SHAB E BARAAT KI HAQEEQAT (COMPLETE)

SHAB E BARAAT KI HAQEEQAT (COMPLETE)

Bismillahirrahmanirraheem

Haqeeqat ye hai k jin do chaar raato ki fazilat khaas taur par bayan ki jaati hai aur is mai sahih wa galat ki tameez nhi ki jaati unme se ek shabaan ki pandarvi (15th) raat ki fazilat hai jisko aam taur se shab e baraat kaha jata hai maah e shabaan k shuru hote hi muslim muashare mai shab e baraat ka charcha aam ho jata hai aur is munasibat se aeen islaami aamaal k naam par samoom wa bida'aat aur khurafaat kiye jaate hai aur loog un umoor ko islaami aamaal jaante aur maante hai jinka saboot nasoos e shareeya se nahi milta, pandarvi (15th) shabaan ki shab mai bahut saare musalmaan jin aqaid wa aamaal ko badi aqeedat wa ehtaraam se anjaam dete hai aur unhe islaami aamaal se joodte hai un tamaam aamaal ka shariyat se koi tallluq nahi balke un rasoom wa aqaid e baatila mai se aksar par ulama e islaam ne nakeer ki hai.

Shab e baraat se mutalliq riwaaj paane wale aqaid aur aamal mai se baaaz ka ikhtisaar k saath yaha jayeeza liya ja raha hai, shab e baraat ki fazilat mai bahut si ahadees bayan ki jaati hai lekin ek hadees ko chood kar saari ahadees zaeef aur mouzu hai albaata is raat k baare mai Nabi Sallallahu Alaihi Wa Sallam ka ye irshaad sahih sanad k saath riwayat kiya gaya hai, Allah tabarak o ta'ala shabaan ki pandarvi (15th) raat ko apni makhlooq ki taraf nazre rahmat dekhata hai phir saari makhlooq ko mushrik aur keena parwar k alawa bakhsh deta hai. (Sahih Ibne Hibban, Tabraani, Shaubul emaan behaqui) (ye hadees bhi sahih nhi hai is k liye post padhey shab e baraat se mutalliq jo ek hadees sahi ya hasan kahi jati hai uska jayeza)

Jabke dusri raato mai ye alfaar mazkoor hai k beshak Allah ta'ala shabaan ki pandarvi (15th) raat ko apne bando par nazre rahmat daalta hai phir momino ko bakhsh deta hai aur kafiro ko mohlat deta hai aur keena parwar loogo ko chood deta hai yaha tak k wo apne dilo ko keena se paak kar de. (Sahih Jamey Sageer Hadees no. 1898) (ye hadees bhi sahih nhi hai iske liye post padhey shab e baraat se mutalliq jo ek hadees sahih ya hasan kahi jati hai uska jayeza)

Is hadees ko shabaan ki pandarvi (15th) raat ki fazilat mai bayan kiya jata hai lekin is mai dusri raato ki banisbat is raat ki fazilat saabit nahi hoti kyunki sahiheen ki riwayat mai is se zayada fazilat har raat mai tauaba wa astagfaar ko hasil hai jis se saabit hua k Allah ta'la ka aasmaani dunya par nuzool har raat mai hota hai lihaaza is hadees se pandarvi (15th) shabaan ki raat ki fazilat saabit nahi hoti.


QABRO KI ZIYARAT KA EHTAMAAM

 Shar e barat ko hamare muasharey mai shehar khamoosha ki eid karaar de diya gaya hai loog is raat mai khasoosi taur par jamaat dar jamaat mard aur bacche namaz e magrib k baad qabro ki ziyarat ka ehtamaam karte hai aur ise is raat ka masnoon amal karaar dete hai is munasibat se qabaritaano mai chiraga (yani chiraag wagira) aur roshni k saat hi qabro ki safayi aur choona kaari ka bhi ehtamaam kiya jata hai.

Qabro ki ziyarat karna mashrooh amal hai jesa k Nabi Sallallahu Alaihi Wa Sallam ne hazrat Buraida Razi Allahu Anhu ki hadees mai farmaya k mene tum ko pehle qabro ki ziyarat karne se mana kiya tha ab tum loog qabro ki ziyarat karo. (Sahih Muslim Hadees no. 977)

Aur Hazrat Abu Huraira Razi Allahu Anhu ki hadees mai Rasool Allah Sallallahu Alaihi Wa Sallam ne farmaya qabro ki ziyarat karo is liye k ye tumhe maut yaad dilaati hai. (Sahih Muslim Hadees no. 976)

Qabro ki ziyarat karna bila tayeen zamaan wa waqt wa munasibat mashroo amal hai albatta is k liye kisi khaas din ya kisi khaas munasibat ko makhsoon karna durust nahi, is raat mai khaas taur par naamaz e magrib k baad qabristaano ki khususi ziyarat k liye:

Hazrat Ayesha Razi Allahu Anha se marvi hadees se istedlaal karte hai k ek raat Rasool Allah Sallallahu Alaihi Wa Sallam Hazrat Ayesha Razi Allahu Anha k waha they Aap Sallallahu Alaihi Wa Sallam achanak waha se nikle hazrat Ayesha Razi Allahu Anha bhi aap ke piche nikli to kya dekhti hai k Aap Baqee Qabristaan mai tashreef le gaye Rasool Allah Sallallahu Alaihi Wa Sallam ne unhe dekha to farmaya kya tumhe is baat ka andaza tha k Allah aur uske Rasool Sallallahu Alaihi Wa Sallam tum par zulm karenge, Ayesha Razi Allahu Anha ne kaha k Ae Allah k Rasool Sallallahu Alaihi Wa Sallam! mujhe ye shak hua tha k shayad aap kisi aur beewi k yaha chale gaye tab aap ne farmaya: Beshak Allah tabarak o ta'ala shabaan ki pandarvi (15th) raat ko aasmaani dunya par nuzool farmaata hai phir is se zayada wo utne loogo ki magfirat karta hai jitne banu kalb ki bakriyo k baal hai. (Sunan Tirmizi Hadees no. 739, Sunan Ibne Maaja Hadees no. 1389)

Is hadees ko imam tirmiz, imam bukhari, imam daare qutni, allama ibne jauzi, allama ibne baaz aur muhaddis sheikh muhammad nasiruddin albaani rahimahullah wagaira ne zaeeef qaraar diya hai phir is se shab e baraat mai qabro ki khasoosi ziyart ki mashroiyat ka saboot kese hasil hoga.

Jabke Rasool Allah Sallallahu Alaihi Wa Sallam ne baqee qabristaan mai jaane wale ahle baqee k liye dua e magfirat karne ka waqiya Hazrat Ayesha Razi Allahu Anha se marvi ek Sahih Hadees mai mazkoor hai is ki tafseel sahih muslim wagaira mai hai, is mai shabaan ki pandarvi (15th) raat ka koi zikr nhi hai is hadees mai ye alfaaz hai k 

Aap Sallallahu Alaihi Wa Sallam ne farmaya: Yaani jab tumne dekha to us waqt mere paas jibraeel alihis salaam aye they unhone tum se chipate hue ahista se mujhe pukara to mene bi tum se chipate hue unhe ahista se jawab diya aur tumne apne baaz kapde utaare hue they is haal mai wo andar nhi a sakte they mene ye samjha k tum so gayi ho is liye mene tujhe jagana pasand na kiya aur mujhe ye khauf bhi tha k kahi tum mere bagair wahshat mai na mubtala ho jao jibraeel alaihis salaam ne kaha k aap k rabb ne aap ko hukm kiya hai k aap ahle baqee k paas aiye aur unke liye magfirat ki dua kare. (Sahih Muslim Hadees no. 974)

Lihaza sabit hua k waqiya e baqee ka shab e baraat se koi talluq nhi hai aur na uska kisi sahih hadees mai zikr hai is liye ek zaeef hadees ko hujjat bana kar ye aqeedah rakhna durust nahi k is raat mai qabristaan mai jana masnoon hai balke is raat mai murawajjah andaaz se qabro ki ziyarat karna bida'at hai jis se bachna chahiye.


AATISH BAAZI WA CHIRAGA KARNA

Shab e baraat k din chiraga (chiraag jalana) aur aatish baazi ko badi ahmiyat hasil hoti hai, shab e baraat ki aamad ka uske zariye aelan hota hai ummat e muhammadiya is par apni jayez kamayi ko sarf (zaya) karti hai aur ashraaf wa fuzool karchi ka muzahira karke shetaan k bhai bante hai jabke haqeeqat ye hai k ye sarasar hinduwana teyohaar diwaali ki nakkali hai aur sahih hadees mai Nabi Sallallahu Aalihi Wa Sallam ne farmaya: jo kisi qaum ki mushabihat ikhtiyaar karega uska shumaar usi qaum se hoga, is gair islaam aur gair sharayi amal par ulama e islam ne sakht nakeer ki hai chunanchey molana asraf ali thanvi sahab aatish baazi ki shana'at wa qabahat ko bayan karte hue farmaate hai k minjumla in rasoom k ek aaatish baazi hai is mai muta'addad kharabiya hai:

1. Maal ka zaya karna jis ka haram hona quran e majeed mai mansoos hai

2. Apni jaan ko apne baccho aur padosiyo ko khatra mai dalna jiski hurmat bhi quran e majeed mai mansoos hai Allah ne farmaya: Mat dalo apni jaano ko halakat mai. (Surah Baqara ayat no. 195), isi waaste hadees shareef mai bila zarurat aag k talbees wa qurb se mukhalifat ayi hai chunanchey khuli aag aur jalta chiraag chood kar soone ko mana farmaya hai.

3. Baaz ayaat aatish baazi mai kaagaz bhi sarf hota hai jo aalaat e ilm se hai aur aalaat e ilm ki be adbi khud amar e qabeeh hai jesa k uper bayan hua phir gazab ye hai k likhey hue kagaz bhi istemaal hote hai khuwah is par kuch bhi likha ho quran ya hadees.

4. Baccho ko ibtida se taleem maasiyat ki hoti hai jis k waaste shari'e hukm hai k unko ilm wa amal sikhao goya nauzubillah hukm shari'e ka poora muqabala hai bilkhusoos shab e baraat mai ye khurafaat karna mazeed gunah ka moojab hai.

5. Baaz aalaat aatish baazi uper ko choodi jati hai jise bail, udan anaar aur khatangah wagira, awwal to baazo k sar par girte hai aur loogo ko choot lagti hai alawa azee is mai yajooj majooj ki mushabihat hai k wo aasman ki taraf teer chalayenge aur kuffar ki mushabihat haraam hai. (Islaah E Rasoom safa no. 19 aur 20)

Shab e baraat k mouke par ye aam mushahida hai k na samajh loog dukaano, makaano, mehfilo, masjido aur qabro mai khoob rooshni karte hai, aanko ko chaka choond kar dene wale rang birang kumkumo par be tahasha sarf kiya jata hai, thik yehi kaam dewali k mookey par hinduo k yaha hota hai is liye a'emma e deen ne is amal ko gair shari'e aur bida'at qaraar diya hai aur is par sakht nakeer ki hai chunanchey allama hafiz siyooti rahimahullah likhte hai k far'a sharhul mahzab mai hai k munkar bida'ato mai se ye hai k bahut se mulko mai saal ki maroof raato mai masalan shab e baraat nisf e shabaan ko badi badi kandeele jalate hai jiski wajah se bahut se mufasid paida hote hai masalan: 

1. Ehtamaam k sath kasrat se aag jala kar majoosiyo ki tarah baithne k mushaba hai

2. galat jagah maal zaya karna

3. is k nateeje mai bahut si masajid mai baccho aur nikammo ki bheed lagti hai, khel kood aur shoor wa shugab hota hai aur aese loog masjid k qabreeb aate hai jinse masjid ki be hurmati hoti hai aur gandagi paida hoti hai is k alawa aur bhi bahut si kharabiya hai jinse masjid ko mehfooz rakhna wajib hai. (Ba hawala mahanama darool uloom deoband shumara maah november 2000, safa no. 30 aur 31)

Mashoor hanfi aalim mulla ali qaari rahimahullah sharah mishkaat likhte hai k is raat chiraaga aur zayada rooshni karna quam e bura makka ki aejaad hai ye loog asal mai aatish parast they jab islaam laye to inhone ye buri rasam islam mai dakhil kardi takey musalmano k saath namaz mai aag ko sajda kare, shariyat mai is raat chiraga karne ka koi saboot nahi milta. (Marqatul Mafateeh sharah Mishkaatul Masabeeh jild 1 safa no. 198)

Mashoor muhaddis shah abdul haqq dehalvi rahimahullah farmaate hai aur bida'at mai se wo rasam hai jiska aksar hind mai loogo ne riwaaj de rakkha hai yaani chiraag jalana aur usko makano aur deewaro par rakhna aur is par fakhar karna ye wo amar hai jiski motabar kitabo mai koi asal nahi aur koi zaeef aur mauzo riwayat tak bhi iske baare mai warid nhi hoti aur na is ka hind k siwa kisi aur mulk mai riwaaj hai na haramaien sharafaien mai aur na unke siwa arab k degar hisso mai aur na ajama mai siwaye hindustan (aur pakistan) k balke mumkin hai k ye hinduo ki rasam diwali se is rasam ko liya gaya hai kyunki hindustan mai amooman rasoom zamana e kufr ki hi baaki hai. (12 mahino k fazail wa ahkaam safa no. 37)

Isi tarah molana abdul hayi lakhnavi farmaate hai k aam jahilo ne is raat (rajab ki 27vi aur shabaan ki 15vi raat) ko gooya do eidey bana rakkhi hai aur isko islam samajh rakkha hai halankey ye sareeh bida'at hai is mai chiraag aur rooshni karna khilaaf e sunnat hai tajjub hai k loog kisi tarah bida'ato se chipte hue hai aur sunnato se mutalliq parwah nahi karte. (Al asarul marfua safa no. 62)

Gharo, bazaro, dookano aur masjido k alawa qabristan mai is shab ko noor ban jaate (yani rooshni karte hai) hai aur waha badi chehal pehal hoti hai jabke ek hadees mai nabi Sallallahu Aalihi Wa Sallam ne sarahat k saath qabristaan par chiraaga karne walo par laanat bheji hai. (Sunan Abu Dawood, Sunan Nasai, Sunan Tirmizi)

Mazkoora aqwaal se ye baat wazey ho jati hai k chiraga karna aur aatish baazi ye gair islaami rasam hai jis ka shariyat e islamiya se koi talluq nhi balke ye bida'at hai ab agar koi musalman is wazahat k bawajood bhi is ko islaam ka sha'aar aur naik amal samajh kar apnaye to us se badi naadaani kya hogi.


SHAB E BARAAT KA ROZA AUR QAYAAM

Pandarvi (15th) shabaan ki raat mai bahut se musalman shab bedaari k liye khasoosi ibdadat aur qayam karte hai aur is ko shara'e  amal samajhte hai aur is maah ki pandarvi (15th) tareekh ko roza rakhne ka ehtamaam karte hai aur is par istedlaal k liye ek zaeef aur mouzu hadees paish karte hai jisko 

Hazrat e Ali Razi Allahu Anhu ne riwayat kiya hai k Rasool Allah Sallallahu Aliahi Wa Sallam ne farmaya: Is ki raat mai qayam karo aur agle din roza rakkho kyunki is raat ki shaam hi se Allah ta'ala aasmani dunya par nuzool farmaata hai aur farmata hai k koi magfirat ka talabgaar hai k usko maaf karu, hai koi rizk ka talab karne wala k mai usko rizk do, hai koi bimar ya musibat zada k mai usko aafiyat de du, hai koi sawal karne wala k mai use du, kya koi hai , kya koi hai yaha tak k fajar saadiq tulu ho jaye. (Sunan Ibne Maja Hadees no. 1390)

Ye Hadees jhooti aur manghadat hai is mai ek raavi abu bakr bin abdullah bin muhammad bin abu sabra qurshi hai jisko muhaddiseen ne zaeef wa matrook, kazzaab aur waziul hadees qaraar diya hai, allama albani rahimahullah ne usko shadeed zaeef ya mouzu kaha hai, allama abdur rahman mubarkpuri rahimahullah sahab tohfatul ahwaazi mai farmate hai k pandarvi (15th) shabaan k roozey k baare mai mujhe koi sahih wa marfo hadees nhi mili, rahi Hazrat E Ali Razi Allahu Anhu ki wo hadees jisko ibne maja ne riwayat kiya hai aur jiska mafhoom ye hai k pandarvi (15th) tareekh mai qayaam karo aur us k din mai rooza rakkho akheer tak to ye hadees jesa k aap ko maloom hai sakht zaeef hai aur Hazrat Ali Razi Allhu Anhu ki ek dusri riwayat hai jo pandarvi (15th) shabaan k roozey k baare mai hai aur jisme hai k agar kisi ne is din rooza rakkha to use 60 saal pehle aur 60 saal agle rozo ka sawab milega is ko ibne jauzi ne mouzu'aat mai bayan kiya hai aur kaha k ye hadees mauzu hai aur is ki asnaad muzlam hai.

Allama Ubaidullah Rahmani muhaddis mubarakpuri sharah mishkaat Mar'aatul mafateeh mai farmaate hai k ye shabaan ki pandarvi (15th) tareekh k din mai rooza rakhne k bare mai koi marfo sahih ya hasan ya mamoli zaeef ya koi hadees nhi hai aur na hi koi qavi ya zaeef asar hi paya jata hai. (Mar'aatul mafateeh jind 4 safa no. 344)

Isi tarah Hafiz Ibne Rajab Hambali farmaate hai shabaan ki pandarvi (15th) raat ko qayam ki fazilat mai na Nabi Sallallahu Alaihi Wa Sallam se kuch saabit hai aur na aap k sahaba Razi Allahu Anhum se saabit hai. (Lata iful maroof)

Lihaza is hadees se shab e baraat ka roza rakhna aur raat mai qayam karna saabit nahi hota is k bawajood hamare yaha bahut se loog mukhtalif ilaqo mai is roozey k rakhne aur raat mai qayam ka ehtamaam maah e ramazan k farz roozey aur qayam e shab e qadr se bhi badh kar karte hai halankey is tarah ka gair shara'e amal karna ajr o sawab k bajaye azaab e ilahi ka baa'as hai.


MAKHSOOS NAMAZO KA EHTAMAAM

Shab e baraat ko ba barkat raat samajh kar masajid mai majalis ka ineqaad hota hai aur bade shook wa ragbat k saath qayam ul lail ka ehtamam hota hai aur is mai do teen andaaz ki khud saakhta namaze padhne ka ehtamaam hota hai aur is k jawaaz k liye do teen ahadeese paish ki jati hai jo nihayat zaeef aur mauzu hai pehli namaz 14 rakaat par mushtamil hoti hai aur Hazrat Ali Razi Allahu Anhu se marvi ye hadees bataur e istedlaal laate hai jisme unhone bayan kiya hai Nabi e Kareem Sallallahu Alaihi Wa Sallam ne shabaan ki pandarvi (15th) raat mai 14 rakaat padhi iske baad kuch surato ki tilawat ki phir farmaya k jo shaks is tarah kare jese k mene kiya hai to use 20 makbool hajj aur 20 makbool roozey ka sawab milta hai. (Shoub ul Emaan Behaqui Hadees no. 3559)

Allama ibne Jauzi Razimahullah kitab al Mauzu'aat jild 2 safa no. 445 mai is hadees ko bayan kane k baad kehte hai k ye hadees bhi manghadat hai aur is ki sanad nihayat tareek hai, Imam Behaqui Rahimahullah ne bayan kiya k ye hadees mauzu k mushaba hai aur ye munkir hai is k rawiyo mai Usman bin saeed se pehle k tamaam raawi majhool hai, Imam Sayooti Rahimahullah ne bhi isi tarah hukam lagaya hai. (Tanziyatul shareata la bin iraaq jild 2 safa no. 94)

Doosri namaz 12 rakaat is shab mai masnoon amal samajh kar padhi jati hai aur iski daleel mai ek mauzu aur khud saakhta hadees paish ki jati hai: Jisne shabaan ki pandarvi (15th) raat mai 12 rakaat namaz padhi aur har rakaat mai 30 martaba "QUL HU WALLAHU AHAD" padhey to wo marne se pehle jannat mai apna thikana dekh lega aur apne gharwalo mai se 10 aese loogo ki sifarish karega jinke liye jahannam wajib ho chuki hogi.

Is hadees ko bhi Allama Ibne Jauzi Rahimahullah ne kitab al Mauzu'aat mai naqal karne k baad kaha k ye hadees mauzu (manghadat) hai aur is ki sanad mai majhool raavi hai

Teesri namaz salatul fiya k naam se padhi jati hai is ki badi fazilat bayan ki jati hai jabke is namaz ki bhi koi asal nhi aur kitab o sunnat se is ajeeb wa gareeb namaz ka koi saboot nhi milta, is k saboot mai hazrat Ali Razi Allahu Anhu se marvi ye hadees badi shad wa mad se paish ki jaati hai k Rasool Allah Sallallahu Alaihi Wa Sallam ne Hazrat E Ali Razi Allahu Anhu ko mukhatib karte hue farmaya k jo shaks is raat mai 100 rakaat namaz is tarah padhega k har rakaat mai surah fatiha aur "QUL HU WALLAHU AHAD" das das baar padhey to Allah uski har zarurat poori kar deta hai aur agar looh e mehfooz mai wo badbakht likha gaya hai to Allah ta'ala use mita kar use khush naseeb likh deta hai aur uske ayenda ek saal k gunah nahi likhey jaate.

Is hadees ko Allama ibne jauzi Rahimahullah ne kitab Al Mauzu'aat mai teen tark se zikr kiya hai aur is k baad farmaya k is hadees k mauzu hone mai koi shak nahi, is k zayada tar raavi majhool hai balke unme se baaz to bilkul zaeef hai aur is tarah ki hadees ka Nabi Sallallahu Alaihi Wa Sallam se saadir hona namumkin hai aur humne bahut se loogo ko dekha hai k jo ye namaz padhte hai jab choti raatey hoti hai to wo is k baad so jaate hai aur unki namaz e fajr faut ho jati hai jabke jahil a'emma e masajid ne is namaz ko aur isi tarah salatur raga'ib ko loogo ko jama karne aur kisi bade munsab tak pahuchne ka zariya bana liya hai aur kissa goo (yani kissey kahani bayan karne wale) loog apni majalis mai is namaz ka tazkira karte hai halanke ye sab haq se bahut door hai. (Al Mauzu'aat jild 2 safa no. 443)

Imam Nauvi rahimahullah farmate hai k wo namaz jo salatur raga'ib k naam se maroof hai wo aur isi tarah shabaan ki pandarvi (15th) raat ki 100 rakaat namaz ye dono namazey bahut buri bida'at hai lihaza quwwatul quloob aur ahyaa uloom ud deen mai inke tazkira se dhookey mai nhi padna chahiye aur na hi unke baare mai riwayat ki koi hadees se dhooka khana chahiye kyunki wo puri ki puri batil hai. (Majmua E Nauvi jild 3 safa no. 379)

Allama Shokaani rahimahullah farmate hai ye hadees mauzu hai aur is k baaz alfaaz mai iske padhne wale ko jo sawab milne ki sarahat ki gayi hai unke manghadat hone k baare mai kisi aqalmand insaan ko shak nhi ho sakta aur iske raavi majhool hai aur sahib e aahya wagaira jese fuqaha aur mufassareen ki ek jama'at is riwayat se dhoka kha gayi hai halankey shabaan ki pandarvi (15th) raat ki namaz k baare mai jo hadees mukhtalif tareeq se riwayat ki gayi hai wo apne tamaam tareeq k saath batil aur mauzu hai. (Al Fawa'id Majmuah safa no. 53)

Allama ibne qayyim rahimahullah shab e baraat mai kisi makhsoos tareeq se namaz padhne k baare mai mazkoora ahadees ko manghadat qaraar dete hue farmaate hai k tajjub us shaks par hai jisko sunan ki mamooli si bhi maarfat ho aur wo is tarah ki bakwaas se dhooka kha kar is namaz ko padhey jabke ye namaz islam mai choothi (4th) sadi k baad ejaad ki gayi aur is ki nashu wa numa baitul muqaddas se hui phir is k riwaaj k liye muta'addad ahadees ghad kar paish ki gayi unhi mai se ye hadees hai k jisne shab e baraat mai hazaar martaba "QUL HUWALLAHU AHAD" padha to Allah ta'ala uski taraf 100 farishto ko bhejega jo usko basharat denge aur ye hadees k jo pandarvi (15th) shabaan ki raat mai 12 rakaat namaz padhey aur har rakaat mai 30 martaba "QUL HU WALLAHU AHAD" padhey to wo apne gharo mai se aese 10 loogo ki sifarish karega jin par jahannam wajid ho gayi, is k alawa wo jo ahadees hai unme se koi hadees bhi sahih nahi hai. (Al Munarul Muneef fi sahih wal zaeef safa no. 104)

Tamaam ulama e ikraam ne ye faisla kiya hai k is raat ki namaz ya koi dusri namaz shariyat mai sabit nahi imam Tartoosi, Imam Auzayi, Hafiz Aeraaqi, Allama Nauvi, Allama Shaukani, Ibne Jauzi, Ibne Qayyim, Sheikh ibne baaz, Allama Nasiruddin albaani rahimahullah aur degar ulama e islam ne pandarvi (15th) shabaan ki raat mai padhi jane wali namaz ko be asal qaraar diya hai aur musha'hid ulama e ahnaaf jese Allama anwar shah kashmiri, Allama Yousuf banooti, Mulla Ali Qaari hanfi rahimahullah wagaira ne bhi bayan kiya hai k is raat mai koi khaas namaz saabit nahi hai.

Chunanchey mulla ali qaari hanfi rahimahullah farmaate hai k is namaz k baare mai zaeef ya mauzu ahadees k alawa kuch bhi warid nahi is liye aap ko is se dhoka khana nahi chahiye k ise quwwatul quloob aur ahyaa e uloom ud deen k muallifeen ne zikr kiya hai neez ye bida'at namaz pehli martaba 448 hijri mai baitul muqaddas mai aejaad ki gayi jab baad aatish parasto ne islaam qubool kiya to wo sab musalmano k saath namaz padhte to apne saamne aag jala liya karte they unhi loogo ne salaat aejaad kiya tha chunanchey jab shabaan ki pandarvi (15th) raat aati to wo ye namaz padhte aur apne aagey aag jalate takey raat ko zayada dair tak wo aag k aagey tazeeman khade rahe is k alawa loog is aag ki aad mai bahut si buraiyo ka irtikaab bhi karte they yaha tak k us waqt k auliya e kiraam ko ye khauf la haqq hua k kahi unhe zameen mai dhasa na diya jaye is liye wo unke ilaqo se door chale jaate they jinme is bida'at par amal kiya jata tha aur uski aadh mai kayi buraiyo ka irteqaab kiya jata tha. (Tohfatul Ahwaazi jild 3 safa no. 163, Al Mauzu'aat ul Kabeerah safa no. 330, Tazkiratul Mauzu'aat az allama qutni safa no. 45)

Nihayat afsoos ka muqaam hai k jo namaz aatish parasto ne paanchvi (5th) sadi mai ejaad ki aur uski fazilat mai jhooti ahadees bhi ghad daali aaj musalman pandarvi (15th) shabaan ki raat mai is namaz ka khasoosi ehtamaam karte hai aur poore zoor shoor k saath in jhooti aur manghadat ahadees ko bayan karte hai jabke ye aur is qisam ki degar tamaam ahadees bin ittefaaq zaeef aur mauzu hai aur a'emma e kiraam allama shokaani, ibne jauzi, ibne hibban, allama qutni, hafiz sayooti wagira ne in riwayat ko be asal aur na qabil aetabaar qaraar diya hai.

Allama shiekh bin baaz rahimahullah mufti saudi arab farmaate hai k pandarvi (15th) shabaan ko koi ibadat mashrooh nahi agar pandarvi (15th) shabaan ki raat mai ijtima ya kuch ibadat karna mashrooh hota to Nabi E Akram Sallallahu Alaihi Wa Sallam zaroor uski taraf rehnumayi farmaate ya apni ummat ko aagaah karte ya khud ibadat karte agar aapne in raato mai kuch ibadat ki hoti ye koi khaas kaam kiya hota to sahaba e kiraam ummat e muhammadiya k loogo ko zaroor batate aur ise loogo se bhi na chipaate, ambiya alaihis salaam k baad wo tamam loogo se afzal aur behtar they aur sab se zayada loogo k khair khawah they Allah ta'ala unse raazi hua aur wo us se raazi ho gaye jabke ulama ne sarahat ki hai k nisf shabaan ki raat ki fazilat mai Aap Sallallahu Alaihi Wa Sallam se koi cheez sabit nahi hai ,Is se maloom hua k is raat mai ijtema karne bida'at hai jo deen e islaam mai nayi aejaad hai isi tarah is raat ko kisi khaas ibadat k liye makhsoos karna bhi bidaat aur gunah ka kaam hai. (Bida'at e murawajjah shariyat e muhammadiya ki rooshni mai safa no. 42 aur 43)

Aakhir mai hum muhaddis e kabeer allama ubaidullah rahmaani mubarakpuri rahimahullah ka bayan naqal karte hai aap farmate hai k khasoosi taur par pandarvi (15th) shabaan ki raat ko zinda karna, is mai bedaar rehna, is mai qayam ka ehtamam, panjgaana namazo mai se baaz ko ya tamaam faraz namazo ko chood dena aur degar wajibaat ki adaigi se gaflat baratna jesa k hamare is zamane mai aam musalmano ki haalat hai bila shubah ye bahut buri baat hai aur fara'iz ko chood kar mandoob kaam mai mashgool rehna deeni amal nahi hai aur na raaye ka is se kuch talluq hai isi tarah is raat mai tamaam sunan ko chood kar qabro ki khaas taur par ziyarat karna bhi masnoon nahi hai aur ye kisi sahih ya zaeef hadees se saabit bhi nhi hai is raat mai murdo ki rooho k aamad wa haazri ka aqeedah karna, us k istaqbaal k liye gharo ko saaf karna, unki takraam k liye deewaro ko laip karna aur unki zaruriyaat k liye chiraag aur qandeeley jalana aur chiraaga karna ye tamaam umoor bila shak bida'at e gumraahi mai se hai. (Mar'aatul Mafateeh Sharah Mishkaatul Masabeeh jild 4 safa no. 342)

Khulasa e kalaam ye hai k pandarvi (15th) shabaan ki shab (shab e baraat) ki fazilat aur is raat mai khasoosi namaz wa ibadat karne k silsiley mai koi sahih wa marfoo hadees marvi nahi hai albatta is poore maah mai bakasrat nafli roozey rakhney ka amal masnoon hai lekin pandarvi (15th) shabaan ki shab bedaari (yani puri raat jaagna) wa qayaam aur makhsoos namaz wa ibadat karne k liye aur is k din ko rooza rakhne k liye khaas karna, jo dar haqeeqat infiraadi aur ijtimaayi taur par qabro ki ziyarat karna, chiraaga aur aatish baazi karna, roozo ki aamad wa haazri ka aqeedah rakhna, aur unke isteqbaal k liye gharo ki safayi, agarbatti wa loobaan jalana, halwa wagira pakana ye saare umoor be asal hai shariyat e islamiya mai inka koi saboot nahi ye gumrah kun bida'at hai jinse bachne ki quran wa sunnat e nabviya mai taleem wa talqeen ki gayi hai lihaza har musalman ko uswa e nabwi ko apnate hue in tamaam bida'at wa khurafaat aur baatil rasoom wa riwaaj aur gari shara'i aamaal wa aqaid se ijtinaab (bachna chahiye) karna chahiye.

Allah ta'ala hamari is bida'at se hifazat farmaye. (Aameen Ya Rabbal Alameen)      

SHAB E BARAAT SE MUTALLIQ ZAEEF, MAUZU AUR MANGHADAT AHADEES

SHAB E BARAAT SE MUTALLIQ ZAEEF, MAUZU AUR MANGHADAT AHADEES

Bismillahirrahmanirraheem

1. point no 1 abhi pichle post mai guzar chuka hai jiska naam tha "shab e baraat k mutalliq jo ek hadees sahih ya hasan kahi jati hai uska jayeza" ye point no 1 tha

2. Ayesha Razi Allahu Anha ki riwayat jiske andar hai: yaani pandarvi (15th) shabaan ki shab Nabi aadam mai se is saal tamaam paida hone walo k baare mai likha jata hai, aur nabi aadam mai se is saal tamaam marne walo k baare mai likha jata hai, is raat unke aamaal uthaye jate hai aur unki rozi nazil ki jati hai. (Behaqui fi dawatul kabeer, mishkaat raqam 1305)

Sheikh albaani farmaate hai "Is riwayat ki sanad par meri waaqfiyat nahi ho sakti". (Taaliqa alal mishkaat)


3. Jab pandarvi (15th) shabaan ki raat ho to raat mai qayaam karo aur din mai rooza rakkho, kyunki Allah ta'ala sooraj guroob hone par aasmani dunya par tashreef lata hai, aur kehta hai: hai koi maafi mangne wala jise mai bakhsh du, hai koi roozi maangne wala jise mai roozi du, hai koi beemar jise mai accha karu, hai koi aesa, hai koi aesa, yaha tak k fajar ka waqt ho jata hai. (Ibne Maja kitab iqamatus salaat, raqam 1388)

Is riwayat ki sanad mai Abu bakr bin abdullah bin abu sabra hai jinke mutalliq Imam ahmad aur yahya bin ma'een farmaate hai k "ye hadeese ghada karte they". (Mezaanul Aetadaal 4: 503, Taqreeb raqam: 8030), Sheikh Albaani rahimahullah ne bhi is riwayat ko mouzu qaraar diya hai. (Silsila E Zaeefa raqam: 2132)

4. Ali Razi Allhu Anhu ki riwayat hai farmaate hai shabaan ki pandarvi (15th) shab ko mene Allah k Rasool Sallallahu Alaihi Wa Sallam ko dekha k aapne 14 rakaatey padhi phir faragat k baad baithey aur 14 martaba surah fatiha, 14 martaba surah naas, 1 martaba ayatal kursi aur laqad ja-a-kum.....alkh padhi, jab aap namaz se farig hue to mene aapse se is amal k baare mai pucha to aapne farmaya: Jisne bhi aesa kiya to use 20 hajj e mabroor 20 saal k maqbool roozey ka sawaab milega.

Imam Behaqui is riwayat ki takhreej karte hue farmaate hai: ye hadees mouzu k mushaba hai jabke ye munkar hai aur is ki sanad mai kayi ek majhool raavi hai. (Al Aasarul Marfua safa no. 80)

5. Ae Ali! jis kisi ne bhi shabaan ki pandarvi (15th) shab ko ek hazaar baar "QUL HU WALLAHU AHAD" k saath 100 rakaatey padhi to us raat wo jo kuch maangega Allah rabbul izzat uski tamaam hajatey poori karega, aur use 70 hoorey inayat farmaayega, jinme se har hoor k saath 70 hazaar gulaam aur 70 hazaar bacche honge.

Is riwayat k silsiley mai Mulla Ali Qari rahimahullah farmaate hai: Sunnat e nabvi k ilm ki adni boo (khushbu) bhi paane wale par tajjub hai k wo is qisam k hazyaan wa bakwaas se dhooka kha jata hai. (Al Israrul Marfua safa no. 440)

Shabaan ki pandarvi (15th) shab ki namazo se mutalliq muta'addad riwayate hai jo k tamaam ki tamaam mouzu wa manghadat ya munkir hai, wazey rahe k mazkoora namaz jo choothi (4th) sadi hijri k baad baitul muqaddas mai ghadi gayi aur iski fazilat mai mukhtalif jhooti hadeese bhi wazey ki gayi.

6. Shabaan mera mahina hai, Shabaan paak kane wala hai aur ramzan (gunaho k liye) kaffara ka mahina hai.

Ye riwayat 2 tareeko se marvi hai, ek dailmi ne batareek: hasan bin yahya khasni an auzayi an yahya bin abi kaseer an ayesha marfoaa riwayat kiya hai. (Al Maqasil hasanatul sakhavi raqam: 595)
Aur doosra iben asakar ne batareeq: jafar bin muhmmad bin khalid an hishaam bin khalid basandah an ayesha riwayat kiya hai. (Mukhtasar tareek e damishk 6:84)

Pehli sanad ka daromadar hasan bin yahya khashni par hai jisko ulama e hadees ne gair siqa aur matrook qaraar diya hai. (Al Jarah wal taadeel 1:2:44, Al Majroheen 1: 235, Al Meezan 1: 525, Zafa ud daarey qutni raqam: 190)
Aur doosri sanad ko sheikh albaani rahimahullah ne "Zaeef juda" qaraar diya hai. (Silsila e Zaeefa raqam: 3746, Zaeef Jamey raqam: 3411)

7. Rajab Allah ka mahina hai aur shabaan mera mahina hai aur ramzan meri ummat ka mahina hai, Ise dailmi (Musnad raqam: 3095), ne Anas Razi Allahu Anhu se marfoo riwayt kiya hai.

Hafiz Aeraaqi sharah tirmizi mai farmaate hai k: ye hadees musalaat hasan mai se hone ki bina par nihayat hi zaeef hai, Sheikh albani rahimahullah ne bhi is ki tazaeef ki hai. (Zaeef Jamey raqam: 3094), imam shokaani ne is riwayat ko mouzu qaraar diya hai. (Al Fawa'id Majmua safa no. 100), neez imam ibne jauzi aur allama sayooti ne bhi mouzu qaraar diya hai. (Al Maozu'aat 2: 205, Al aalil Masnoo'a 2: 114), wazey rahe k is ki sanad mai abu bakr bin hasan nifaash mutham bin kazzab hai. (Lesanul Meezaan raqam: 441). aur kasaai majhool hai.

8. Rajab k mahine ki fazilat aesi hi hai jesi quran ki fazilat tamaam kalaam pe aur shabaan k mahine ki wahi fazilat hai jesi meri tamaam ummat ambiya par hai. (Al Maqasidul Hasana raqam: 740)

Hafiz ibne hajar rahimahullah tabaeen e ajab (safa no. 14) mai is riwayat ko mouzu qaraar dete hue Raqam taraaz mai: is k tamaam rawaat bajaz saqti k siqaat hai kyunki wo hadeese ghadhne mai maroof tha. (Kashaful Khafaul ajlooni 2: 85)

9. Ayesha Razi Allahu Anha ki riwayat hai k Allah k Rasool Sallallahu Alaihi Wa Sallam ne irshaad farmaya: Allah tabark o ta'ala shabaan ki pandarvi (15th) shab ko aasmani dunya par nuzool farmata hai, aur qabeela e qalb ki bakriyo k baal se bhi zayada ki tadaad mai loogo ki magfirat farmaata hai. (Tirmizi Kitabus Saum raqam: 739, Ibne Maja Kitab Iqamatus salaah raqam 1389, Musnad Ahmad 6: 238, wal lalkayi 1: 101, wa abad bin hameed 1: 194)

Is riwayat k silsiley mai imam tirmizi farmaate hai k: "Imam Bukhari is riwayat ki tazaeef kiya karte they, kyunki yahya bin abu kaseer ka simaa (sun'na) arwa se saabit nahi hai, aur hijaaz bin artaah ka simaa (sun'na) yahya bin abu kaseer se sabit nahi hai", Shaikh Albani ne bhi is riwayat ko zaeef qaraar diya hai. (Zaeef Sunan Tirmizi raqam 739), aur qaabil e zikr baat ye hai k hijaaz mudallis hai aur ise anaana se riwayat kiya hai.

10. Ayesha Razi Allahu Anha ki riwayat hai: Allah k Rasool Sallallahu Alaihi Wa Sallam har maah 3 dino ka rooza rakkha karte they, bas auqaat roozo ko mu'akkhir kar dete aur jab ek saal kar rooza ikattha ho jata to shabaan mai rakh lete. (Tabraani)

Hafiz ibne hajar farmaate hai: ye hadees zaeef hai, ise tabraani ne aosat k andar ibne abu laili k tareeq se riwayat kiya tha, aur ibne abu laili zaeef hai. (Fathul Baari, 4: 252)

11. Anas Razi Allahu Anhu ki riwayat hai farmaate hai: Allah k Rasool Sallallahu Alaihi Wa Sallam se pucha gaya k ramzan k baad konsa rooza afzal hai to aapne farmaya: Ramzan ki tazeem mai shabaan ka roza. is hadees ko imam tirmizi ne hasan, (Abwabuz Zakaat raqam: 657), Imam Tahavi ne sharah Ma'aani Aasaar (2: 83), Aur Imam Bagvi ne sharah As Sunnah (6: 629) k andar riwayat kiya hai.

Imam tirmizi ne is riwayat ko "Gareeb" qaraar diya hai, kyunki iski sanad mai Sadqa bin musa muhadiseen k nazdeek gair qawi hai, neez ye riwayat Abu Huraira Razi Allahu Anhu ki Muslim k andar riwayat karda marfoo wa sahih hadees ki ma'aariz bhi hai jisme hai: Ramzan k baad afzal rooza muharramul haraam ka rooza hai. (Fathul Baari 4: 252), Imam munzari ne is hadees ki tazaeef ki taraf ishara kiya hai. (At Targee 1: 79), aur imam Jauzi ne gair sahih qaraar diya hai. (Al alal Muta'nahiyah raqam: 914), aur shiekh Albaani ne bhi ise zaeef qaraar diya hai. (Arwa'ul Gulyal 3:397)

12. Ayesha Razi Allahu Anha farmaati hai k: Allah k Rasool Sallallahu Alaihi Wa Sallam ne poore maah e shabaan k roozey rakkha karte they, mene kaha: Ae Allah k Rasool Sallallahu Alaihi Wa Sallam! kya shabaan ka mahina aapke nazdeek sabse piyaara hai k aap is mai rooza rakhte hai?, to aapne farmaya: Is mahine mai Allah ta'ala poore saal k marne walo ka hisaab kitba likhta hai, lihaaza mai chahta hu k meri maut is haalat ami aye k mai roozey se hon.

Is riwayat ko Abu yaali ne riwayat kiya hai aur Shaikh Albani ne zaeef qaraar diya hai. (Zaeef Targeeb raqam: 619), yahi riwayt doosre alfaaz k saath warid hai jisme hai: Allah ta'ala is Saal marne wale tamaam nafs ki maut (isi maah mai) likhta hai, Shaikh Albaani ne is riwayat ko munkar qaraar diya hai. (Silsila E Zaeefa raqam: 5086)

13. Mu'aaz bin Jabal Razi Allahu Anhu ki riwayat k Allah k Rasool Sallallahu Alaihi Wa Sallam ne farmaya: Jis 5 raato mai shab bedaari ki uske liye jannat wajib ho gayi: Tarwiya ki raat, Arfa ki raat, Qurbaani ki raat, Eid ul fitr ki raat aur pandarvi (15th) shabaan ki raat.

Ise ibne abi aasim ne kitabus sunnah (1: 224), iben hibban ne sahih (al hisaan 7: 470), Tabraani ne Majmua uz zawa'id (8: 65), aur imam Asfahaani ne targeeb k andar zikr kiya hai. Aur Imam Munzari ne targeeb k andar zikr karne k baad is ki zaeef ya mouzu hone ki taraf ishara kiya hai, aur Shaikh Albaani ne ise mouzu qaraar diya hai. (Silsila E Zaeefa raqam: 522)

14. Abu Umama Bahali Razi Allahu Anhu ki riwayat k Allah k Rasool Sallallahu Alaihi Wa Sallam ne irshaad farmaya: 5 raato mai ki gayi duaye radd nahi hoti: rajab ki pehli raat, shabaan ki pandarvi (15th) raat, jua ki raat, Eid ul fitr ki raat aur qurbaani ki raat.

Is riwayat ko ibne asakar ne tareekh e damishq (10: 275), k andar zikr kiya hai, aur Sheikh Albaani ne ise mouzu wa manghadat qaraar diya hai. (Silsila E Zaeefa raqam: 1452)

15. Ayesha Razi Allahu Anha farmaati hai k: Allah k Rasool Sallallahu Alaihi Wa Sallam ne farmaya: Mere paas jibraeel alihis salaam aye aur farmaya k: ye pandarvi (15th) shabaan ki raat hai, is raat Allah ta'ala qabeela banu qalb ki bakriyo k baalo ki tadaad mai loogo ko jahannam se aazaad karta hai, aur mushrik, keena parwar, rishto ko toodne wale, takhne se niche kapda pehan'ne wale walidain ki nafarmaani karne wale aur sharaabi ki taraf nahi dekhta.

Ise Imam Behaqui ne riwayat kiya hai aur Sheikh Albaani ne ise zaeef qaraar diya hai. (Zaeef Targeeb raqam: 620)

isi mana ki ek taweel riwayat doosre siyaaq mai imam behaqui ne shobul emaan k andar zikr kiya hai jise Shiekh Albaani ne 2 matrook raaviyo ki bina par hadd darja zaeef qaraar diya hai. (Zaeef Targeeb raqam: 1651)

16. Ayesha Razi Allahu Anha ki riwayat hai: ye pandarvi (15th) shabaan ki raat hai, Allah ta'ala pandarvi (15th) shabaan ki raat apne bando ki taraf dekhta hai aur magfirat talab karne walo ki magfirat farmaata hai aur raham talab karne walo par raham farmata hai aur keena parwar ko wese hi chood deta hai.

Ise Imam Behaqui ne riwayat kiya hai aur Shiekh Albaani ne ise zaeef qaraar diya hai. (Zaeef Targeeb raqam: 622)

17. Usman bin abul aas Razi Allahu Anhu ki riwayat hai k: Allah k Rasool Sallallahu Alaihi Wa Sallam ne irshaad farmaya: Jab pandarvi (15th) shabaan ki raat hoti hai to ek pukaane wala pukaarta hai: hai koi magfirat talab karne wala jise mai bakhshu?, hai koi maangne wala jise ata karu?, koi kuch bhi maange use diya jata hai siwaye zinakaar aurat aur mushrik k.

Ise imam Behaqui ne riwayat kiya hai aur Sheikh Albaani ne ise zaeef qaraar diya hai. (Zaeef Jamey raqam: 653)

18. Raashid bin saad se marvi hai: pandarvi (15th) shabaan ki raat mai Allah ta'ala malakul maut ko is saal jin roohon ko qabz karne ka iraada farmaata hai unko qabz karne se mutalliq wahi farmata hai.

Is riwayat ko imam Dainuvi ne Al Majalisah k andar riwayat kiya hai, aur imam Albaani ne ise zaeef qaraar diya hai. (Zaeef Jamey raqam: 4019)

19. Anas Razi Allahu Anhu ki riwayat, farmaate hai: jab rajab ka mahina ata to Allah k Rasool Sallallahu Alaihi Wa Sallam farmaate: Ae Allah rajab aur Shabaan k mahino mai hamare liye barkat ata farma aur hame ramzan tak pahuncha.

Is riwayat ko Imam Behaqui aur ibne asakar ne riwayat kiya hai aur Sheikh Albaani ne ise Zaeef qaraar diya hai. (Zaeef Jamey raqam: 4395)

20. Abu Hurairah Razi Allahu Anhu ki riwayat: jisne pandarvi (15th) shabaan ki raat mai 12 rakaatey namaz padhi, aur har rakaat ami 30 martaba "QUL HU WALLAHU AHAD" padhi to namaz se faarig bhi nhi hota k use jannat mai uska thikaana dikha diya jata hai aur uske ghar waalo mai se aese 10 loogo k silsiley mai uski sifarish qubool ki jayegi jinpar jahannam waajib ho chuki hogi.

Is hadees ko Imam bazaar ne aur imam ibne jauzi ne riwayat kiya hai. (Kashful Astaar 3: 436 aur al alal mutanahiyah 1: 70), iski sanad mai abdur rahmaan majhool aur amshi mudallis raavi hai, neez is mai hishaam ka koi mutaabey nahi hai jesa k imam ibne bazaar ne iski wazahat ki hai aur imam ibne jauzi ne is riwayat ki sanad mai muta'addad majhool raaviyo ki wajah se mouzu qaraar diya hai, aur imam ibne qayyim aur allama sayooti ne bhi ise mouzu qaraar diya hai. (Al Muanrul Muneef safa no. 99, Al Alal Mauzu 2: 59)

21. Jisne pandarvi (15th) shabaan ki raat mai 100 rakaatey ek hazaar baar "QUL HU WALLAHU AHAD" padhi to wo dunya se is haalat mai rawana hoga k Allah ta'ala uske khuwaab mai 100 farishte bhejega, 30 jannat ki basharat denge, 30 use jahannam se bachayenge, aur 10 use uske dushmano ki saajish se bachayenge.

is riwayat ko imam Ahmad ne riwayat kiya hai. (Musnad Ahmad 2: 176), is riwayat ko imam munzari ne zaeef aur imam ibne jauzi, imam sayooti aur ibne aeraaqi ne mouzu qaraar diya hai. (Targeeb 3: 460, Al Maouzu'aatul Kabeer 2: 125, Tanzeehal Shareeyah 2: 93, Al Alal Mauzua 2: 59)

Allah ta'ala hamari is bida'at se hifazat farmaye aur hamare bhaiyo ko hidayat de. (Aameen Ya Rabbal Alameen)

SHAB E BARAAT K MUTALLIQ JO EK HADEES SAHIH YA HASAN KAHI JATI HAI USKA JAYEZA

SHAB E BARAAT K MUTALLIQ JO EK HADEES SAHIH YA HASAN KAHI JATI HAI USKA JAYEZA

Bismillahirrahmanirraheem

Islaami saal ka aathwa (8th) mahina "Shabaan" ki pandarvi (15th) shab ki ahmiyat wa fazilat k talluq se mualamano ka ek bada tabka ifraat ka shikaar hai, is raat ibadat wa riyazat, shab bedaari aur mukhtalif bid'aat wa khurafaat anjaam diye jaate hai, wazey rahe k makhsoos raat ki ibdat Allah k Rasool Sallallahu Alihi Wa Sallam k zamane mai na thi aur na hi sahaba e kiram Razi Allahu Aahum k zamane mai, albatta khalid bin maadaan matoofi sana 103 hijri aur makhool shami k mutalliq maroof hai k ye loog is raat khoob ibadtey kiya karte they, aur unhi k baad loog is raat ki ehmiyat wa fazilat k baare ami ikhtilaaf ka shikaar ho gaye. (Al Ibda'a fee Mazarul Ibtida safa no. 286)

Lihaza baaz loogo ne is raat ki fazilat mai mukhtalif riwayaat wa aasaar paish kiye hai jinhe ulama e muhaddiseen ne mehal e nazar bataya hai.

Ek riwayat jiske talluq se ye kaha jata hai k ye sahih ya hasan hai is riwayat ka jayeza: 

Allah ta'ala shabaan ki pandarvi (15th) shab ko tamaam makhluqaat ki taraf dekhta hai aur mushrik aur keena parwar (ek riwayat k mutabiq qaatil) k alawa sab ki magfirat farma deta hai.

Ye riwayat inhi alfaaz k saath 7 Sahaba E Kiraam Razi Allahu Alaihim Ajmaeen se marvi hai jiski tafseel kuch yuh hai:

1. Abdullah bin Umar wa bin Aas Razi Allahu Anhu ki riwayat: Is riwayat ko imam Ahmad ne Musnad (2: 176) mai aur munzari ne Targeeb wa Tahzeeb (rakam: 1519) k andar riwayat kiya hai, is riwayat ki sanad mai maroof zaeef raavi ibne luhayi ka wajood is hadees k zaeef hone k liye kaafi hai, jesa k haihmi ne likha hai k ye raavi zaeef hai (Majmua uz Zawa'id 8:65)
Albatta sheikh albanai rahimahullah ne is hadees ko rasheed bin sa'ad ki mutaba'at ki bina par hasan qaraar diya hai
Wazey rahe k rasheed bin sa'ad khud zaeef hai, kyunki ye munakeer (munkir raaviyo) ki riwayat kiya karte they, hattake imam abu haatim ne ibne luhayi ko in par muqaddam qaraar diya hai. (Al Jarah wal tadeel raqam: 2319, Taqreeb raqam: 1953)

2. Abu Musa Ash'ari Razi Allahu Anhu ki riwayat: Is riwayat ko ibne maja ne sunan (Aqamatus salaat raqam: 1390) mai riwayat kiya hai, is riwayat ki sanad 3 wajah se maalool hai
1. Abu Luhayiki wajah se is k andar zaeef hai
2. Abdur rahmaan bin azrab majhool hai
3. Is ki sanad k andar iztaraab hai

3. Abu Hurairah Razi Allahu Anhu ki riwayat: Ise bazaar (Musnad Bazaar safa no. 245) ne riwayat kiya hai, ye riwayat hishaam bin abdur rahmaan ki wajah se maalool hai jo k majhool hai, jesa k haishmi ne likha: mai inhe nahi jaanta.

4. Abu Bakr Siddequi Razi Allahu Anhu ki riwayat: Is ko ibne khuzaima ne "Kitabut Tauheed", Behaqui ne "At Targeeb" aur Ibne abi aasim ne "Kitabus Sunnah" (raqam: 509) k andar riwayat kiya hai.
Imam Behaqui farmaate hai iski sanad mai koi harj nahi hai (Sahiha 3:137) lekin is sanad k andar abdul malak bin abdul malak (ya abdul malik bin abdul malik) hai jinke silsiley se imam Bukhari farmaate hai: is ki hadees mehal e nazar hai, imam ibne hibban wagira farmaate hai: is ki hadees ki mutaba'at nhi ki ja sakti, is hadees ko zikr karne k baad ibne adi farmate hai: yaani abdul malak (ya abdul malik) is asnaad k silsiley mai maaroof hai aur is hadees ko unse Umar wa bin Haaris k alawa koi riwayat nhi karta hai, aur ye hadees is sanad se munkar hai. (Lisaan ul Meezaan 4: 67, raqam 197)

5. Auof bin Maalik Razi Allahu Anhu ki riwayat: Ise bazaar ne apni musnad (safa no. 245) k andar zikr karne k baad iski sanad ko zaeef qaraar diya hai, is riwayat ki sanad k andar 2 illatey hai:
1. Ibne Luhayi ki mojoodgi
2. Abdur Rahmaan bin Na'am jinhe jamhoor a'imma ne zaeef qaraar diya hai, jesa k haismi ne likha hai.

6. Abu Saalba Khasni Razi Allahu Anhu ki riwayat: Ise tabraani ne mojamul kabeer (raqam: 590-593), ibne abi aasim ne Kitabus Sunnah (raqam: 511), Behaqui ne Shobul Emaan (3832) aur Munzari ne Targeeb wa Tahzeeb (4082) k andar riwayat kiya hai, jiski sanad mai ahoos bin hakeem hai jo zaeef ul hifaz hai (yaani haafize ki wajah se zaeef hai) (Majuma uz Zawa'id 8: 65, Taqreeb raqam: 292)

7. Muaaz bin Jabal Razi Allahu Anhu ki riwayat: Ise tabraani (Mojamul Kabeer raqam: 215), Abu naeem (Al Haleeyah 5: 191), ibne hibban (1980), ibne abi aasim (As Sunnah raqam: 512) aur Behaqui (Fazail E Auqaat raqam: 22) wagaira ne riwayat kiya hai, is ki sanad mai inqataa paya jata hai, kyunki Makhool jo kaseerul risaal hai unka samaa (sun'na) maalik bin yakhamar se saabit nahi hai. (Taqreeb: 6923)


Sheikh Albaani ka hukm aur ek aham nukta

Mazkoora riwayat jo 7 sahaba e kiraam Razi Allahu Anhum se marvi hai, shiekh Albaani rahimahllah ne mutab'aat aur shawahid ki bunyaad par unme se baaz ki sanad ko hasan aur baaz ko sahih qaraar diya hai, lekin qaabil zikr baat ye hai k jesa k aapne abhi mulahiza kiya unme se kisi bhi sanad ki wo hesiyat nahi hai jiski buniyaad par tamaam asnaad ko baik zubaan sahih qaraar diya ja sake aur uski bunyaad par kisi makhsoos raat ki koi ibadat mashroo qaraar paye, khaas taur se jisko bunyaad bana kar deen mai bida'at ka ek silsila shuru ho jeye, agar khench taan kar ye riwayat hasan k darje ko pahunch bhi jati hai to aasmani dunya par har rooz bila takhsees nuzool e rabb aur aamaal ki paishi se mutalliq degar tammam sahih raaviyo k paish e nazar shaaz qaraar payegi.


Is silsile mai ek aham nukta ye bhi hai k Allah rabbul izzat ka bila kisi takhsees k har raat k nisf ko aasmani dunya par nuzool farmane se mutalliq muta'addad sahih raaviyo ka mojood hona aur kisi makhsoos raat se mutalliq kisi ek bhi riwayat ka illat se khali na hona apne aap mai kuch mana zarur rakhta hai! chunanche qaazi abu bakr ibne arbi farmaate hai: "Shabaan ki pandarvi (15th) shab ki fazilat wagira mai koi aesi hadees nhi hai jis par aetamaad kiya ja sake".

Maloom hua k shab e baraat k talluq se koi bhi sahih ya sareeh hadees mojood nhi tamaam riwayaat jo shab e baraat k talluq se bayan ki jaati hai wo sab zaeef, mauzu, manghadat aur khud saakhta hai albatta is se bachna chahiye ye bidaat hai har bidaat gumraahi aur har gumraahi jahannam mai le jane wali hai.

SHAB E BARAAT JAB SHAB E MAGFIRAT TO IBADAT KYU NHI?, EK SHUBAH KA AZAALA

SHAB E BARAAT JAB SHAB E MAGFIRAT TO IBADAT KYU NHI?, EK SHUBAH KA AZAALA

Bismillahirrahmanirraheem

Yaha hum ek shubha ka azaala karna chahte hai jisko aam zehno mai paida kiya jata hai wo ye k pandarvi (15th) shab k baare mai ek hadees sahih taur par saabit hai jis mai Rasool Allah Sallallahu Alaihi Wa Sallam ne farmaya k beshak Allah ta'ala shabaan ki pandarvi (15th) raat ko apne bando par nazar e rahmat daalta hai phir tamaam momino ki magfirat farmata hai aur kaafiro ko mohlat deta hai aur keena parwar loogo ko chood deta hai yaha tak k wo apna dil kena se saaf karle. (ye hadees bhi sahih nhi hai is k liye post padhey shab e baraat se mutalliq jo ek hadees sahi ya hasan kahi jati hai uska jayeza)

is hadees se maloom hua k shab e baraat magfirat ki raat hai to is se to is raat ko kuch fazilat saabit hoti hai phir raat mai khasoosi ibadat wa qayam k ehtamaam karne mai kya harj hai is shubha ka azaala karna zaruri hai is liye ye wazahat paish ki ja rahi hai k Allah ta'ala ne quran majeed mai farmaya: "LAQAD KANA LAKUM FEE RASOOLILLAHI USWATUN HASANATAL LIMAN KANA YARJULLAHA WAL YAUMAL AAKHIRA WA ZAKARALLAHA KASEERA" Tumhare liye Allah k rasool ki zaat mai behtareen uswa hai har us shaks k liye jo Allah aur akhirat k din bharosa rakkhey aur Allah ka bakasrat zikr kare.

Is ayat e kareema mai Allah ta'ala ne apne Rasool Sallallahu Alaihi Wa Sallam ko ummat e muhammadiya k liye uswa e hasana qaraar diya hai jiska mafhoom ye hai k hum har maidaan mai aapke uswa e hasana ko saamne rakh kar aapke nakashey kadam par chale aur har amal mai aap hi ki iqtida kare ye hukm aam hai k aap k tamaam aqwaal wa af'aal aur ahwaal mai aapki iqtida har musalman k liye zaruri hai khuwah unka talluq ibadaat wa muamalaat se ho ya ma'eeshat wa siyasat se lekin jab hum ahadees e nabwiya aur seerat ki kitaabo ka jayeza lete ahi to hame maloom hota hai k Aap Sallallahu Alaihi Wa Sallam ne is raat mai khusui taur par kisi ibdat aur qayaam ka ehtamaam na khud kiya aur na hi apne sahaba e kiraam razi Allahu alaihim ajmaeen ko uski targeeb dilayi.

Lihaza jab hamare piyare nabi Sallallahu Alaihi Wa Sallam ne is raat mai khususi ibadat wa qayaam ka ehtamaam nahi kiya to hame bhi aap k uswa e hasana ko apnaate hue nahi karna chahiye.

Al garz shabaan ki pandarvi (15th) raat ko khususi ibadat ki fazilat mai kuch bhi saabit nahi hai is liye uswa e nabvi ki muwafikat karte hue un tamaam murawajjah umoor se bachna chahiye.

Allah ta'la se dua hai k wo ummat e muhammadiya ko siraat e mustaqeem par gaamzan rakkhey aur unko kitab o sunnat par amal paira hone aur tamaam bida'at aur baatil aamaal wa aqaid se bachne ki tofeeq ata farmaye. (Aameen Ya Rabbal Alameen)

SHAB E BARAAT KI HAQEEQAT - MAKHSOOS NAMAZO KA EHTAMAAM PART 5 FINAL

SHAB E BARAAT KI HAQEEQAT - MAKHSOOS NAMAZO KA EHTAMAAM PART 5 FINAL

Bismillahirrahmanirraheem

Shab e baraat ko ba barkat raat samajh kar masajid mai majalis ka ineqaad hota hai aur bade shook wa ragbat k saath qayam ul lail ka ehtamam hota hai aur is mai do teen andaaz ki khud saakhta namaze padhne ka ehtamaam hota hai aur is k jawaaz k liye do teen ahadeese paish ki jati hai jo nihayat zaeef aur mauzu hai pehli namaz 14 rakaat par mushtamil hoti hai aur Hazrat Ali Razi Allahu Anhu se marvi ye hadees bataur e istedlaal laate hai jisme unhone bayan kiya hai Nabi e Kareem Sallallahu Alaihi Wa Sallam ne shabaan ki pandarvi (15th) raat mai 14 rakaat padhi iske baad kuch surato ki tilawat ki phir farmaya k jo shaks is tarah kare jese k mene kiya hai to use 20 makbool hajj aur 20 makbool roozey ka sawab milta hai. (Shoub ul Emaan Behaqui Hadees no. 3559)

Allama ibne Jauzi Razimahullah kitab al Mauzu'aat jild 2 safa no. 445 mai is hadees ko bayan kane k baad kehte hai k ye hadees bhi manghadat hai aur is ki sanad nihayat tareek hai, Imam Behaqui Rahimahullah ne bayan kiya k ye hadees mauzu k mushaba hai aur ye munkir hai is k rawiyo mai Usman bin saeed se pehle k tamaam raawi majhool hai, Imam Sayooti Rahimahullah ne bhi isi tarah hukam lagaya hai. (Tanziyatul shareata la bin iraaq jild 2 safa no. 94)

Doosri namaz 12 rakaat is shab mai masnoon amal samajh kar padhi jati hai aur iski daleel mai ek mauzu aur khud saakhta hadees paish ki jati hai: Jisne shabaan ki pandarvi (15th) raat mai 12 rakaat namaz padhi aur har rakaat mai 30 martaba "QUL HU WALLAHU AHAD" padhey to wo marne se pehle jannat mai apna thikana dekh lega aur apne gharwalo mai se 10 aese loogo ki sifarish karega jinke liye jahannam wajib ho chuki hogi.

Is hadees ko bhi Allama Ibne Jauzi Rahimahullah ne kitab al Mauzu'aat mai naqal karne k baad kaha k ye hadees mauzu (manghadat) hai aur is ki sanad mai majhool raavi hai

Teesri namaz salatul fiya k naam se padhi jati hai is ki badi fazilat bayan ki jati hai jabke is namaz ki bhi koi asal nhi aur kitab o sunnat se is ajeeb wa gareeb namaz ka koi saboot nhi milta, is k saboot mai hazrat Ali Razi Allahu Anhu se marvi ye hadees badi shad wa mad se paish ki jaati hai k Rasool Allah Sallallahu Alaihi Wa Sallam ne Hazrat E Ali Razi Allahu Anhu ko mukhatib karte hue farmaya k jo shaks is raat mai 100 rakaat namaz is tarah padhega k har rakaat mai surah fatiha aur "QUL HU WALLAHU AHAD" das das baar padhey to Allah uski har zarurat poori kar deta hai aur agar looh e mehfooz mai wo badbakht likha gaya hai to Allah ta'ala use mita kar use khush naseeb likh deta hai aur uske ayenda ek saal k gunah nahi likhey jaate.

Is hadees ko Allama ibne jauzi Rahimahullah ne kitab Al Mauzu'aat mai teen tark se zikr kiya hai aur is k baad farmaya k is hadees k mauzu hone mai koi shak nahi, is k zayada tar raavi majhool hai balke unme se baaz to bilkul zaeef hai aur is tarah ki hadees ka Nabi Sallallahu Alaihi Wa Sallam se saadir hona namumkin hai aur humne bahut se loogo ko dekha hai k jo ye namaz padhte hai jab choti raatey hoti hai to wo is k baad so jaate hai aur unki namaz e fajr faut ho jati hai jabke jahil a'emma e masajid ne is namaz ko aur isi tarah salatur raga'ib ko loogo ko jama karne aur kisi bade munsab tak pahuchne ka zariya bana liya hai aur kissa goo (yani kissey kahani bayan karne wale) loog apni majalis mai is namaz ka tazkira karte hai halanke ye sab haq se bahut door hai. (Al Mauzu'aat jild 2 safa no. 443)

Imam Nauvi rahimahullah farmate hai k wo namaz jo salatur raga'ib k naam se maroof hai wo aur isi tarah shabaan ki pandarvi (15th) raat ki 100 rakaat namaz ye dono namazey bahut buri bida'at hai lihaza quwwatul quloob aur ahyaa uloom ud deen mai inke tazkira se dhookey mai nhi padna chahiye aur na hi unke baare mai riwayat ki koi hadees se dhooka khana chahiye kyunki wo puri ki puri batil hai. (Majmua E Nauvi jild 3 safa no. 379)

Allama Shokaani rahimahullah farmate hai ye hadees mauzu hai aur is k baaz alfaaz mai iske padhne wale ko jo sawab milne ki sarahat ki gayi hai unke manghadat hone k baare mai kisi aqalmand insaan ko shak nhi ho sakta aur iske raavi majhool hai aur sahib e aahya wagaira jese fuqaha aur mufassareen ki ek jama'at is riwayat se dhoka kha gayi hai halankey shabaan ki pandarvi (15th) raat ki namaz k baare mai jo hadees mukhtalif tareeq se riwayat ki gayi hai wo apne tamaam tareeq k saath batil aur mauzu hai. (Al Fawa'id Majmuah safa no. 53)

Allama ibne qayyim rahimahullah shab e baraat mai kisi makhsoos tareeq se namaz padhne k baare mai mazkoora ahadees ko manghadat qaraar dete hue farmaate hai k tajjub us shaks par hai jisko sunan ki mamooli si bhi maarfat ho aur wo is tarah ki bakwaas se dhooka kha kar is namaz ko padhey jabke ye namaz islam mai choothi (4th) sadi k baad ejaad ki gayi aur is ki nashu wa numa baitul muqaddas se hui phir is k riwaaj k liye muta'addad ahadees ghad kar paish ki gayi unhi mai se ye hadees hai k jisne shab e baraat mai hazaar martaba "QUL HUWALLAHU AHAD" padha to Allah ta'ala uski taraf 100 farishto ko bhejega jo usko basharat denge aur ye hadees k jo pandarvi (15th) shabaan ki raat mai 12 rakaat namaz padhey aur har rakaat mai 30 martaba "QUL HU WALLAHU AHAD" padhey to wo apne gharo mai se aese 10 loogo ki sifarish karega jin par jahannam wajid ho gayi, is k alawa wo jo ahadees hai unme se koi hadees bhi sahih nahi hai. (Al Munarul Muneef fi sahih wal zaeef safa no. 104)

Tamaam ulama e ikraam ne ye faisla kiya hai k is raat ki namaz ya koi dusri namaz shariyat mai sabit nahi imam Tartoosi, Imam Auzayi, Hafiz Aeraaqi, Allama Nauvi, Allama Shaukani, Ibne Jauzi, Ibne Qayyim, Sheikh ibne baaz, Allama Nasiruddin albaani rahimahullah aur degar ulama e islam ne pandarvi (15th) shabaan ki raat mai padhi jane wali namaz ko be asal qaraar diya hai aur musha'hid ulama e ahnaaf jese Allama anwar shah kashmiri, Allama Yousuf banooti, Mulla Ali Qaari hanfi rahimahullah wagaira ne bhi bayan kiya hai k is raat mai koi khaas namaz saabit nahi hai.

Chunanchey mulla ali qaari hanfi rahimahullah farmaate hai k is namaz k baare mai zaeef ya mauzu ahadees k alawa kuch bhi warid nahi is liye aap ko is se dhoka khana nahi chahiye k ise quwwatul quloob aur ahyaa e uloom ud deen k muallifeen ne zikr kiya hai neez ye bida'at namaz pehli martaba 448 hijri mai baitul muqaddas mai aejaad ki gayi jab baad aatish parasto ne islaam qubool kiya to wo sab musalmano k saath namaz padhte to apne saamne aag jala liya karte they unhi loogo ne salaat aejaad kiya tha chunanchey jab shabaan ki pandarvi (15th) raat aati to wo ye namaz padhte aur apne aagey aag jalate takey raat ko zayada dair tak wo aag k aagey tazeeman khade rahe is k alawa loog is aag ki aad mai bahut si buraiyo ka irtikaab bhi karte they yaha tak k us waqt k auliya e kiraam ko ye khauf la haqq hua k kahi unhe zameen mai dhasa na diya jaye is liye wo unke ilaqo se door chale jaate they jinme is bida'at par amal kiya jata tha aur uski aadh mai kayi buraiyo ka irteqaab kiya jata tha. (Tohfatul Ahwaazi jild 3 safa no. 163, Al Mauzu'aat ul Kabeerah safa no. 330, Tazkiratul Mauzu'aat az allama qutni safa no. 45)

Nihayat afsoos ka muqaam hai k jo namaz aatish parasto ne paanchvi (5th) sadi mai ejaad ki aur uski fazilat mai jhooti ahadees bhi ghad daali aaj musalman pandarvi (15th) shabaan ki raat mai is namaz ka khasoosi ehtamaam karte hai aur poore zoor shoor k saath in jhooti aur manghadat ahadees ko bayan karte hai jabke ye aur is qisam ki degar tamaam ahadees bin ittefaaq zaeef aur mauzu hai aur a'emma e kiraam allama shokaani, ibne jauzi, ibne hibban, allama qutni, hafiz sayooti wagira ne in riwayat ko be asal aur na qabil aetabaar qaraar diya hai.

Allama shiekh bin baaz rahimahullah mufti saudi arab farmaate hai k pandarvi (15th) shabaan ko koi ibadat mashrooh nahi agar pandarvi (15th) shabaan ki raat mai ijtima ya kuch ibadat karna mashrooh hota to Nabi E Akram Sallallahu Alaihi Wa Sallam zaroor uski taraf rehnumayi farmaate ya apni ummat ko aagaah karte ya khud ibadat karte agar aapne in raato mai kuch ibadat ki hoti ye koi khaas kaam kiya hota to sahaba e kiraam ummat e muhammadiya k loogo ko zaroor batate aur ise loogo se bhi na chipaate, ambiya alaihis salaam k baad wo tamam loogo se afzal aur behtar they aur sab se zayada loogo k khair khawah they Allah ta'ala unse raazi hua aur wo us se raazi ho gaye jabke ulama ne sarahat ki hai k nisf shabaan ki raat ki fazilat mai Aap Sallallahu Alaihi Wa Sallam se koi cheez sabit nahi hai ,Is se maloom hua k is raat mai ijtema karne bida'at hai jo deen e islaam mai nayi aejaad hai isi tarah is raat ko kisi khaas ibadat k liye makhsoos karna bhi bidaat aur gunah ka kaam hai. (Bida'at e murawajjah shariyat e muhammadiya ki rooshni mai safa no. 42 aur 43)

Aakhir mai hum muhaddis e kabeer allama ubaidullah rahmaani mubarakpuri rahimahullah ka bayan naqal karte hai aap farmate hai k khasoosi taur par pandarvi (15th) shabaan ki raat ko zinda karna, is mai bedaar rehna, is mai qayam ka ehtamam, panjgaana namazo mai se baaz ko ya tamaam faraz namazo ko chood dena aur degar wajibaat ki adaigi se gaflat baratna jesa k hamare is zamane mai aam musalmano ki haalat hai bila shubah ye bahut buri baat hai aur fara'iz ko chood kar mandoob kaam mai mashgool rehna deeni amal nahi hai aur na raaye ka is se kuch talluq hai isi tarah is raat mai tamaam sunan ko chood kar qabro ki khaas taur par ziyarat karna bhi masnoon nahi hai aur ye kisi sahih ya zaeef hadees se saabit bhi nhi hai is raat mai murdo ki rooho k aamad wa haazri ka aqeedah karna, us k istaqbaal k liye gharo ko saaf karna, unki takraam k liye deewaro ko laip karna aur unki zaruriyaat k liye chiraag aur qandeeley jalana aur chiraaga karna ye tamaam umoor bila shak bida'at e gumraahi mai se hai. (Mar'aatul Mafateeh Sharah Mishkaatul Masabeeh jild 4 safa no. 342)

Khulasa e kalaam ye hai k pandarvi (15th) shabaan ki shab (shab e baraat) ki fazilat aur is raat mai khasoosi namaz wa ibadat karne k silsiley mai koi sahih wa marfoo hadees marvi nahi hai albatta is poore maah mai bakasrat nafli roozey rakhney ka amal masnoon hai lekin pandarvi (15th) shabaan ki shab bedaari (yani puri raat jaagna) wa qayaam aur makhsoos namaz wa ibadat karne k liye aur is k din ko rooza rakhne k liye khaas karna, jo dar haqeeqat infiraadi aur ijtimaayi taur par qabro ki ziyarat karna, chiraaga aur aatish baazi karna, roozo ki aamad wa haazri ka aqeedah rakhna, aur unke isteqbaal k liye gharo ki safayi, agarbatti wa loobaan jalana, halwa wagira pakana ye saare umoor be asal hai shariyat e islamiya mai inka koi saboot nahi ye gumrah kun bida'at hai jinse bachne ki quran wa sunnat e nabviya mai taleem wa talqeen ki gayi hai lihaza har musalman ko uswa e nabwi ko apnate hue in tamaam bida'at wa khurafaat aur baatil rasoom wa riwaaj aur gari shara'i aamaal wa aqaid se ijtinaab (bachna chahiye) karna chahiye.

Allah ta'ala hamari is bida'at se hifazat farmaye. (Aameen Ya Rabbal Alameen)

SHAB E BARAAT KI HAQEEQAT - SHAB E BARAAT KA ROZA AUR QAYAAM PART 4

SHAB E BARAAT KI HAQEEQAT - SHAB E BARAAT KA ROZA AUR QAYAAM PART 4

Bismillahirrahmanirraheem

Pandarvi (15th) shabaan ki raat mai bahut se musalman shab bedaari k liye khasoosi ibdadat aur qayam karte hai aur is ko shara'e  amal samajhte hai aur is maah ki pandarvi (15th) tareekh ko roza rakhne ka ehtamaam karte hai aur is par istedlaal k liye ek zaeef aur mouzu hadees paish karte hai jisko 

Hazrat e Ali Razi Allahu Anhu ne riwayat kiya hai k Rasool Allah Sallallahu Aliahi Wa Sallam ne farmaya: Is ki raat mai qayam karo aur agle din roza rakkho kyunki is raat ki shaam hi se Allah ta'ala aasmani dunya par nuzool farmaata hai aur farmata hai k koi magfirat ka talabgaar hai k usko maaf karu, hai koi rizk ka talab karne wala k mai usko rizk do, hai koi bimar ya musibat zada k mai usko aafiyat de du, hai koi sawal karne wala k mai use du, kya koi hai , kya koi hai yaha tak k fajar saadiq tulu ho jaye. (Sunan Ibne Maja Hadees no. 1390)

Ye Hadees jhooti aur manghadat hai is mai ek raavi abu bakr bin abdullah bin muhammad bin abu sabra qurshi hai jisko muhaddiseen ne zaeef wa matrook, kazzaab aur waziul hadees qaraar diya hai, allama albani rahimahullah ne usko shadeed zaeef ya mouzu kaha hai, allama abdur rahman mubarkpuri rahimahullah sahab tohfatul ahwaazi mai farmate hai k pandarvi (15th) shabaan k roozey k baare mai mujhe koi sahih wa marfo hadees nhi mili, rahi Hazrat E Ali Razi Allahu Anhu ki wo hadees jisko ibne maja ne riwayat kiya hai aur jiska mafhoom ye hai k pandarvi (15th) tareekh mai qayaam karo aur us k din mai rooza rakkho akheer tak to ye hadees jesa k aap ko maloom hai sakht zaeef hai aur Hazrat Ali Razi Allhu Anhu ki ek dusri riwayat hai jo pandarvi (15th) shabaan k roozey k baare mai hai aur jisme hai k agar kisi ne is din rooza rakkha to use 60 saal pehle aur 60 saal agle rozo ka sawab milega is ko ibne jauzi ne mouzu'aat mai bayan kiya hai aur kaha k ye hadees mauzu hai aur is ki asnaad muzlam hai.

Allama Ubaidullah Rahmani muhaddis mubarakpuri sharah mishkaat Mar'aatul mafateeh mai farmaate hai k ye shabaan ki pandarvi (15th) tareekh k din mai rooza rakhne k bare mai koi marfo sahih ya hasan ya mamoli zaeef ya koi hadees nhi hai aur na hi koi qavi ya zaeef asar hi paya jata hai. (Mar'aatul mafateeh jind 4 safa no. 344)

Isi tarah Hafiz Ibne Rajab Hambali farmaate hai shabaan ki pandarvi (15th) raat ko qayam ki fazilat mai na Nabi Sallallahu Alaihi Wa Sallam se kuch saabit hai aur na aap k sahaba Razi Allahu Anhum se saabit hai. (Lata iful maroof)

Lihaza is hadees se shab e baraat ka roza rakhna aur raat mai qayam karna saabit nahi hota is k bawajood hamare yaha bahut se loog mukhtalif ilaqo mai is roozey k rakhne aur raat mai qayam ka ehtamaam maah e ramazan k farz roozey aur qayam e shab e qadr se bhi badh kar karte hai halankey is tarah ka gair shara'e amal karna ajr o sawab k bajaye azaab e ilahi ka baa'as hai.

To Be Continued......

SHAB E BARAAT KI HAQEEQAT - AATISH BAAZI WA CHIRAGA KARNA PART 3

SHAB E BARAAT KI HAQEEQAT - AATISH BAAZI WA CHIRAGA KARNA PART 3

Bismillahirrahmanirraheem

Shab e baraat k din chiraga (chiraag jalana) aur aatish baazi ko badi ahmiyat hasil hoti hai, shab e baraat ki aamad ka uske zariye aelan hota hai ummat e muhammadiya is par apni jayez kamayi ko sarf (zaya) karti hai aur ashraaf wa fuzool karchi ka muzahira karke shetaan k bhai bante hai jabke haqeeqat ye hai k ye sarasar hinduwana teyohaar diwaali ki nakkali hai aur sahih hadees mai Nabi Sallallahu Aalihi Wa Sallam ne farmaya: jo kisi qaum ki mushabihat ikhtiyaar karega uska shumaar usi qaum se hoga, is gair islaam aur gair sharayi amal par ulama e islam ne sakht nakeer ki hai chunanchey molana asraf ali thanvi sahab aatish baazi ki shana'at wa qabahat ko bayan karte hue farmaate hai k minjumla in rasoom k ek aaatish baazi hai is mai muta'addad kharabiya hai:

1. Maal ka zaya karna jis ka haram hona quran e majeed mai mansoos hai

2. Apni jaan ko apne baccho aur padosiyo ko khatra mai dalna jiski hurmat bhi quran e majeed mai mansoos hai Allah ne farmaya: Mat dalo apni jaano ko halakat mai. (Surah Baqara ayat no. 195), isi waaste hadees shareef mai bila zarurat aag k talbees wa qurb se mukhalifat ayi hai chunanchey khuli aag aur jalta chiraag chood kar soone ko mana farmaya hai.

3. Baaz ayaat aatish baazi mai kaagaz bhi sarf hota hai jo aalaat e ilm se hai aur aalaat e ilm ki be adbi khud amar e qabeeh hai jesa k uper bayan hua phir gazab ye hai k likhey hue kagaz bhi istemaal hote hai khuwah is par kuch bhi likha ho quran ya hadees.

4. Baccho ko ibtida se taleem maasiyat ki hoti hai jis k waaste shari'e hukm hai k unko ilm wa amal sikhao goya nauzubillah hukm shari'e ka poora muqabala hai bilkhusoos shab e baraat mai ye khurafaat karna mazeed gunah ka moojab hai.

5. Baaz aalaat aatish baazi uper ko choodi jati hai jise bail, udan anaar aur khatangah wagira, awwal to baazo k sar par girte hai aur loogo ko choot lagti hai alawa azee is mai yajooj majooj ki mushabihat hai k wo aasman ki taraf teer chalayenge aur kuffar ki mushabihat haraam hai. (Islaah E Rasoom safa no. 19 aur 20)

Shab e baraat k mouke par ye aam mushahida hai k na samajh loog dukaano, makaano, mehfilo, masjido aur qabro mai khoob rooshni karte hai, aanko ko chaka choond kar dene wale rang birang kumkumo par be tahasha sarf kiya jata hai, thik yehi kaam dewali k mookey par hinduo k yaha hota hai is liye a'emma e deen ne is amal ko gair shari'e aur bida'at qaraar diya hai aur is par sakht nakeer ki hai chunanchey allama hafiz siyooti rahimahullah likhte hai k far'a sharhul mahzab mai hai k munkar bida'ato mai se ye hai k bahut se mulko mai saal ki maroof raato mai masalan shab e baraat nisf e shabaan ko badi badi kandeele jalate hai jiski wajah se bahut se mufasid paida hote hai masalan: 

1. Ehtamaam k sath kasrat se aag jala kar majoosiyo ki tarah baithne k mushaba hai

2. galat jagah maal zaya karna

3. is k nateeje mai bahut si masajid mai baccho aur nikammo ki bheed lagti hai, khel kood aur shoor wa shugab hota hai aur aese loog masjid k qabreeb aate hai jinse masjid ki be hurmati hoti hai aur gandagi paida hoti hai is k alawa aur bhi bahut si kharabiya hai jinse masjid ko mehfooz rakhna wajib hai. (Ba hawala mahanama darool uloom deoband shumara maah november 2000, safa no. 30 aur 31)

Mashoor hanfi aalim mulla ali qaari rahimahullah sharah mishkaat likhte hai k is raat chiraaga aur zayada rooshni karna quam e bura makka ki aejaad hai ye loog asal mai aatish parast they jab islaam laye to inhone ye buri rasam islam mai dakhil kardi takey musalmano k saath namaz mai aag ko sajda kare, shariyat mai is raat chiraga karne ka koi saboot nahi milta. (Marqatul Mafateeh sharah Mishkaatul Masabeeh jild 1 safa no. 198)

Mashoor muhaddis shah abdul haqq dehalvi rahimahullah farmaate hai aur bida'at mai se wo rasam hai jiska aksar hind mai loogo ne riwaaj de rakkha hai yaani chiraag jalana aur usko makano aur deewaro par rakhna aur is par fakhar karna ye wo amar hai jiski motabar kitabo mai koi asal nahi aur koi zaeef aur mauzo riwayat tak bhi iske baare mai warid nhi hoti aur na is ka hind k siwa kisi aur mulk mai riwaaj hai na haramaien sharafaien mai aur na unke siwa arab k degar hisso mai aur na ajama mai siwaye hindustan (aur pakistan) k balke mumkin hai k ye hinduo ki rasam diwali se is rasam ko liya gaya hai kyunki hindustan mai amooman rasoom zamana e kufr ki hi baaki hai. (12 mahino k fazail wa ahkaam safa no. 37)

Isi tarah molana abdul hayi lakhnavi farmaate hai k aam jahilo ne is raat (rajab ki 27vi aur shabaan ki 15vi raat) ko gooya do eidey bana rakkhi hai aur isko islam samajh rakkha hai halankey ye sareeh bida'at hai is mai chiraag aur rooshni karna khilaaf e sunnat hai tajjub hai k loog kisi tarah bida'ato se chipte hue hai aur sunnato se mutalliq parwah nahi karte. (Al asarul marfua safa no. 62)

Gharo, bazaro, dookano aur masjido k alawa qabristan mai is shab ko noor ban jaate (yani rooshni karte hai) hai aur waha badi chehal pehal hoti hai jabke ek hadees mai nabi Sallallahu Aalihi Wa Sallam ne sarahat k saath qabristaan par chiraaga karne walo par laanat bheji hai. (Sunan Abu Dawood, Sunan Nasai, Sunan Tirmizi)

Mazkoora aqwaal se ye baat wazey ho jati hai k chiraga karna aur aatish baazi ye gair islaami rasam hai jis ka shariyat e islamiya se koi talluq nhi balke ye bida'at hai ab agar koi musalman is wazahat k bawajood bhi is ko islaam ka sha'aar aur naik amal samajh kar apnaye to us se badi naadaani kya hogi.

To Be continued......

SHAB E BARAAT KI HAQEEQAT - QABRO KI ZIYARAT KA EHTAMAAM PART 2

SHAB E BARAAT KI HAQEEQAT - QABRO KI ZIYARAT KA EHTAMAAM PART 2

Bismillahirrahmanirraheem

Shar e barat ko hamare muasharey mai shehar khamoosha ki eid karaar de diya gaya hai loog is raat mai khasoosi taur par jamaat dar jamaat mard aur bacche namaz e magrib k baad qabro ki ziyarat ka ehtamaam karte hai aur ise is raat ka masnoon amal karaar dete hai is munasibat se qabaritaano mai chiraga (yani chiraag wagira) aur roshni k saat hi qabro ki safayi aur choona kaari ka bhi ehtamaam kiya jata hai.

Qabro ki ziyarat karna mashrooh amal hai jesa k Nabi Sallallahu Alaihi Wa Sallam ne hazrat Buraida Razi Allahu Anhu ki hadees mai farmaya k mene tum ko pehle qabro ki ziyarat karne se mana kiya tha ab tum loog qabro ki ziyarat karo. (Sahih Muslim Hadees no. 977)

Aur Hazrat Abu Huraira Razi Allahu Anhu ki hadees mai Rasool Allah Sallallahu Alaihi Wa Sallam ne farmaya qabro ki ziyarat karo is liye k ye tumhe maut yaad dilaati hai. (Sahih Muslim Hadees no. 976)

Qabro ki ziyarat karna bila tayeen zamaan wa waqt wa munasibat mashroo amal hai albatta is k liye kisi khaas din ya kisi khaas munasibat ko makhsoon karna durust nahi, is raat mai khaas taur par naamaz e magrib k baad qabristaano ki khususi ziyarat k liye:

Hazrat Ayesha Razi Allahu Anha se marvi hadees se istedlaal karte hai k ek raat Rasool Allah Sallallahu Alaihi Wa Sallam Hazrat Ayesha Razi Allahu Anha k waha they Aap Sallallahu Alaihi Wa Sallam achanak waha se nikle hazrat Ayesha Razi Allahu Anha bhi aap ke piche nikli to kya dekhti hai k Aap Baqee Qabristaan mai tashreef le gaye Rasool Allah Sallallahu Alaihi Wa Sallam ne unhe dekha to farmaya kya tumhe is baat ka andaza tha k Allah aur uske Rasool Sallallahu Alaihi Wa Sallam tum par zulm karenge, Ayesha Razi Allahu Anha ne kaha k Ae Allah k Rasool Sallallahu Alaihi Wa Sallam! mujhe ye shak hua tha k shayad aap kisi aur beewi k yaha chale gaye tab aap ne farmaya: Beshak Allah tabarak o ta'ala shabaan ki pandarvi (15th) raat ko aasmaani dunya par nuzool farmaata hai phir is se zayada wo utne loogo ki magfirat karta hai jitne banu kalb ki bakriyo k baal hai. (Sunan Tirmizi Hadees no. 739, Sunan Ibne Maaja Hadees no. 1389)

Is hadees ko imam tirmiz, imam bukhari, imam daare qutni, allama ibne jauzi, allama ibne baaz aur muhaddis sheikh muhammad nasiruddin albaani rahimahullah wagaira ne zaeeef qaraar diya hai phir is se shab e baraat mai qabro ki khasoosi ziyart ki mashroiyat ka saboot kese hasil hoga.

Jabke Rasool Allah Sallallahu Alaihi Wa Sallam ne baqee qabristaan mai jaane wale ahle baqee k liye dua e magfirat karne ka waqiya Hazrat Ayesha Razi Allahu Anha se marvi ek Sahih Hadees mai mazkoor hai is ki tafseel sahih muslim wagaira mai hai, is mai shabaan ki pandarvi (15th) raat ka koi zikr nhi hai is hadees mai ye alfaaz hai k 

Aap Sallallahu Alaihi Wa Sallam ne farmaya: Yaani jab tumne dekha to us waqt mere paas jibraeel alihis salaam aye they unhone tum se chipate hue ahista se mujhe pukara to mene bi tum se chipate hue unhe ahista se jawab diya aur tumne apne baaz kapde utaare hue they is haal mai wo andar nhi a sakte they mene ye samjha k tum so gayi ho is liye mene tujhe jagana pasand na kiya aur mujhe ye khauf bhi tha k kahi tum mere bagair wahshat mai na mubtala ho jao jibraeel alaihis salaam ne kaha k aap k rabb ne aap ko hukm kiya hai k aap ahle baqee k paas aiye aur unke liye magfirat ki dua kare. (Sahih Muslim Hadees no. 974)

Lihaza sabit hua k waqiya e baqee ka shab e baraat se koi talluq nhi hai aur na uska kisi sahih hadees mai zikr hai is liye ek zaeef hadees ko hujjat bana kar ye aqeedah rakhna durust nahi k is raat mai qabristaan mai jana masnoon hai balke is raat mai murawajjah andaaz se qabro ki ziyarat karna bida'at hai jis se bachna chahiye.

To Be Continued......

SHAB E BARAAT KI HAQEEQAT PART 1

SHAB E BARAAT KI HAQEEQAT PART 1

Bismillahirrahmanirraheem

Haqeeqat ye hai k jin do chaar raato ki fazilat khaas taur par bayan ki jaati hai aur is mai sahih wa galat ki tameez nhi ki jaati unme se ek shabaan ki pandarvi (15th) raat ki fazilat hai jisko aam taur se shab e baraat kaha jata hai maah e shabaan k shuru hote hi muslim muashare mai shab e baraat ka charcha aam ho jata hai aur is munasibat se aeen islaami aamaal k naam par samoom wa bida'aat aur khurafaat kiye jaate hai aur loog un umoor ko islaami aamaal jaante aur maante hai jinka saboot nasoos e shareeya se nahi milta, pandarvi (15th) shabaan ki shab mai bahut saare musalmaan jin aqaid wa aamaal ko badi aqeedat wa ehtaraam se anjaam dete hai aur unhe islaami aamaal se joodte hai un tamaam aamaal ka shariyat se koi tallluq nahi balke un rasoom wa aqaid e baatila mai se aksar par ulama e islaam ne nakeer ki hai.

Shab e baraat se mutalliq riwaaj paane wale aqaid aur aamal mai se baaaz ka ikhtisaar k saath yaha jayeeza liya ja raha hai, shab e baraat ki fazilat mai bahut si ahadees bayan ki jaati hai lekin ek hadees ko chood kar saari ahadees zaeef aur mouzu hai albaata is raat k baare mai Nabi Sallallahu Alaihi Wa Sallam ka ye irshaad sahih sanad k saath riwayat kiya gaya hai, Allah tabarak o ta'ala shabaan ki pandarvi (15th) raat ko apni makhlooq ki taraf nazre rahmat dekhata hai phir saari makhlooq ko mushrik aur keena parwar k alawa bakhsh deta hai. (Sahih Ibne Hibban, Tabraani, Shaubul emaan behaqui) (ye hadees bhi sahih nhi hai is k liye post padhey shab e baraat se mutalliq jo ek hadees sahi ya hasan kahi jati hai uska jayeza)

Jabke dusri raato mai ye alfaar mazkoor hai k beshak Allah ta'ala shabaan ki pandarvi (15th) raat ko apne bando par nazre rahmat daalta hai phir momino ko bakhsh deta hai aur kafiro ko mohlat deta hai aur keena parwar loogo ko chood deta hai yaha tak k wo apne dilo ko keena se paak kar de. (Sahih Jamey Sageer Hadees no. 1898) (ye hadees bhi sahih nhi hai iske liye post padhey shab e baraat se mutalliq jo ek hadees sahih ya hasan kahi jati hai uska jayeza)

Is hadees ko shabaan ki pandarvi (15th) raat ki fazilat mai bayan kiya jata hai lekin is mai dusri raato ki banisbat is raat ki fazilat saabit nahi hoti kyunki sahiheen ki riwayat mai is se zayada fazilat har raat mai tauaba wa astagfaar ko hasil hai jis se saabit hua k Allah ta'la ka aasmaani dunya par nuzool har raat mai hota hai lihaaza is hadees se pandarvi (15th) shabaan ki raat ki fazilat saabit nahi hoti.

To Be Continued......

MAAH E SHABAAN MAI NABI SALLALLAHU ALAIHI WA SALLAM KA MAMOOL

MAAH E SHABAAN MAI NABI SALLALLAHU ALAIHI WA SALLAM KA MAMOOL

Bismillahirrahmanirraheem

Maah e Shabaan qamri mahino mai aathwa (8th) mahina hai ye mahina rajab aur ramzaan k darmiyaan mash'hoor mahina hai is saal k aatey hi ummat e islamiya maah e mubarak ramzaan k istaqbaal k liye tayyar ho jati hai aur shabaan k mahine hi se nafli roozey rakh kar ramzaan mai farz roozey rakhne ki koshish karne lagti hai aur yahi hamare Nabi e Akram Sallallahu Alaihi Wa Sallam ki sunnat e mubaraka bhi hai k aap is maah mai bakasrat nafli roozey rakhte they chunanchey 

Hazrat Ayesha Razi Alllahu Anha bayan karti hai k Rasool Allah Sallallahu Alaihi Wa Sallam nafli roozey rakhte they yaha tak k hum kehte k ab aap rooza rakhna nhi chodenge phir aap rooza chood dete yaha tak k hum kehte k ab aap rooza nahi rakkhenge aur mene Rasool Allah Sallallahu Alaihi Wa Sallam ko ramzan ul mubarak k alawa kabhi kisi mahine k mukammal roozey rakhte hue nahi dekha aur mene Aap ko shabaan se zayada kisi mahine mai rooza rakhte hue nahi dekha. (Sahih Bukhari Hadees no. 1969, Sahih Muslim Hadees no. 1156)

Aur Sahih Muslim mai izafa hai k Aap Sallallahu Alaihi Wa Sallam thode dino ko chood kar purey shabaan rooza rakhte they, Isi tarah 

Hazrat Ayesha Razi Allahu Anha se marvi hai k unhone bayan kiya k mene Nabi e Akram Sallallahu Alaihi Wa Sallam ko shabaan se zayada kisi mahine mai roozey rakkhey hue nhi dekha aap isme roozey rakhte they siwa e chand ayyam k balke aap pure mahine mai rooza rakhte they. (Sunan Tirmizi Hadees no. 736)

Hazrat Ayesha Razi Allahu Anha bayan karti hai Rasool Allah Sallallahu Alaihi Wa Sallam ko roozo k liye sab se mehboob mahina shabaan tha phir aap is k baad ramzaan k roozey rakhte thay. (Sunan Abu Dawood Hadees no. 2431)

Sahih Muslim k izaafe se ye maloom hua k purey shabaan k roozey maqsood nahi balke aap chand ayyam ko chood kar shabaan k aksar ayyam mai roozey rakhte they, Allama Hafiz Ibne Hajar Rahimahullah ne (Fathul Baari jild 4 hadees no. 252) mai sarahat ki hai k purey shabaan se muraad shabaan k aksar ayyam hai

Mazkoora bala Ahadees e Nabwiya se maloom hua k Nabi E Akram Sallallahu Alaihi Wa Sallam ka ye mamool tha k aap shabaan mai bakasrat nafli roozey rakhte they lihaza ummat ko bhi apne Nabi Sallallahu Alaihi Wa Sallam k uswa e hasana ko apnate hue maah e shabaan mai bakasrat nafli roozey rakhne ka ehtamaam karna chahiye.

Rasool Allah Sallallahu Alaihi Wa Sallam k is maah e shabaan mai bakasrat nafli roozey rakhne ki hikmat ki sarahat ek marfoo sahih hadees mai milti hai k 

Hazrat Usaama bin Zaid Razi Allahu Anhu ne Rasool Allah Sallallahu Alaihi Wa Sallam se sawal kiya k Ae Allah k Rasool Sallallahu Alaihi Wa Sallam! mene aapko kisi mahine mai itne roozey rakhte hue nahi dekha jitne aap shabaan mai rakhte hai to aap Sallallahu Alaihi Wa Sallam ne farmaya: Ye wo mahina hai jisme loog rajab aur ramzan k baad rooozey se gaafil ho jaate hai halankey isme aamaal Allah rabbul alameen ki taraf utha liye jaate hai aur mai ye pasand karta hu k mere aamaal roozey ki halat mai uthaye jaye. (Sunan Nasayi Hadees no. 2357)

In Tamaam Ahadees se maloom hua k maah e shabaan mai kasrat se nafli roozey rakhen ka ehtamaam karna chahiye, albatta aadhey shabaan k baad rooza se mana kiya gaya takey ramzaan k roozey k liye taqat bar qaraar rahe.

Allah hame Maah E Shabaan mai bakasrat nafli roozey rakhne ki tofeeq ata farmaye. (Aameen Ya Rabbal Alameen)