI KI HOORO KO US SE PEHLE KISI INSAAN NE HAATH NAHI LAGAYA HOGA NOO JINN KI HOOTEO KO US SE PEHLE KISI JINN NE HAATH NAHI LAGAYA HOGA

"Jannat ki doosri naimato k darmiyaan sharmeeli nigaaho wali hoorey hongi jinhe un jannatiyo se pehle kisi insaan ya jinn ne haath tak nahi lagaya hoga, phir ae jinn wa ins! tum apne rabb ki kin kin inamaat ko jhutlaoge? wo khoobsurat heero aur mootiyo ki tarah hongi phir ae jinn wa ins! tum apne rabb k kin kin inamaat ko jhutlaogey?". (Surah Rahman Surah no. 55 Ayat no. 56-59)

Wazahat: Yaad rahe momin aur saaleh insaano ki tarah momin  aur saaleh jinn bhi jannat mein jayengey jis tarah waha insaan mardo k liye insaan auratey aur insaan hoorey hongi usi tarah jinn mardo k liye jinn auratey aur jinn hoorey hongi, goya noo insaan k liye unke ham jins aur noo jinn k liye unke ham jins hoorey hongi.(Wallahu Aalam bis Sawaab)


HOOREY IS QADR HAYA DAAR HONGI K APNE SHOHAR K ALAWA DOOSRE KI TARAF AANKH UTHA KAR BHI NAHI DEKHENGI
HOOREY ANDEY K NICHE CHUPI JHILLI SE ZIYAADA NARM WA NAZUK HONGI

"Ahle jannat k paas sharmeeli khoobsurat aankho wali (hoorey) hongi is qadr naram wa nazuk goya k andey k chilke k nichey cheeli hui jhilli hai". (Surah Saaffaat Surah no. 37 Ayat no. 48-49)


JANNAT KI HOOREY KHOOBSURAT, SHARMEELI AANKHO WALI, LO LO KI TARAH SAFAID AUR SHAFFAAF RANGAT WALI IS QADR BE-DAAG AUR HASEEN HONGI K JESE JAWAHRAAT DURJ MEIN MEHFOOZ KIYE GAYE HO

"Ahle jannat k liye khoobsurat aankho wali hoorey hongi aesi hoorey jaise chipa kar rakkhey hue mooti, ye sab kuch unhey un aamaal k badle mein milega jo wo dunya mein karte rahe they". (Surah Waqia Surah no. 56 Ayat no. 22-24)


HOORO K SAATH JANNATI MARDO KA BA-QAIDAH NIKAH HOGA

"Ae jannatiyo! khao aur piyo mazey se apne un aamaal k badle mein jo tum karte rahe ho wo aamne saamne bichey hue takhto par takiye lagaye baithey honge aur hum khoobsurat aankho wali hooro ka unse nikah kar denge". (Surah Toor Surah no. 52 Ayat no. 19-20)


HOOREY APNE SHOHARO KI HUM-UMAR HONGI

"Jannat mein apne shoharo k alawa kisi doosre ki taraf nazar na uthane wali hoorey hongi jo (apne shoharo ki) hum-umar hongi ye wo naimat hai jinka tum se qayamat k din wada kiya jata hai". (Surah Saad Surah no. 38 Ayat no. 52-53)


KHOOBSURAT MOOTIYO K KHAIME HOORO KI QAYAAM GAAHEY HONGI JAHA JANNATI MARD UNSE MULAQAAT KARENGEY

"Hoorey khaimo mein thehraayi gayi hongi pas ae jinn wa ins! tum apne rabb ki kin kin naimato ko jhutlaogey?". (Surah Rahman Surah no. 55 Ayat no. 70-71)


JANNAT MEIN HOORO KA APNE SHOHARO K AAZAAZ MEIN TARAANA

Hazrat Anas Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jannat mein mooti mooti aankho wali hoorey ye (taraana) gaati hai hum khoobsurat aur naik seerat hoorey apne mehboob shoharo k liye mehfooz ki gayi hai". (Tabraani, Sahih Jamey Sageer Hadees no. 1598)


AHLE EMAAN K LIYE ALLAH TA'ALA KI TARAF SE JANNAT KI HOOREY NAAMZAD KI JA CHUKI HAI

Hazrat Muaaz bin Jabal Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jab koi aurat apne shohar ko takleef pahunchati hai to mooti aankho wali hooro mein se us (naik shohar) ki beewi kehti hai Allah tujhe halaak kare use takleef na de ye chand rooz k liye tere paas hai, anqareeb tujhey chood kar hamare paas aane wala hai". (Sahih Sunan Ibne Maja Hadees no. 1637)

Hazrat Buridah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Mein jannat mein dakhil hua to ek nojawaan doshaiza ne mera istaqbaal kiya mene us se pucha "tu kis k liye hai?" kehne lagi "Zaid bin Haarsa k liye". (Ibne Asakin, Sahih Jamey Sageer Hadees no. 3361)


INTAQAAM LENE PAR QADIR HONE K BAWAJOOD INTAQAAM NA LENE WALA SHAKS JANNAT MEIN APNI PASANDEEDAH HOOR SE NIKAH KAREGA

Hazrat Muaaz bin Anas Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jo shaks intaqaam lene par poori tarah qadir tha lekin (intaqaam na liya aur) gussa pee gaya (qayamat k din) Allah ta'ala use saari makhlooq k saamne bulayengey aur use hoor e aaen muntakhib karne ka ikhtiyaar diya jayega k jin se chaahey nikah karle". (Musnad Ahmad, Sahih Jamey Sageer Hadees no. 6394)