AHLE HADEESO PAR EK AETRAAZ AUR USKA JAWAAB
Bismillahirrahmanirraheem
Bida'ati hazraat kehte hai k Ahle Hadees to kal paida hue hai, uske jawab mein kaha ja sakta hai k Aalam e islaam ka ek mash'hoor mu'arrikh Allama Ahmad bin Bashaar Maqdasi ne 1375 hijri mein Hindustaan k Sindh ka safar kiya tha, Sindh k mashoor muqaam mansoora k mutalliq wo kehta hai, "KANA AKSARUHUM AHLUL HADEES" yaani mansoora sindh k aksar musalman baashindey Ahle Hadees they. (Tareekh E Sindh Safa no. 375)
Allama Maqdasi k mazkoora bayan se saaf zaahir hota hai k chooti (4th) sadi hijri mein mansoora k aksar musalman Tahreek Ahle Hadees k alambardaar they aur Quran o Hadees par barahe raast amal karne waale Ahle Hadees they.
Mash'hoor Mua'rrikh Allama Abu Mansoor Abdul Qaadir Bagdaadi kehta hai: Rome, Aljeria, aazerbaijan baabul abwaab wagairah k tamaam musalman Ahle Hadees maslak par they aesa hi Africa, Spain aur bahar magrib k sarhadi musalman baashindey sab k sab Ahle Hadees they aur aesa hi habsha k sarhadi ilaaqey yaman k tamaam musalmaan Ahle Hadees they.
Allama Bagdaadi ka ye wazey aur waashgaaf bayan babanag dehal kehlaata hai k Ahle Hadees jis tarah muhadiseen k khaas garooh ko kehte hai isi tarah Ahle Hadees se muraad wo aam loog bhi hai jo barahe raast Quran o Hadees ko maante hai aur tahreek E Ahle Hadees ka jhanda lehraate hai
jis Mua'rrikh ka ye bayan hai uski wafaat 460 hijri mein hui ab khuda ka khauf kar k aur tassub chood kar ye bataye k wo tamaam Sahaba E Kiraam Razi Allahu Anhum wa A'imma E Kiraam wa Tabaeen E Azaam wa Mua'rrakheen jinke bayanaat abhi guzarey kya wo kal k hai?
Muqadma bin Khaaldoon “FAZLUN FI ILMIL FIQHA” mein Allama Ibne Khaaldoon Rahimahullah Sahaba E Kiraam Razi Allahu Anhum k baad k zamaane k baare mein likhte hai k unme fiqah 2 tareeqo mein taqseem ho gayi
Ahle Raaye wa Qayaas ka tareeq aur wo Ahle Iraaq hai
Aur Ahle Hadees ka tareeq aur wo Ahle Hijaaz hai
Insaaf se bataiye k Allama Ibne Khaldoon Rahimahullah jo Ahle Hijaaz ko Ahle Hadees keh rahe hai kya ye bhi kal ki baat hai?
Shaami Sharah Durre Mukhtaar mein hai k Qaazi Abu Bakr jo zajaani k ahad mein ek hanfi ne ek Ahle Hadees se uski ladki ka rishta maanga alfaaz ye hai: "INNA RAJULAN MIN ASHAABI ABI HANEEFATA KHATABA ILA RAJULIN MIN ASHAABIL HADEES" tu us Ahle Hadees ne inkaar kar diya magar is soorat mein k hanfi apna mazhab taqleed chood de, is hanfi ne wo baat manzoor karli to Ahle Hadees ne apni ladki us se biyah di.
Gaur fameinye yaha to teesri (3rd) sadi mein Ahle Hadees ka zikr mojood hai phir wo loog kitne mutassub aur kis qadar galti par hai jo kehte hai k Ahle Hadees to Naya Firqa hai abhi kal paida hua hai.
Sach farmaya imam Tahavi Hanfi Rahimahullah ne k "LA YUQALLIDU ILLA ASBIYUN AAU GABIYUN" k taqleed wahi karega jo tassub parast aur ahmaq ho. (Rasmul Mufti li ibne Aabideen Safa no. 32)
Hazrat Imam Tahavi Rahimahullah ne saaf faramaya k muqallid bada tassub parast aur bewakoof hota hai, ab aesa aadmi jitna awwal fa'al bakey kam hai.
Allah ta’ala musalmaano ko fiqr e mustaqeem ata farmaaye. (Aameen Ya Rabbal Alameen)
KYA AHLE HADEES KOI NAYA FIRQA HAI?
Bismillahirrahmanirraheem
Ahle Hadees murawwajah mazhabo ki tarha koi mazhab nahi, na mukhtalif firqo ki tarha koi firqa hai balke Ahle Hadees ek jamaat aur tehreer ka naam hai aur wo tehreer hai zindagi k har shobey mein Quran wa Hadees k mutabik amal karna aur dusro ko un dono par amal karne ki targeeb dilana ya yuh keh dijiye k Ahle Hadees ka nisb wa ayen Kitab o Sunnat ki dawat aur Ahle Hadees ka manshoor Quran o Hadees hai.
“DASTOOR E AHLE HADEES K 2 USOOL”
“ATI ULLAHA WA ATIUR RASOOL”
Kyunki Allah ne apne Nabi ko huqm diya: “IT'TABI O MA OUHIYA ILAIKA MIR RABBIKA” - yani ae Nabi tumhare paas jo wahi ki gayi hai uski itteba karo aur Nabi k sath sath Allah ne Nabi k pairokaro ko bhi huqm farmaya: “IT'TABI O MA UNZILA ILAIKUM MIR RABBIKUM WALA TAT'TABI O MIN DOONIHI AU’LIYA” - yani ae ummat e Muhammadiya tum sirf us ki itteba karo jo tumhare paas tumhare perokaro ki taraf se nazil kiya gaya hai aur uske alawa degar waliyo ki pervi mat karo.
Mazkura bala dono ayato se wazey hota hai k har musalman ko Allah ki taraf se nazil shuda ahkaam ki pervi karna chahiye aur gair Allah ki baato par dhayan na dena chahiye.
yaha ek sawal paida ho sakta hai k Allah ki taraf se nazil shuda cheez kya hai?
iske jawab mein khud Allah ta'ala ne farmaya: “WA ANZALALLAHU ALAIKAL KITAABA WAL HIKMAH” - yaani Allah ne tum par kitab aur hikmat utari hai.
yaha ye bhi sawal paida ho sakta hai k kitab se muraad kya hai?, iski tafseer tabayi k sardaar Hasan Basri Rahimahullah aur Katadah Rahimahullah ne farmaya k kitab se muraad Quran aur hikmat se muraad Sunnat hai. (Tafseer ibne kaseer jild 1 safa no. 185)
Is k alawa ek mash'hoor tabayi Hazrat Hassan bin Ateeya Rahimahullah se marvi hai k Jibraeel Alahis Salaam jis tarah Quran le kar naazil hue they isi tarah Sunnat le kar bhi utrey they aur Aap Sallallahu Alaihi Wa Sallam ko hadees ki taleem is tarah dete they jis tarah Quran ki taleem dete they. (Al Kifayah fi ilmur riwayah safa no. 14)
Khud Aan Hazrat Sallallahu Alaihi Wa Sallam ne farmaya: “ALA INNI OOTEETUL QUR'AANA WA MISLAHU MA'A'HU”, yaani tum loog jaan lo k mujhe Quran aur isi k saath isi k manind ek cheez di gayi hai. (Abu Dawood wa Ibne Maja)
Mazkoora baala Hadees e paak aur Tabaeen E Azaam ki tasrihaat se ye baat wazey ho gayi k Quran wa hadees dono nazil shuda hai
AHLE HADEES KA MANA (MEANING)
Ahle Hadees do lafzo se mil kar bana hai ek hai Ahle dosra hai Hadees, Ahle ka maana hai "wala" aur Hadees a mana "Quran o Hadees" isliye Ahle Hadees ka mana hua "Quran o Hadees wala"
Lafz Hadees ka mana Quran bhi hai aur Hadees bhi, Hadees ka lafz dono ko shamil hai, Rasool Allah Sallallahu Alaihi Wa Sallam ne Quran ko Hadees kaha hai jese har khutbe mein Aap Sallallahu Alaihi Wa Sallam farmaate they: “FA INNA KHAIRAL HADEESI KITABULLAH”, k sab se behtar Hadees Allah ki kitaab hai
Allah k kalaam k alawa Nabi k qaul wa kalaam ko bhi Hadees kaha gaya hai, jese Quran mein hai: “WA IZ ASARRAN NABIYU ILA BAAZI AZWAJIHI HADEESA”, k jab Nabi Sallallahu Alaihi Wa Sallam ne apni baaz beewiyo se ek baat poshidah rakkhi yaha is ayat mein Hadees se muraad Rasool ki baat hai.
AHLE SUNNAT NAAM KI ZARURAT
Nabi paak ki rahmat k chabbees (26) saal k baad 37 hijri mein Ameer E Muaviya Razi Allahu Anhu aur Hazrat E Ali Razi Allahu Anhu mein bamuqaam Siffeen badi zabardast jang hui is jang mein jab Ameer E Muaviya Razi Allahu Anhu ki fouj haarne lagi to unhone Quran ko neezo par utha liya, aur Qur'aani faislo k mutabiq jang bandi ki tajweez paish ki is tajweez ko Hazrat Ali Razi Allahu Anhu ne qubool farma liya aur sulah k zariye ladayi khatam ho gayi, is jang se bezaar ho kar hamiyaan e Ali Razi Allahu Anhu k 1200 ifraad Hazrat Ali Razi Allahu Anhu ki jamaat tark karke jamaat se nikal gaye ye loog khaarji kehlaye, in loogo ne Quran ko maan'ne k saath saath Hadeese ghadna shuru kar diya is liye in loogo ko musalmaan naam k saath saath Ahle Bida'at ka laqab de diya gaya, aur jo loog Quran maan'ne k saath saath Sunnat ko maante rahe unka laqab Ahle Sunnat pad gaya jesa k mash'hoor tabayi Muhammad bin Seereen Rahimahullah farmaate hai: “FA YUNZARU ILA AHLIS SUNNATI FAYU KHAZU HADEESUHUM WA YUNZARU ILA AHLIL BID'ATI FALA YOKHAZU HADEESUHUM”, yaani Ahle Sunnat ko dekh kar unki Hadeese qubool ki jaati thi aur Ahle Bida'at ko dekh kar unki Hadeese qubool nhi ki jaati thi. (Muqadma Muslim)
Hazrat Peerane Peer Abdul Qadir Jeelaani Rahimahullah farmaate hai: “AHLUS SUNNATI LA ISLA LAHUM ILLA ISMUN WAAHIDUN WA HUA ASHAABUL HADEES”, yaani Ahle Sunnat ka ek hi naam hai aur wo hai Ahle Hadees. (Gunyatut Talibeen Matbua E Karachi Safa no. 710)
Bade peer sahab ki is tashreeh se pata chala k Ahle Sunnat ka doosra naam sirf aur sirf Ahle Hadees hai aur doosra koi naam nahi
Hazrat Umar Razi Allahu Anhu farmaate hai k tumhare paas shareer qaum ayegi, shubhaat e Quraan ko paish kar k jhagdegi tum unse Sunnat E Nabi Sallallahu Alaihi Wa Sallam k saath mubahasa karo, kyunki Ahle Hadees kitab Allah aur Sunnat E Rasoolullah Sallallahu Alaihi Wa Sallam se zayada aagah hai.
Imam Khataabi Rahimahullah farmaate hai k Ashaab E Sunan Ahle Hadees hai. (Sheraani Meezan ul Kubra jild 1 safa no. 46)
Rasool Allah Sallallahu Alaihi Wa Sallam farmaate hai jab shaami loog fasaad karenge us waqt tum mein kuch bhi bhalayi nahi rahegi, meri ummat se ek jamaat hamesha haq par rahegi kisi ki mukhalifat usko nuksaan nahi pahuncha sakegi.
imam Ali bin Madeeni Rahimahullah (Imam Bukhari Rahimahullah K ustaad) farmaate hai k wo jamaat Ahle Hadees hai. (Tirmizi Baabul Fitan)
IMAM ABU HANIFA RAHIMAHULLAH KA MAZHAB
Kisi ne Sufyaan bin Uyeyna Rahimahullah se pucha k tum Ahle Hadees kese hue to unhone jawab diya k mujhe Imam Abu Hanifa Rahimahullah ne Ahle Hadees banaya. (Hada'iqul hanafiah)
mazkoora bala waqiya se ye maloom hua k jis raah par Hazoor Sallallahu Alaihi Wa Sallam aur Sahaba Razi Allahu Anhum chalte they Imam Sahab bhi usi raaste par gaamzan they aur doosro ko bhi usi raaste par chalne ki talqeen karte they.
IMAM SHAFA'I RAHIMAHULLAH KA MAZHAB
Imam Shafa'i Rahimahullah farmaate hai k Ahle Hadees har zamaney mein mojood rahenge maanind sahaba Razi Allahu Anhum k, aur farmaate they k jab mein Ahle Hadees ko dekhta hu to gooya Sahabi E Rasool Sallallahu Alaihi Wa Sallam ko dekhta hu. (Meezaanul Kubra Sheraani)
IMAM AHMAD BIN HAMBAL RAHIMAHULLAH KA MAZHAB
Rasool Allah Sallallahu Alaihi Wa Sallam ne farmaya: "LA TAZAALU TAA IFATUM MIN UMMATI MANSOOREENA LA YAZURRUHUM MANA KHAZA LAHUM HATTA TAQOOMAS SAA'AH" yani meri ummat mein se ek garoh hamesha gaalib rahega jo loog unko ruswa karna chahenge unko nuksaan nahi pahuncha sakenge. (Tirmizi Jild 2 Safa no. 42)
Is Hadees se maloom hua k Nabi Paak Sallallahu Alaihi Wa Sallam k daur e mubarak se qayamat tak ek jama'at haqq par qayam rahegi.
Ab sawaal paida hota hai k wo konsi jama'at hai?, Imam Hakim Rahimahullah ne Uloom E Hadees mein Sahih Sanad se Imam Ahamad bin Hambal Rahimahullah se naqal kiya hai k Imam mosoof Rahimahullah farmaate hai k agar us Hadees (FALA YAZAALU TAA IFATUN) se muraad Ahle Hadees nahi hai to mein nahi jaanta k wo kaun hai?
IMAM MAALIK RAHIMAHULLAH KA MAZHAB
Imam Ku-bani Rahimahullah kehte hai k Imam Malik Rahimahullah maut k waqt roone lage mene pucha k aap kyu roote hai kaha kyu na roouo mene bahut se fatwe apni raaye se de diye kaash mein aesa na karta aaj mujhe uska ranj hai mein pasand karta hu k har fatwe k badle jo mene apni raaye se diye ek ek maar kha kar choot jao. (Ibne Khalkaan jild 2 safa no. 11)
Hazrat Imam Malik Rahimahullah ye batana chahte they k raaye wa qayaas koi achhi cheez nahi, asal cheez Quran o Hadees hai isi par loogo ka amal hona chahiye aur un dono par amal karne wale Ahle Hadees na kahe jaye to aur kya kahe jaye?
IMAM ABU BAKR BIN AYAASH RAHIMAHULLAH KA FARMAAN
"WA KANA ABU BAKRIBNI AYAASHIN YAQOOLU AHLUL HADEESI FI KULLI ZAMAAB" k Abu Bakr bin Ayaash kehte hai k Ahle Hadees har zamaane mein mojood rahenge. (Meezaan Sheranai jild 1 safa no. 48)
BADE PEER SAHAB (ABDUL QADIR JEELANI RAHIMAHULLAH) KA FARMAAN
Hazrat Sheikh Abdul Qadir Jeelani Rahimahullah farmate hai k bida'atiyo ki nishaani ye hai k wo Ahle Hadees ki bad gumaani karte hai. (Gunyatut Talibeen)
Sun liya aapne shah jeelani Rahimahullah ki zubaani se k bida'ati loog Ahle Hadees k liye burey burey alqaab ghadhte hai, azrah bugz wa hasad kabhi unko wahabi, Najdi kaha jata hai kabhi la-mazhab aur Gair Muqallid kaha jata hai kabhi 24 number k laqab se pukara jata hai.
"TABSIRA JAB KISI PAR KIYA KIJIYE
AYEENA SAAMNE RAKH LIYA KIJIYE"
KYA AHL E HADEES, AHL E QAYAAS HAIN?
Bismillahirrahmanirraheem
Ye ek sawaal hai k kya hum ahle qayaas hai?
Muqallideen Hazraat ka aetraaz hai k hum ahle hadees nahi hum ahle qayaas hai kyunki hum kai masle mai ijtihaad karte hai isi liye hum ahle qayaas hai kya ye kehna sahi hai?
Zara dekhte hai
Mai Muqallideen Hazraat ko bata dena chahta hu k hum qayaas, ijtihaad aur ijma k munkir nahi hai
Hum jis masle mai ijtihaad karte hai to hum sabse pehle ye dekhte hai k kya Quran O hadees mai iska koi zikr aya hai jis se k hum is masle mai ijtihaad kar sake
Misaal k taur Par
1. Kya hum namaz ki haalat mai mobile ko band kar sakte hai?
Is masle mai humne ijtihaad kiya jesa k hadees mai aya hai k Allah k Rasool Sallallahu Alaihi Wa Sallam ne bacche ko gooad mai utha kar namaz padhijab aap ruku mai jate to use zameen par bitha dete jab dobara qayaam karte to use utha lete (Bukhri Kitabus Salaat)
is hadees se ye sabit hua k hum namaz ki halat mai mobile ko switch off kar sakte hain kyunki mobile se namaz mai khalal paida hoti hai isi liye use band kar dena chahiye
Mai yaha Muqallideen Hazraat ko do tok baat kehna chahunga main apne bhaiyo se sawal karta hu k wo namaz ki halat mai mobile kyu band karte hai?
jab k Durre Mukhtar mai aya hai k agar namaz ki halat mai quran ko utha liya to namaz batil ho jati hai wahi dusri taraf Fatawa E Alamgiri mai kaha gaya hai k kutte ko utha kar namaz ho jayegi
Hadees ki tamaam kitabo mai mojood hai k kutte k jhute ko 7 baar dhulo to paak hoga yaha par dono batae hadees k khilaf hai
2. Kya bhains ko gosht halal hai?
Muqallideen Hazraat ne yaha par ek sher padha hai zara dekhte hai wo sher kya hai
"Ek bhains gair muqallid ko muqallid bana deti hai"
ab yaha par sawal ye paida hota hai k agar hum bhains ka gosht khaye to kya hum muqallid ban jayenge?
zara dekhte hai
Quran o Hadees mai aya hai k gaaye (cow) ka gosht halal hai humne yaha ijtihaad kiya kyunki Arab mai us waqt bhains nahi thi sirf Gaaye (cow) thi lekin Ajam mai bhains thi waha gaaye (cow) kam thi jesa k girgit ki jins (nasal) chipkali hai usi tarha gaaye (cow) ki jins bhains hai bas rang (color) ka fark hai aksar a'emma hazraat ne bhi yahi kaha hai aur wese bhi India mai gaaye (cow) par pabandi (ban) hai aur yaha bhains jayada hai isi liye hum uski nasal bhains ko halal kehte hai aur khate hai aur qurbani bhi dete hai
Ab hame ye dekhna hai k kya Kayaas aur ijtihaad hadees se sabit hai?
Ji han sabit hai zara dekhte hai Hadees is tarha hai
Allah k Rasool Sallallahu Alaihi Wa Sallam ne farmaya: agar hakim faisla karne mai ijtihaad karta hai phir uska faisal sahi ho jaye to use 2 ajr hai aur faise mai ijtihaad karta hai to phir galti karta hai to use 1 ajr hai (Bukhari Hadees No. 7352, Muslim Hadees No. 3240)
Is hadees ko aap samne rakhey aapke sare shubhaat door ho jayenge aru is hadees se ye bhi pata chala k agar hum kisi masle mai ijtihaad kare to hum Ahle Qayaas nahi ho jayenge hum Ahle Hadees hi rahenge
Imam Abu Hanifa Ra, Imam Malik Ra, Imam Shafai Ra, Imam Ahmed Ibne Hambal Ra ne kai maslo mai ijtihaad kiya unka jo ijtihaad sahi hua to unhe 2 ajr milenge aur agar galti hui to unhe 1 ajr milega
Imamo se galti bhi hui hai kyunki wo masoom Anil Khata nahi they lekin hamare muqallideen bhai hadees hone k bawajood us ijtihaad par amal karte hai jisme khata hui hai aur kehte hai hamare imam ne kara hai hum bhi karenge kya hamare imam galat they?
Mai aapko bata dena chahta hu k imam sahab ne tahqeeq ki qayaas kya aur khata bhi hui tab bhi unko 1 neki milegi kyunki unhone mehnat ki hai lekin aap unki khata par amal karenge to to aap ko neki nahi gunah milega
Imam Ahmed bin Hanbal Ra ne kaha tha mere nazdeek zaeef hadees jayada mehboob hai raaye k mutabiq imam sahab nahi chahte they k mai zaeef hadees hone k bawajood bhi apni koi raaye du imam sahab ne zaeef hadees par hi amal kar liya sahih aur Hasan ki adam maujoodgi mein...
iqdul jayyed mai kaha k jab tumhe sahi hadees mil jaye to us par amal kar lena aur meri baat ko chhod dena
Abhi qayamat tak ki zindagi mai kai aise masle hamare samne ayenge jinka hal quran o hadees mai sarahatan nahi hai un maslo mai hame ijtihaad karna padega masalan hum chand (moon) par hai to hame kaha rukh karke namaz padhni hai, jaha 6 mahine sooraj nahi nikalta waha namzo ka waqt kya ho etc.
Jesa k ye sabit hua k ijtihaad karna hadees se bhi sabit hai aur ye qauli sunnat bhi hai phir bhi hame Ahle Qayaas kehna ye kaha ki samajhdari hai
Is se ye sabit hua k agar hum kisi masle mai qayaas bhi kare to bhi hum Ahle Hadees hi hai.
