JANNAT KI SHAAN

JANNAT KI SHAAN

Bismillahirrahmanirraheem

JANNAT KI NAIMATO AUR KHOOBIYO KA BAYAN KARNA AUR IS DUNYA MEIN UNHEY SAMAJHNA HATTA K UNKA TASAWWUR KARNA BHI NA-MUMKIN HAI

Hazrat Sahal bin Saad Saadi Razi Allahu Anhu se riwayat hai k mein Rasool Allah Sallallahu Alaihi Wa Sallam ki ek majlis mein hazir tha us mein Aap Sallallahu Alaihi Wa Sallam ne jannat ka haal bayan kiya yaha tak k be-inteha tareef farmayi aakhir mein farmaya jannat mein aesi aesi naimatey hai jinhey kisi aankh ne dekha nahi na kisi kaan ne unki tareef suni hai na hi unka tasawwur kisi aadmi k dil mein paida hua hai phir Aap Sallallahu Alaihi Wa Sallam ne ye aayat tilawat farmayi (ye jannat un loogo k liye hai) jinkey pehlu bistaro se alag rehte hai apne rabb ko (azaab k) darr se aur (sawaab ki) ummeed se pukaarte hai aur jo rizk hamne unko diya hai usey (Allah ki raah mein) kharch karte hai koi nahi jaanta un naimato ko jo unki aankho ko thandak pahuchane wali hai aur unse chipa kar rakkhi gayi hai ye naimatey badla hai un aamaal ka jo wo (dunya ki zindagi mein) karte rahe hai.(Surah Sajdah Ayat no. 18) (Sahih Muslim Kitabul Bad ul Khalk)


JANNAT MEIN CHADI BARABAR JAGAH DUNYA AUR USMEY MOJOOD TAMAAM NAIMATO SE AFZAL HAI

Hazrat Sahal bin Saad Saadi Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jannat mein chadi k barabar jagah dunya aur dunya ki har cheez se behtar hai". (Sahih Bukhari Kitabul Bad ul Khalk)


JANNAT MEIN KAMAAN BARABAR JAGAH DUNYA KI HAR US CHEEZ SE BEHTAR HAI JIS PAR SOORAJ TULU WA GUROOB HOTA HAI

Hazrat Abu Hurairah Razi Allahu Anhu se riwayat hai k Nabi E Kareem Sallallahu Alaihi Wa Sallam ne farmaya "Jannat mein ek darakht hai jiske saaye mein ek (ghooda) sawaar 100 baras tak chalta rahey (tab bhi khatam na ho) agar (quran se samajhna) chaaho to (Surah Waqiya Ayat no. 30) (WA ZILLIM MAMDOODAH -  aur lamba saaya) padh lo jannat mein kisi shaks ki kamaan rakhne k barabar jagah (dunya ki) har us cheez se behtar hai jis par sooraj tuju ya guroob hota hai". (Sahih Bukhari Kitabul Bad ul Khalk)


JANNAT KI NAIMATO MEIN SE KOI EK NAIMAT NAKHUN K BARABAR IS DUNYA MEIN ZAHIR HO JAYE TO ZAMEEN WA AASMAAN ROSHAN HO JAYE

Hazrat Abu Hurairah Razi Allahu Anhu kehte hai mene apne doost Sallallahu Alaihi Wa Sallam se suna hai (jannat mein) momin ko waha tak zaiwar pehnaya jayega jaha tak uska wuzu pahunchta hai. (Sahih Muslim Kitabut Taharah)


JANNAT MEIN MAUT HOTI TO JANNATI LOOG JANNAT KI NAIMATO KO DEKH KAR KHUSHI SE MAR JAATE

Hazrat Abu Saad Razi Allahu Anhu se riwayat hai k Rasool E Akram Sallallahu Alaihi Wa Sallam ne farmaya "Qayamat k rooz maut ek chitkabrey maindhey ki shakal mein jannat aur jahannam k darmiyaan khadi ki jayegi aur use zibah kiya jayega jannati aur jahannami loog use dekh rahe honge agar khushi se marna mumkin hota to jannati khushi se mar jaate aur gum se marna mumkin hota to jahannami gam se mar jaate". (Sunan Tirmizi Abwabus Sifatul Jannah)


JANNAT KI KHUSHBU CHALEES SAAL KI MUSAAFAT SE AAYEGI

Hazrat Abdullah bin Umar Razi Allahu Anhu se riwayat hai k Nabi e Akram Sallallahu Alaihi Wa Sallam ne farmaya "Jisne kisi zami ko (na haqq) qatal kiya wo jannat ki khushbu tak nahi payega aur jannat ki khusbu chalees saal ki musaafat se aayegi". (Sahih Bukhari Kitabul Jihaad was Sabr)


JANNAT KI TAMAAM ASHYA DUNYA KI TAMAAM CHEEZO SE AALAA AUR AFZAL HAI SIRF NAAM EK JESE HAI

Hazrat Abdullah bin Abbas Razi Allahu Anhu kehte hai Rasool E Akram Sallallahu Alaihi Wa Sallam ne farmaya "Jannat ki koi cheez bhi dunya ki cheezo se nahi milti siwaaye naamo k". (Silsila Ahadees E Saheeya Hadees no. 2188)


SAARI ZINDAGI DUKHO AUR MUSEEBATO MEIN BASR KARNE WALA SHAKS JANNAT KI EK JHALAK DEKHTE HI DUNYA K SAARE DUKH AUR GHAM BHOOL JAYEGA

Hazrat Anas bin Malik Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Qayamat k rooz aese shaks ko laya jayega jiska jahannam mein jana tey ho chuka hoga dunya mein usne badi aesh wa ishrat ki hogi use dozakh mein ek goota diya jayega aur us se pucha jayega "Ae ibne Aadam! kya tumne koi aesh wa ishrat dekhi, kabhi dunya mein tumhara naaz o naam se waasta pada?" wo kahega "Ae mere rabb! teri qasam kabhi nahi" phir ek aese aadmi ko laya jayega jo jannati hoga lekin dunya mein badi takleef ki zindagi basar ki hogi usey jannat mein ek goota diya jayega aur us se pucha jayega "Ae ibne Aadam! kabhi dunya mein tooney koi takleef dekhi ya ranj wa gham se kabhi tumhara waasta pada?" wo kahega "Ae mere rabb! teri qasam kabhi nahi, mujhe to na kabhi ranj wa gham se waasta pada na kabhi koi dukh ya takleef dekhi". (Sahih Muslim Kitbus Sifaatul Munafiqeen)


JANNAT KI NAIMATO AUR DARJAAT DEKHNE K BAAD AHLE JANNAT KI HASRAT

Hazrat Muaaz Razi Allahu Anhu kehte hai Rasool Allah Sallallahu Alaihi Wa Sallam ne farmaya "Ahle Jannat ko kisi cheez par itni hasrat nahi hogi jitni us lamhey par jo dunya mein Allah ki yaad k bagair guzar gaya". (Tabraani, Sahih Jamey Sageer Hadees no. 5322)

JANNAT QURAN MAJEED KI ROSHNI MEIN

JANNAT QURAN MAJEED KI ROSHNI MEIN

Bismillahirrahmanirraheem

EMAAN LAANEY K BAAD NAIK AMAL KARNE WALE LOOG JANNAT MEIN JAYENGEY
JANNAT K PHAL NAAM WA SHAKAL MEIN DUNYA K PHALO SE MILTE JULTE HONGEY
JANNAT KI AURATEY ZAHIRI AALAISHO (MASALAN HAIZ WA NIFAAS WAGAIRAH) AUR BAATINI AALAISHO (MASALAN GUSSA, GEEBAT AUR HASAD WAGAIRAH) SE PAAK HOGI
JANNAT KI ZINDAGI LA-ZAWAL HOGI

"(Ae Muhammad Sallallahu Alaihi Wa Sallam!) khushkhabri de do un loogo ko jo emaan laye aur naik amal kiye k unke liye aese baag hai jiske nichey nehrey behti hongi un baago k phal dunya k phalo se milte julte honge jab koi phal uney khaaney k liye diya jayega to wo kahengey k aese hi phal is se pehle humey (dunya mein) diye gaye they unke liye waha pakeezah beewiya hongi aur wo usmey hamesha rahengey". (Surah Baqarah Surah no. 2 Ayat no. 25)


AHLE JANNAT QAYAMAT K ROOZ HAR TARAH KI ZILLAT AUR RUSWAAYI SE MEHFOOZ RAHENGEY
AHLE JANNAT KO JANNAT MEIN ALLAH TA'ALA KA DEEDAAR NASEEB HOGA

"Jin loogo ne (emaan laane k baad dunya mein) naik kaam kiye unke liye (aakhirat mein) accha sila (yaani jannat) hoga aur us se zayada (inaam wa ikraam) bhi (yaani deedaar e ilahi) unke chehrey par zillat aur ruswaayi na hogi (balkey khushi aur chamak hogi) ye hai jannati loog jo usmey hamesha hamesha rahengey". (Surah Younus Surah no. 10 Ayat no. 26)


AHLE EMAAN MEIN SE JINKE DILO MEIN DUNYA MEIN EK DOOSRE K KHILAAF KOI NAFRAT YA HASAD HOGA JANNAT MEIN JAANE K BAAD ALLAH TA'ALA KHATAM FARMA DENGEY

"Aur jo kuch unke dilo mein keena tha unko hum khatam karengey unke (mehlo k) nichey behti hogi aur wo kahengey k Allah ka ehsaan hai jisne humko yaha ka raasta dikhaya aur agar humko Allah ye raasta na dikhata to hum kabhi ye raasta na paatey, beshak hamarey Allah k Rasool haq baat le kar aaye they aur (us rooz) munaadi kardi jayegi k tum un aamaal k siley mein jo (dunya mein) karte they jannat k maalik bana diye gaye ho". (Surah Aaraaf Surah no. 7 Ayat no. 43)


JANNAT MEIN AHLE JANNAT KABHI BHOOK YA PIYAAS MEHSOOS NAHI KARENGEY
JANNAT MEIN NA SARDI KI SHIDDAT HOGI NA GARMI KI BALKEY SADABAHAAR MOSAM HOGA

"(Ae Aadam Alaihis Salaam!) tu jannat mein bhooka rahega na nanga, waha tere liye piyaas hogi na dhoop mein jalna hoga". (Surah Taha Surah no. 20 Ayat no. 118-119)


NAIK KHATOON, JINME AABAA WA AJDAAD, BEEWIYA AUR UNKI AULAADEY SHAMIL HOGI, JANNAT MEIN EK HI JAGAH IKATTHEY KAR DIYE JAYENGEY

"Abdi jannato mein jannati loog khud bhi dakhil hongey aur unke aaba wa ajdaad (pariwaar), unki beewiya aur aulaado mein se jo naik hongey wo bhi unke saath jannat mein jayengey jannat k har darwaazey se farishtey ahle jannat k paas aayengey aur kahengey "salamati ho tum par ye jannat tumhare sabar ka badla hai (jo dunya mein tumne kiya) aakhirat ka ghar tumhey mubarak ho". (Surah Raad Surah no. 13 Ayat no. 23-24)


AHLE JANNAT KO JANNAT MEIN KISI QISM KI MEHNAT YA MASHAKKAT NAHI KARNI PADEGI

"Ahle jannat ko jannat mein kisi qism ki thakaan na hogi na hi wo us se nikaaley jayengey". (Surah Hijr Surah no. 15 Ayat no. 48)


JANNAT MEIN JANNATI LOOGO K SAATH BADI IZZAT AUR EHTARAAM KA SULOOK KIYA JAYEGA
JANNAT K KHUDDAM JANNATI LOOGO KI KHIDMAT MEIN SAFAID RANG KI LAZEEZ SHARAAB K JAAM PAISH KARENGEY
JANNAT KI SHARAAB HOSH O HAWAAS MEIN BIGAAD PAIDA NAHI KAREGI
ANDEY K CHILKEY K NICHEY CHIPI HUI JHILLI SE ZAYADA NARAM WA NAZUK AUR KHOOBSURAT MOOTI AANKHO WALI HOOREY, JANNATIYO KO INAAM K TAUR PAR DI JAYENGI

"Jannati loogo k liye (jannat mein) khana pehan'na rizq hoga, maivey hongey aur naimat bhari jannatey jinme wo izzat k saath rakkhey jayengey, aamney saamney takhto par takiya lagaaye baithey hongey, sharaab k chashmo se jaam bhar bhar kar jannatiyo ki khidmat mein paish kiye jayengey, sharaab hogi safaid rang ki lazeez, jis se na zarar pahunchega na aqal kharaab hogi aur unkey paas haya-daar, khoobsurat mooti aankho KARENGEY
rey hogi aesi naram wa nazuk jese andey k nichey chipi hui jhilli". (Surah Saffat Surah no. 37 Ayat no. 41-49)


JANNATIYO K LIYE ADN (JANNAT K EK MEHAL KA NAAM) K AESE BAAGAAT HONGEY JISKE DARWAAZEY UNKE LIYE HAMESHA KHULE RAKKHEY JAYENGEY
JANNATI LOOG PAL-BHAR MEIN DHAIRO PHAL AUR MASHROBAAT KHA-PEE JAYENGEY JO FAURAN HAZAM HO JAYENGEY
JANNAT KI HOOREY KHOOBSURAT, SHARMEELI, MOOTI AANKHO WALI AUR APNE SHOHARO KI HAM-UMAR HOGI
JANNAT KI NAIMATEY KAM HOGI NA KHATAM HOGI

"Aur muttaqi loogo k liye behtareen thikana hai bagaat adn k darwaazey unke liye (hamesha) khule rakkhey jayengey usi mein wo takiya lagaaye baithey honge phal aur mashroob bakasrat talab karengey unke paas sharmeeli aur ham-umar beewiya hongi ye wo cheezey hai jinhey hisaab k din ata karne ka tumse wada kiya ja raha hai hamari ye ata kabhi khatam na hogi". (Surah Saad Surah no. 38 Ayat no. 49-54)


AHLE JANNAT APNI NAIK BEEWIYO K SAATH JANNAT MEIN KHUSH WA KHURRAM ZINDAGI BASAR KARENGEY
JANNATI JOODO (MIYA BEEWI) K SAAMNE, SOONEY K THAAL JINME MUKHTALIF QISM K PHAL AUR KHAANEY HONGEY AUR SOONEY K SAGIR JINME MUKHTALIF QISM K MASHROBAAT HONGEY, PAISH KIYE JAYENGEY
JANNAT MEIN QALB WA NAZAR KO LAZZAT PAHUCHANEY WALI HAR CHEEZ MOJOOD HOGI
JANNATI LOOGO KI IZZAT AFZAAYI AUR HOSALA AFZAAYI KI KHATIR UNHEY BATAYA JAYENGA K YE JANNAT AUR USKI NAIMATEY TUMHARE AAMAAL K BADLEY MEIN ALLAH NE TUMHEY ATA FARMAYI HAI

"Dakhil ho jao jannat mein tum aur tumhari beewiya (aaj) tumhey khush kar diya jayega unke aagey sooney k thaal aur sooney k sagir garoosh karaaye jayengey aankho ko lazzat dene wali aur jannatiyo ki har matlooba cheez waha mojood hogi (unse kaha jayega) tum us jannat mein hamesha hamesha rahogey, tum us jannat k waris un aamaal ki wajah se banaaye gaye ho jo tum dunya mein karte rahey ho". (Surah Zukhruf Surah no. 43 Ayat no. 70-73)


JANNAT MEIN KOI RANJ, DUKH, MUSEEBAT YA PARESHAANI NAHI HOGI BALKEY HAR WAQT AUR HAR TARAF MUSARRAT, RAAHAT AUR AMAN WA SALAMATI HOGI
JANNATI LOOGO KA LIBAAS BAREEK AUR MOOTEY RAISHAM SE BANAYA GAYA HOGA
MOOTI AUR KHOOBSURAT AANKHO WALI GOORI AURATO SE UNKA NIKAH KIYA JAYEGA
JANNAT MEIN MAUT NAHI AAYEGI BALKEY ABDI ZINDAGI HOGI
IBTADA'AN JANNAT MEIN DAKHIL HONE WALE LOOG JAHANNAM K AZAAB SE MUKAMMAL TAUR PAR MEHFOOZ RAHENGEY
ALLAH TA'ALA K FAZAL WA KARAM K BAGAIR JANNAT MEIN JANA MUMKIN NAHI
JANNAT MEIN DAKHIL HONA HI ASAL FALAH AUR KAAMYAABI HAI

"Muttaqi loogo yaqeenan aman ki jagah (jannat) mein hongey baago aur chashmo mein (mazey karengey) hareer (bareek raisham) aur daiba (moota raisham) pehne aamney saamney baithey honge ye hogi unki shaan aur hum goori goori khoobsurat mooti aankho wali aurato se unka nikah karengey jannati loog har tarah ki lazeez cheez poorey itminaan aur be-fikri se talab karengey (yaani kisi cheez se inkaar hone ya kisi cheez k khatam hone ka khatra nahi hoga) jannat mein loog maut ka maza nahi chakhengey pas pehli (zindagi ki) maut jo aa chuki so aa chuki, Allah ta'ala unhey apne fazal se jahannam k azaab se bacha lega, aur ye bahut badi kaamyaabi hogi". (Surah Dukhaan Surah no. 44 Ayat no. 51-57)


JANNAT MEIN SAAF SUTHREY AUR KHALIS PAANI, DOODH, SHARAAB AUR SHAHED KI NEHREY HONGI JINSE JANNATI LOOG PIYENGEY
JANNAT KI NEHRO K MASHROBAAT KA RANG AUR ZAIQA HAMESHA EK JESA RAHEGA
AHLE JANNAT KO ALLAH TA'ALA TAMAAM GUNAHO SE PAAK SAAF KARKE JANNAT MEIN DAKHIL FARMAYEGA

"Muttaqi loogo k liye jis jannat ka wada kiya gaya hai uski shaan to ye hai k usme nehrey beh rahi hongi saaf aur suthrey paani ki aur aese doodh ki jiska zaiqa na badla hua aesi sharaab ki jo peeney walo k liye lazeez ho aur saaf shaffaaf shahed ki, waha unke liye har tarah k phal honge aur unke rabb ki taraf se magfirat hogi". (Surah Muhammad Surah no. 47 Ayat no. 15)


NAIK AULAADO KO NAIK AABAA WA AJDAAD K SAATH JANNAT MEIN IKATTHA KAR DIYA JAYEGA AUR AGAR UNKE BA'HAMI DARJAAT MEIN FARQ HOGA TO KAM DARJA WALO K DARJAAT KO ALLAH TA'ALA APNE FAZAL WA KARAM SE BADHA KAR DONO KO UNCHEY DARJEY MEIN MILA DENGE TAKEY JANNAT MEIN WO SAB KHUSH WA KHURRAM RAHEY AUR EK DOOSRE KO DEKH KAR UNKI AANKHEY THANDI HO

"JO loog emaan laye hai aur unki aulaad emaan k kisi darja mein unke naksh e qadam par chali hai unki aulaad ko bhi ham (jannat mein) unke saath mila dengey aur unke (yaani aabaa wa ajdaad k) amal mein koi kami nahi karengey har shaks apne aamaal k auz rahan hai". (Surah Tour Surah no. 52 Ayat no. 21)


JANNATIYO KO LAZEEZ PHALO K SAATH SAATH UNKA MANPASAND GOOSHT BHI MUHAYYA KIYA JAYEGA
JANNATI LOOG KHAATE PEETE WAQT AAPAS MEIN CHEENA JHAPTI KAR KE KHUSH TAB'I KARENGEY
JANNATIYO K KHADIM LADKEY IS QADAR HASEEN WA JAMEEL HONGE JESE MEHFOOZ KIYE HUE KHOOBSURAT MOOTI HO

"Hum unhey har tarah k lazeez phal aur manpasand goosht dete chale jayengey wo ek doosre se jaam e sharaab ki cheena jhapti karengey, aesi sharaab jiske peene se na to baihudah gooyi hogi na koi gunah sarzad hoga, mehfooz kiye hue mootiyo ki tarah khoobsurat ladkey unki khidmat mein har waqt hazir rahengey". (Surah Tour Surah no. 52 Ayat no. 22-24)


JANNAT MEIN MUQARRABEEN (ALLAH K KHAAS NAIK BANDO) K LIYE DO DO BAAGH HONGEY JO NAIMATO K LIHAAZ SE AAM MOMINO (ASHABUL YAMEEN) K BAAGHO SE AFZAL HONGE
DONO BAAGHO MEIN DO CHASHMEY, HAR TARAH K LAZEEZ PHAL AUR RAISHMI MUSNADO PAR MUSHTAMIL BAITHAKEY HONGI
JANNATIYO KI BEEWIYA INTIHAAYI SHARMEELI, PAAKBAAZ, HEERO AUR MOOTIYO JESI CHAMAKTI DAMAKTI KHOOBSURAT, SIRF APNE SHOHARO KI KHATIRDAARI KARNE WALIYA HONGI
JANNATIYO KI BEEWIYO KO JANNAT MEIN DAKHIL HONE SE PEHLE NAYE SIREY SE PAIDA KIYA JAYEGA AUR US PAIDAISH K BAAD UNHEY KISI INSAAN (YA JINNAT KI BEEWIYO KO KISI JINN) NE HAATH TAK NAHI LAGAYA HOGA

"Jo shaks apne rabb k huzoor paish hone se darta raha uske liye do baagh honge (ae jinn wa ins!) tum apne rabb ki kin kin naimato ko jhutlaaoge?, dono baagh hari bhari daliyo se bhar-poor honge (to phir ae jinn wa ins) tum apne rabb k kin kin ehsanaat ko jhutlaaogey?, dono baagho mein har phal ki do qismey hongi (ek dunya mein istemaal ki hui doosri us se alag) phir tum apne rabb k kin kin inaamaat ko jhutlaaogey?, jannati loog aese aese farsho par takiya laga kar baithengey jinka astar (andar ka tukda) mootey resham ka hoga aur baagho ki daaliya phalo k boojh se chuki hongi (jannatiyo ko khud phal toodne mein koi diqqat nahi hogi) phir tum apne rabb ki kin kin naimato ko jhutlaaogey?, un naimato k darmiyaan sharmeeli nigaaho wali hongi jinhey us se pehle kisi insaan ya jinn ne chuwa nahi hoga phir tum apne rabb ki kin kin naimato ko jhutlaaogey? (wo beewiya) aesi khoobsurat jese hirey aur mooti phir tum apne rabb k kin kin ehsanaat ko jhutlaaogey?". (Surah Rahman Surah no. 55 Ayat no. 46-59)


ASHAABUL YAMEEN (AAM MOMINEEN)KO BHI DO BAAGH ATA KIYE JAYENGEY JO MUQARRABEEN K BAAGHO KI NISBAT MUQAAM AUR MARTABA MEIN KAM HONGEY
UN BAAGHO MEIN BHI CHASHMEY AUR LAZEEZ PHAL MOJOOD HONGEY
NAIK, PAKBAAZ, HASEEEN WA JAMEEL, MOOTI AANKHO WALI GOORI GOORI AURATEY (HOOREY) UNKI BEEWIYA HONGI JINHEY US SE PEHLE KISI NE CHUWA TAK NAHI HOGA

"Un (do baagho) k alawa do baagh aur hongey phir tum apne rabb k kin kin ehsanaat ko jhutlaaogey?, dono baagho mein do chashmey fuwaaro ki tarah ubal rahey hongey phir tum apne rabb k kin kin inamaat ko jhutlaaogey?, dono baagho mein bakasrat phal khajoorey aur anaar hongey phir tum apne rabbb k kin kin ehsanaat ko jhutlaaogey?, un naimato k darmiyaan naik, paakbaaz aur haseen wa jameel beewiya hongi phir tum apne rabb ki kin kin naimato ko jhutlaaogey?, hoorey khaimo mein thehraayi gayi hogi phir tum apne rabb ki kin kin naimato ko jhulaaogey?, jannatiyo se pehle kisi insaan ya jinn ne un (aurato) ko chuwa na hoga phir tum apne rabb k kin kin inamaat ko jhutlaaogey?, jannati loog sabz qaaleeno aur nafees wa nadir farsho par takiye laga kar baithengey phir tum apne rabb k kin kin ehsanaat ko jhutlaaogey?, badi barkat wala hai tere rabb jaleel wa kareem ka naam". (Surah Rahman Surah no. 55 Ayat no. 62-78)


SAARI ZINDAGI NA-JAYEZ KHAWAHISHAAT E NAFS SE RUKEY REHNE WALE AUR ALLAH KI QAYAM KARDAH HUDOOD KI PABANDI KARNE WALE LOOG HI JANNAT MEIN JAYENGEY
JANNAT MEIN GARMI KI SHIDDAT HOGI NA SARDI KI BALKEY KHUSHGAWAAR SAAYE HONGEY AUR MUSTAQIL MOSAM BAHAAR!
JANNAT K KHADIM CHAANDI AUR SHEESHEY K BARTANO MEIN JANNATIYO KI AAO BHAGAT KARENGEY
JANNAT K PHAL IS QADAR NEECHEY HONGEY K JANNATI KHADE, BAITHEY YA LAITEY JAB CHAAHENGEY TOOD SAKENGEY
JANNAT K CHASHMA "SALSABEEL" SE AESI SHARAAB BAR'AAMAD HOGI JISME SOONTH KI AAMAIZISH HOGI, JO JANNATI LOOGO KO PILAAYI JAYEGI
HAR JANNATI K BAAGH EK WASEEY WA AZEEZ SALTANAT KA MANZAR PAISH KARENGEY
JANNATIYO KO CHAANDI K KANGAN PEHNAAYE JAYENGEY

"Allah ta'ala unke sabar k badley mein unhey jannat aur raishmi libaas ata farmayega jaha wo unchi musnado par takiye lagaye baithey hongey na waha sooraj ki garmi hogi na sardi ki shiddat (balkey hamesha mosam bahaar rahega) jannat k darakhto k saaye un jhukey hue hongey piyaaley gardish karaaye ja rahe hongey, shishey bhi wo chaandi ki kism k hongey piyaalo ko (khuddaam ne) theek andaazey k mutabiq bhara hoga (yaani jitna kisi ne peena hoga bas utna hi khuddam daalengey) jannatiyo ko aesi sharaab k jaam pilaaye jayengey jinme soonth ki aamaizish hogi ye jannat ka ek chashma hoga jise "salsabeel" kaha jata hai, jannatiyo ki khidmat k liye aese ladkey doodte phir rahe hongey jo hamesha ladkey hi rahengey tum unhey dekhogey to tu lagega jese bikhrey hue mooti hai, waha jidhar bhi tum nazar daalogey naimatey hi naimatey hongi aur ek badi saltanat ka saro samaan tumhey nazar aayega, jannatiyo k jismo par sabz bareek aur mootey raishami libaas hongey unhey chaandi k kangan pehnaaye jayengey unka rabb unhey nihayat pakeezah sharaab pilayega (unhey bataya jayega) ye hai tumhare aamaal ki jaza, tumhari jadd o jahad qabil e qadr thehri". (Surah Zahar Surah no. 72 Ayat no. 12-22)


PUR ROONAQ CHEHREY BAAGHAAT, BAKASRAT PHAL, KHOOBSURAT, NOJAWAAN, KUWAARI AUR APNE SHOHARO KI HAM-UMAR AURATEY, PAKEEZAH SHARAAB, JHALAKTEY JAAM, HAR QISM KI LAGU AUR BAIHUDAH BAATO SE PAAK AUR SAAF MAHOOL, BEHTEY CHASHMEY, BULAND WA BALA MUSNADEY, QATAAR DAR QATAAR GAO TAKIYE AUR NADIR WA NAFEES QAALEEN YE SAB JANNAT KI NAIMATEY HAI, JINSE AHLE JANNAT MUSTAFEED HONGEY

"Kuch chehrey is rooz ba-roonaq  hongey apne kaarguzaari par khush hongey aalishaan jannat mein, jaha koi baihudah baat nahi sunegey, jannat mein chashmey beh rahe hongey buland wa bala musnadey hondi, saagir rakkhey honge gao takiyo ki qataar lagi hongi aur nafees farsh bichey hue hongey". (Surah Gashiyah Surah no. 88 Ayat no. 8-14)


JANNAT MEIN KAANTO K BAGIR BAIRIYA HONGI
JANNATI LOOGO KI NAIK DUNYAAWI BEEWIYO KO ALLAH TA'ALA DOBAARAH PAIDA KAREGEY JINME DARJ ZAIL TEEN KHOOBIYA HONGI, KUWAARI HONGI, APNE SHOHARO KI HAM-UMAR HONGI, APNE SHOHARO SE JI-BHAR KAR PIYAAR AUR MUHABBAT KARNE WALIYA HONGI

"Aur daayi baazu waley unki khushnaseebi ka kya kehna, wo be khaar bairiyo, ta bar ta kailiyo aur door tak phaili hui chaao aur har dar rawa rawa paani aur kabhi khatam na hone wale, be rook took milne wale bakasrat phalo aur unchi nashast gaaho mein hongey unki beewiyo ko hum khaas taur par naye sirey se paida karengey aur unhey pakeezah bana dengey apne shoharo se ji bhar kar muhabbat karne waliyo aur unki ham-umar ye saari naimatey hai daayi baazu walo k liye". (Surah Waqiya Surah no. 56 Ayat no. 27-38)


JANNAT K CHASHMA "KAFOOR" SE AESI SHARAAB BAR'AAMAD HOGI JISME KAFOOR KI AAMAIZISH HOGI JO JANNATIYO KO PILAAYI JAYEGI
JANNAT MEIN SAARE KAAM JANNATIYO KI KHAWAHISH AUR IRADEY PAR HI CHASHM E ZADAN MEIN POOREY HO JAYENGEY

"Naik loog (jannat mein) sharaab k aese saagir piyengey jinme kafoor ki aamaizish hogi, kafoor (jannat mein) ek chashma hai jis se Allah k bandey piyengey aur us chashmey ki nadya jidhar chahengey (sirf khawahish karne se hi) baha le jayengey". (Surah Dahar Surah no. 76 Ayat no. 5-6)


JANNAT KI NAIMATEY AHLE JANNAT K QALB WA NAZAR KO THANDAK PAHUNCHANEY WALI HOGI
JANNAT KI NAIMATO KA IS DUNYA MEIN TASAWWUR KARNA MUMKIN NAHI

"Ahle Jannat ki aankho ko thandak pahunchane k liye jo makhfi naimatey tayyar ki gayi hai unka ilm kisi mutnafs ko nahi". (Surah Sajdah Surah no. 32 Ayat no. 17)

JANNAT K NAAM

JANNAT K NAAM

Bismillahirrahmanirraheem

JANNAT KA EK NAAM "DAARUS SALAAM" (SALAMATI WALA GHAR) HAI

"Aur Allah ta'ala tumhey daarus salaam ki taraf dawat de raha hai (hidayat usi k ikhtiyaar mein hai lihaza) jise wo chahta hai seedha raasta dikha deta hai". (Surah Younus Surah no. 10 Ayat no. 25)


JANNAT KA DOOSRA NAAM "DAARUL MUTTAQEEN" (MUTTAQI LOOGO KA GHAR) HAI

"Jab muttaqi loogo se pucha jata hai k tumhare rabb ki taraf se kya nazil kiya gaya hai, to wo kehte hai "Behtareen cheez utri hai" aese naik loogo k liye is duniya mein bhi bhalayi hai aur aakhirat ka ghar to unke liye bahut hi accha kya hi accha hai muttaqi loogo ka ghar (daarul muttaqeen) daaimi qayaam ki jannatey jinme wo dakhil honge un qayaam-gaaho k nichey nehrey beh rahi hongi waha har baat unki khawahish k mutabiq hogi muttaqi loogo ko Allah ta'ala aesa hi badla dete hai". (Surah Nahal Surah no. 16 Ayat no. 30-31)


JANNAT KA TEESRA NAAM "DAARUL QARAAR" (QARAAR KI JAGAH) HAI

"Ae meri qaum k loogo! ye dunya ki zindagi to bas chand roozah hai qaraar ki jagah to aakhirat hi hai". (Surah Momin Surah no. 40 Ayat no. 39)


JANNAT KA CHOOTHA NAAM "MUQAAM E AMAAN" (AMAN KI JAGAH) HAI

"Beshak muttaqi loog aman ki jagarh mein hongey baago aur chashmo mein rahengey". (Surah Dukhan Surah no. 44 Ayat no. 51-52)


JANNAT KO "DAARUL AAKHIRAH" (AAKHIRAT KA GHAR) BHI KAHA JATA HAI

"Aakhirat ka ghar hi behtar hai un loogo k liye jinhone taqwa ikhtiyaar kiya, kya tum loog aqal se kaam nahi lete". (Surah Yousuf Surah no. 12 Ayat no. 109)


JANNAT KO "JANNAATUN NA'EEM" (NAIMAT BHARI JANNATEY) BHI KAHA GAYA HAI

"Aur aagey wale to aagey wale hi hai wahi to muqarrab loog hai naimat bhari jannato mein rahenge". (Surah Waqiyah Surah no. 56 Ayat no. 10-12)


JANNAT KO "JANNAATUN ADN" (SADA-BAHAAR JANNATEY) BHI KAHA GAYA HAI

"Ahle Emaan k liye sada-bahaar jannatey hai jinke nichey nehrey beh rahi hogi waha sooney k kangan pehnaaye jayenge aur sabz rang k bareek raisham aur atlas wa daiba k kapdey pehnayenge aur unchi musnado par takiye laga kar baithengey behtareen ajr aur aala darja ki qayaam ki jagah hogi". (Surah Kahaf Surah no. 18 Ayat no. 31)

JANNAT KI MOJOODGI KA SABOOT

JANNAT KI MOJOODGI KA SABOOT

Bismillahirrahmanirraheem

RAMAZAAN MEIN JANNAT K DARWAAZEY KHOOL DIYE JAATE HAI

Hazrat Abu Hurairah Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Jab ramazaan aata hai to jannat k darwaazey khool diye jaate hai aur jahannam k darwaazey band kar diye jaate hai aur shayateen zanjeero mein jakad diye jaate hai". (Sahih Muslim Kitabus Siyaam)


QABAR MEIN JANNATI AADMI KO JANNAT MEIN USKA THIKAANA DIKHAYA JATA HAI

Hazrat Abdullah bin Umar Razi Allahu Anhu kehte hai Rasool Allah Sallallahu Alaihi Wa Sallam ne farmaya "Jab tum mein se koi aadmi faut hota hai to use subah wa shaam uska thikaana dikhaya jata hai agar jannati hai to jannat mein (uska thikaana dikhaya jata hai) agar jahannami hai to jahannam mein (uska thikaana dikhaya jata hai)". (Sahih Bukhari Kitabul Bad ul Khalk)


NABI E AKRAM SALLALLAHU ALAIHI WA SALLAM NE JANNAT MEIN HAZRAT UMAR RAZI ALLAHU ANHU KA THIKAANA DEKHA HAI

Hazrat Abu Hurairah Razi Allahu Anhu kehte hai hum Nabi E Akram Sallallahu Alaihi Wa Sallam ki khidmat mein hazir they Aap Sallallahu Alaihi Wa Sallam ne irshad farmaya "Mein soo raha tha k mene apne Aapko jannat mein paaya mene ek mehal k andar kooney mein ek aurat ko wuzu karte dekha to pucha ye mehal kiska hai?" unhoney kaha "Umar bin Khattab Razi Allahu Anhu ka, mujhe Umar Razi Allahu Anhu ki gairat ka khayaal aaya to mein peeth pher kar chala aaya" Hazrat Umar Razi Allahu Anhu (ye sun kar) rooney lagey arz kiya "Ya Rasool Allah Sallallahu Alaihi Wa Sallam kya mein aap par gairat karunga?". (Sahih Bukhari Kitabul Bad ul Khalk)

AURAT K NAAN NAFQA K MASA'IL

AURAT K NAAN NAFQA K MASA'IL

Bismillahirrahmanirraheem

BEEWI KA NAAN NAFQA MARD K ZIMMEY HAI
BEEWI KA NAAN NAFQA SHOHAR KI HAISIYAT K MUTABIQ HAI

Hazrat Hakeem bin Muawiyah Razi Allahu Anhu apne baap se riwayat karte hai k ek aadmi ne Nabi E Akram Sallallahu Alaihi Wa Sallam se sawaal kiya "Beewi ka khawind par kya haqq hai" Aap Sallallahu Alaihi Wa Sallam ne irshad farmaya "Jab tu khud khaye to use bhi khilaye, jab khud pehne to use bhi pehnaye, chehrey par na maarey, gaali na de, (kabhi alag karne ki zaroorat padey to) apne ghar k alawa kisi doosri jagah alag na karey". (Sahih Sunan Ibne Maja Hadees no. 1500)


BEEWI KA NAAN WA NAFQA DOOSRE RISHTEDAARO K NAAN NAFQA PAR MUQADDAM HAI

Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Emaan k lihaaz se kaamil momin wo hai jo akhlaaq mein sabse accha hai aur tum mein se behtar shaks wo hai jo apni beewiyo k liye behtar ho". (Sahih Sunan Tirmizi Hadees no. 928)

Hazrat Umar bin Umayya Zamari Razi Allahu Anhu ne farmaya "Shohar beewi par jo kharch karta hai wo bhi sadqa hai". (Musnad Ahmad Kitabun Nikah)


DORAAN E IDDAT MUTALLAQA BEEWI KA NAAN WA NAFQA MARD K ZIMMEY WAJIB HAI

"Aurato ko (zamana e iddat mein) usi jagah rakkho jaha tum rehte ho jesi kuch bhi jagah tumhey mayassar ho, aur tang karne k liye aurato ko matt sataao phir agar wo tumhare (bacchey ko) doodh pilaaye to unki ujrat unhey do aur bhaley tareeqey se (ujrat ka muamala) bahami gaft wa shaneed se tey karlo lekin agar tumne (ujrat tey karne mein) ek doosre ko tang kiya to bacchey ko koi aur aurat doodh pila legi". (Surah Talaaq Surah no. 65 Ayat no. 6)


TEESRI TALAAQ K BAAD MARD AURAT K NAAN WA NAFQA KA ZIMMEYDAAR NAHI

Hazrat Fatima bintey Qais Razi Allahu Anha se riwayat hai k unke shohar ne unhey teen talaaqey de di, Rasool Allah Sallallahu Alaihi Wa Sallam ne Fatima k liye na kharch ka hukm diya na riha'ish ka. (Sahih Sunan Ibne Maja Hadees no. 1655)


JO SHAKS BEEWI KO NAAN WA NAFQA NA DEY, US SE AURAT TALAAQ LENA CHAHEY TO LE SAKTI HAI

Hazrat Abu Hurairah Razi Allahu Anhu se riwayat hai k Nabi E Akram Sallallahu Alaihi Wa Sallam ne apni beewi ko kharch na dene wale aadmi k baare mein farmaya "un dono ko alag kara diya jaye". (Daare Qutni, Nailul Autaar Kitabus Sifaat)


AGAR SHOHAR JAYEZ ZAROORIYAAT KA KHARCH BHI ADA NA KARE TO BEEWI SHOHAR KI IJAZAT K BAGAIR ITNA MAAL KHARCH KAR SAKTI HAI JO SHOHAR KO NAGAWAAR NA HO

Hazrat Ayesha Razi Allahu Anha se riwayat hai k Hazrat Ameer Muawiyah Razi Allahu Anhu ki walidah hind ne Rasool Allah Sallallahu Alaihi Wa Sallam ki khidmat mein arz kiya "Abu Sufyaan nakheel aadmi hai (yaani hasb zaroorat kharch nahi deta) agar mein uske maal se bila ijazat le lu to mujh par koi gunah hai?" Aap Sallallahu Alaihi Wa Sallam ne irshad farmaya "Dastoor k mutabiq apna aur aulaad ka kharch (bila ijazat) le lo". (Mukhtasar Sahih Bukhari Hadees no. 1041)

IDDAT K MASA'IL

IDDAT K MASA'IL

Bismillahirrahmanirraheem

BAISH SUNI KI WAJAH SE JIN KHAWATEEN KO HAIZ AANA BAND HO GAYA HO UNKI IDDAT TALAAQ TEEN MAAH HAI
KAM SUNI KI WAJAH SE JIN KHAWATEEN KO HAIZ AANA ABHI SHURU NA HO UNKI IDDAT TALAAQ BHI TEEN MAAH HAI
HAMILA KHAWATEEN KI IDDAT WAZEY HAMAL HAI KHAWAH CHAND YAUM (DIN) HO YA CHAND HAFTEY HO YA CHAND MAAH

"Aur tumhari aurato mein se jo haiz se mayoos ho chuki ho unke muamalaat mein agar tumhey koi shak hai to (maloom hona chahiye k) unki iddat teen maheeney hai aur yahi hukm unka hai jinhey abhi haiz na aaya ho aur hamila aurato ki iddat ye hai k unka wazey hamal ho jaye jo shaks Allah se darey uske muamaley mein wo sahoolat paida kar deta hai". (Surah Talaaq Surah no. 65 Ayat no. 4)


DORAAN E IDDAT AURAT DOOSRA NIKAH NAHI KAR SAKTI

"Jab tum apni aurato ko talaaq de chuko aur wo apni iddat poori kar ley to phir unhe apne (pichley) khawindo se nikah karne se na rooko jab wo maroof tareeqey se ba'hum munakihat par raazi ho tumhey naseehat ki jaati hai k aesi harkat hargiz na karna agar tum Allah aur rooz e aakhirat par emaan rakhte ho, tumhare liye sha’ista aur pakeezah tareeqa yahi hai k us se baaz raho Allah jaanta hai tum nahi jaantey". (Surah Baqarah Surah no. 2 Ayat no. 232)


ZAMANA E IDDAT MEIN RAJI'E TALAAQ WALI AURAT KO APNE SAATH RAKHNA CHAHIYE
ZAMANA E IDDAT MEIN SHOHAR RAJI'E TALAAQ WALI AURAT K NAAN WA NAFQA KA ZIMMEYDAAR HAI

"Aurato ko (zamana e iddat mein) usi jagah rakkho jaha tum rehte ho jesi kuch bhi jagah tumhey mayassar ho, aur tang karne k liye aurato ko matt sataao phir agar wo tumhare (bacchey ko) doodh pilaaye to unki ujrat unhey do aur bhaley tareeqey se (ujrat ka muamala) bahami gaft wa shaneed se tey karlo lekin agar tumne (ujrat tey karne mein) ek doosre ko tang kiya to bacchey ko koi aur aurat doodh pila legi". (Surah Talaaq Surah no. 65 Ayat no. 6)


GAIR HAMILA AUR MADKHOOLA MUTALLAQA KI IDDAT TEEN TAHAR YA TEEN HAIZ HAI

"Jin aurato ko talaaq di gayi ho wo teen haiz aaney tak apne aapko rookey rakkhey aur unke liye ye jayez nahi hai k Allah ta'ala ne unke raham mein jo kuch khalk kiya hai use chipaaye unhe hargiz aesa nahi karna chahiye agar wo Allah aur yaum e aakhirat par emaan rakhti hai agar unke shohar taalluqaat durust kar lene par aamaada ho to wo is iddat k doraan mein unhe phir apni zojiyat mein wapas lene k haqqdaar hai, aurato k liye ye bhi maroof tareeqey par wese hi huqooq hai jese mardo k un par, albatta mardo ko unpar darja hasil hai aur Allah ta'ala sab par gaalib hai aur hikmat wala hai". (Surah Baqarah Surah no. 2 Ayat no. 228)


GAIR MADKHOOLA MUTALLAQA KI KOI IDDAT NAHI

"Ae loogo, jo emaan laye ho! jab tum momin aurato se nikah karo aur phir unhe haath lagane se pehle talaaq de do to tumhari taraf se unpar koi iddat nahi jiske poora karne ka tum mutaalba kar sako lihaza unhe kuch maal do aur bhaley tareeqey se rukhsat karo". (Surah Ahzaab Surah no. 33 Ayat no. 49)


JIN AURAT KA SHOHAR FOUT (MAR JAYE) HO JAYE USKI IDDAT E SOOG CHAAR MAAH DAS DIN HAI

Hazrat Ummey Ateeyah Razi Allahu Anha se riwayat hai k Rasool Allah Sallallahu Alaihi Wa Sallam ne farmaya "Koi aurat mayyat par soog k liye teen din se zayadah muqarrar na kare siwaye apne shohar k jiske liye chaar maah das din ki iddat hai is doraan aurat ranga hua kapda na pehney illa ye k rangdaar bana hua ho na surma lagaaye na khushbu istemaal kare albatta jab haiz se paak ho to haiz k khoon ki badbo door karne k liye (mamooli si) qast ya khushbu istemaal kar sakti hai". (Mukhtasar Sahih Muslim Hadees no. 864)


KHULA HASIL KARNE WALI AURAT KI IDDAT EK HAIZ HAI

Hazrat Rabee binte maooz bin Afra Razi Allahu Anha se riwayat hai k unhone Nabi E Akram Sallallahu Alaihi Wa Sallam k zamaney mein apne shohar se khula liya to Nabi E Akram Sallallahu Alaihi Wa Sallam ne use hukm diya "k wo ek haiz iddat guzaarey". (Sahih Sunan Tirmizi Hadees no. 945)


JIS AURAT KA SHOHAR FOUT HO GAYA HO USE IDDAT KA ZAMANA HAR SOORAT MEIN APNE SHOHAR K GHAR MEIN HI GUZAARNA CHAHIYE
KISI ZAROORAT K TAHAT GHAR SE NIKALNE KI RUKHSAT HAI LEKIN RAAT GHAR AA KAR BASAR KARNA ZAROORI HAI

Hazrat Zainab bintey kaab bintey Ujrah Razi Allahu Anha se riwayat hai k Hazrat Abu Saeed Khudri Razi Allahu Anhu ki behan fareeya bintey Maalik bin Sanaan Razi Allahu Anha ne unhey bataya k wo Rasool Allah Sallallhu Alaihi Wa Sallam k paas aayi aur pucha "Kya wo bani khudra mein apne ghar jaa sakti hai? kyunki mere khawind k gulaam bhaag gaye hai wo unhey dhoondne nikley jab Tarf e Qadoom (ek muqaam hai madeena se saat meel par) pahuchey to waha gulaamo ko paya aur gulaamo ne mere khawind ko maar dala" chunanchey mene Rasool Allah Sallallhu Alaihi Wa Sallam se daryaft kiya "Kya mein apne ghar wapas chali jau kyunki mera khawind mere liye koi makaan ya kharch wagairah chood kar nahi mara" Hazrat Fareeya Razi Allahu Anha kehti hai Rasool Allah Sallallhu Alaihi Wa Sallam ne farmaya "han chali jao" Hazrat Fareeya Razi Allahu Anha kehti hai k mein waha se nikli abhi masjid ya hujrah mein hi thi to Nabi E Akram Sallallhu Alaihi Wa Sallam ne mujhe bulaya ya kisi ko bulaaney ka hukm diya aur mujhey bulaya gaya Aapne irshad farmaya "Tumne kya kaha tha?" mene saari baat dobaarah bayan ki jo mene apne shohar k mutalliq kahi thi, Hazrat Fareeya Razi Allahu Anha kehti hai tab Rasool Allah Sallallhu Alaihi Wa Sallam ne farmaya "Apne ghar mein thehri raho hatta k iddat poori ho jaye" chunanchey mene us ghar mein chaar maah das din poorey kiye, Hazrat Fareeya Razi Allahu Anha kehti hai k jab Hazrat Usman bin Affan Razi Allahu Anhu khaleefa baney to unhone mere paas paighaam bheja aur masla daryaft kiya to mene unhey yahi bataya aur unhone uske mutabiq faisla kiya. (Sahih Sunan Abu Dawood Hadees no. 2099)


MAFQOODUL KHABR SHOHAR KI BEEWI CHAAR SAAL INTAZAAR KARNE K BAAD IDDAT (CHAAR MAAH DAS DIN) GUZAAR KAR DOOSRA NIKAH KAR SAKTI HAI

Hazrat Saeed bin Musayyab Razi Allahu Anhu se riwayat hai k Hazrat Umar bin Khattab Razi Allahu Anhu ne mafqoodul khabr shohar wali aurat k baare mein farmaya k wo chaar saal intazaar kare uske baad chaar maah das din iddat guzaar kar (chahey to) nikah karley. (Muatta Imam Malik Kitabut Talaaq)

Wazahat: Mafqoodul khabr - agar kisi ka shohar gum (laapata ho) jaye aur uski koi khabar na miley to aesi soorat mein chaar saal intazaar kiya jayega agar wo wapas na aaya aur uski koi khabar na miley to usey fout shuda samjha jayega phir chaar maah das din ki iddat guzaari jayegi.

EILA K MASA'IL

EILA K MASA'IL

Bismillahirrahmanirraheem

CHAAR MAAH SE KAM MUDDAT K LIYE BATAUR TAMBIYAH (SAZA) BEEWI K JINSI TAQAAZO KO POORA NA KARNE KI IJAZAT HAI SHARA (SHARIYAT) MEIN ISE "EILA" KEHTE HAI
EILA KI ZAYADA SE ZAYADA MUDDAT (YAANI CHAAR MAAH) GUZARNE K BAAD SHOHAR KO YA TO EILA SE RUJU KARNA CHAHIYE YA TALAAQ DE DENI CHAHIYE

"Jo loog apni aurato se talluq na rakhne ki qasam kha baithey hai unke liye chaar maheeney ki mohlat hai agar unhone ruju kar liya to Allah maaf karne wala aur raham karne wala hai aur agar unhone talaaq ka faisla kar hi liya ho to jaan rakkho k Allah sab kuch sunta aur jaanta hai". (Surah Baqarah Surah no. 2 Ayat no. 226-227)


AZEEYAT (TAKLEEF) PAHUCHAANEY K LIYE EILA KARNA MANA HAI

Hazrat Abu Sarmah Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Jo kisi ko nuksaan pahuchaayega Allah use nuksaan pahuchaayega aur jisne kisi par sakhti ki Allah us par sakhti karega". (Sahih Sunan Ibne Maja Hadees no. 1897)


EILA KI ZAYADA SE ZAYADA MUDDAT (YAANI CHAAR MAAH) GUZARNE K BAWAJOOD SHOHAR BEEWI SE JINSI TAALLUQAAT QAYAM NA KARE AUR TALAAQ BHI NA DE TO AURAT SHARI ADALAT KI TARAF RUJU KAR SAKTI HAI ADALAT EILA SE RUJU YA TALAAQ DONO MEIN SE KISI EK K LIYE MARD KO PABAND KARNE KA IKHTIYAAR RAKHTI HAI

Hazrat Abdullah bin Umar Razi Allahu Anhu farmate hai jab eila k chaar maah guzar jaye to mard ko talaaq dene par majboor kiya jayega. (Sahih Bukhari Kitabut Talaaq)

Wazahat: Eila k nateejey mein agar mard apni beewi ko talaaq de de to iddat k liye aam talaaq ki iddat hogi.


AGAR SHOHAR HALF KI MUDDAT KHATAM HONE SE PEHLE EILA SE RUJU KARLEY TO USE APNI QASAM KA KAFFARAH ADA KARNA CHAHIYE

Hazrat Abu Hurairah Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "jo shaks kisi baat ki qasam khaye aur phir kisi doosri baat ko us se behtar paaye to apni qasam ka kaffarah ada kare aur behtar baat par amal kare". (Sahih Muslim Kitabul Emaan)

Wazahat: Qasam ka kaffarah 10 miskeeno ko khana ya kapdey pehnana ya ek gulaam azaad karna hai agar unme se kisi kaam ki istata'at na ho to phir teen din k roozey rakhna hai. (Surah Maida Surah no. 5 Ayat no. 89)


RASOOL E AKRAM SALLALLAHU ALAIHI WA SALLAM NE EK MAHEENA K LIYE EILA KIYA THA

Hazrat Anas bin Maalik Razi Allahu Anhu se riwayat hai k Rasool Allah Sallallahu Alaihi Wa Sallam ne apni aurato se eila kiya us waqt Aap Sallallahu Alaihi Wa Sallam k paao mein mooch aayi hui thi aur Nabi E Akram Sallallahu Alaihi Wa Sallam untees (29) dino tak alag bala-khaaney mein qayaam pazeed rahey untees (29) dino k baad tashreef laye to loogo ne kaha Aap Sallallahu Alaihi Wa Sallam ne to ek maheena ki qasam khayi thi Aap Sallallahu Alaihi Wa Sallam ne farmaya "Maheena untees (29) din ka bhi hota hai". (Sahih Bukhari Kitabut Talaaq)

ZAHAAR K AHKAAM

ZAHAAR K AHKAAM

Bismillahirrahmanirraheem

BEEWI KO MAA YA BEHAN KEH KAR APNE UPER HARAAM KAR LENA MANA HAI SHARAH MEIN USE ZAHAAR KEHTE HAI
ZAHAAR KARNE SE BEEWI HAMESHA K LIYE HARAAM NAHI HOTI ALBATTA RUJU KARNE SE QABL KAFFARAH ADA KARNA ZAROORI HAI
ZAHAAR KA KAFFARAH EK GULAAM AZAAD KARNA YA MUSALSAL DO MAAH K ROOZEY RAKHNA YA 60 MISKEENO KO KHANA KHILAANA HAI

"Tum mein se jo loog apni beewiyo se zahaar karte hai unki beewiya inki maayen nahi hai unki maayen to wahi hai jinhone unko jana hai ye loog sakht napasandeedah jhooti baat kehte hai haqeeqat ye hai k Allah bada maaf karne wala aur darguzar farmane wala hai, jo loog apni beewiyo se zahaar karey phir apni us baat se ruju karey jo unhone kahi thi to qabl iske k ek doosre ko haath lagaye ek gulaam azaad karna hoga uski tumko naseehat ki jaati hai aur jo kuch tum karte ho Allah us'se ba-khabar hai jo shaks gulaam na paaye wo do maheeney k pe dar pe (lagataar) roozey rakkhey qabl iske k dono ek doosre ko haath lagaye aur jo us par bhi qadir na ho wo 60 miskeeno ko khana khilaaye ye hukm is liye diya jaa raha hai k tum Allah aur uske Rasool par emaan laao ye Allah ki muqarrar kardah hadey hai aur kafiro k liye dardnaak saza hai". (Surah Mujadilah Surah no. 58 Ayat no. 2-4)


ZAHAAR KARNE K BAAD KAFFARAH ADA KARNE SE PEHLE AGAR KOI SHAKS BEEWI SE SOHBAT KAR LEY TO USEY TAUBA E ISTAGFAAR KARNA CHAHIYE DOHRA KAFFARAH NAHI HOGA

Hazrat Abdullah bin Abbas Razi Allahu Anhu se riwayat hai k ek aadmi Nabi e Akram Sallallahu Alaihi Wa Sallam ki khidmat mein hazir hua jisne apni beewi se zahaar kiya tha lekin kaffarah ada karne se pehle sohbat kar baitha, usne arz kiya "Ya Rasool Allah Sallallahu Alaihi Wa Sallam! mene apni beewi se zahaar kiya tha lekin kaffarah ada karne se pehle sohbat karli hai" Aap Sallallahu Alaihi Wa Sallam ne daryaft farmaya "Allah tujh par raham farmaye kis cheez ne tumhey aesa karne par aamadah kiya"? usne arz kiya "mene chaandni mein uski paazaib dekhi (aur apne aap par qaabu na rakh saka)" Aap Sallallahu Alaihi Wa Sallam ne irshad farmaya "Dobarah uske qareeb na jana jab tak kaffarah ada na karlo". (Sahih Sunan Tirmizi Hadees no. 958)

LA'AAN K AHKAAM

LA'AAN K AHKAAM

Bismillahirrahmanirraheem

MARD KO APNI BEEWI K BAARE MEIN ZINAKAARI KA YAQEEN HO TO US SE ALHAIDGI KA TAREEQA YE HAI K WO MARD SHARI ADALAT MEIN JA KAR CHAAR MARTABA KHUD GAWAHI DE K "MEIN ALLAH KI QASAM KHA KAR GAWAHI DETA HU K YE AURAT ZAANIYA HAI" AUR PAANCHVI BAAR YUH KAHEY "AGAR MEIN JHOOTA HU TO MUJH PAR ALLAH KI LAANAT HO" AGAR AURAT ZINA KA IQRAAR KAR LEY TO SHARI QANOON K MUTABIQ ADALAT USE SANGSAAR KARNE KA HUKM DEGI AGAR AURAT INKAAR KARE TO USE MANDARJA ZAIL ALFAAZ CHAAR MARTABA KEHNE PADENGEY "MEIN ALLAH KI QASAM KHA KAR KEHTI HU K MARD JHOOTA HAI" AUR PAANCHVI BAAR YUH KAHE "AGAR MARD SACCHA HO TO MUJH PAR ALLAH KA GAZAB NAZIL HO" IS K BAAD DONO MIYA BEEWI MEIN ADALAT MUSTAQIL ALHAIDGI KARA DEGI, ISE SHARIYAT MEIN "LA'AAN" KEHTE HAI

"Aur jo loog apni beewiyo par ilzaam lagaye aur unke paas khud unke apne siwa koi doosra gawah na ho to unmein se ek shaks ki gawahi (yuh hogi k wo) chaar martaba Allah ki qasam kha kar gawahi de k wo (apne ilzaam mein) saccha hai aur paanchvi baar yuh kahe k agar wo jhoota ho to us par Allah ki laanat ho, aurat se saza is tarah tall sakti hai k wo chaar martaba Allah ki qasam kha kar gawahi de k ye shaks jhoota hai aur paanchvi baar yuh kahe agar mard saccha ho to mujh par Allah ka gazab tootey". (Surah Noor Surah no. 24 Ayat no. 6-9)


LA'AAN K BAAD MARD SE TOHMAT SAAQIT HO JAATI HAI AUR AURAT SE TOHMAT SAAQIT HO JAATI HAI
LA'AAN SIRF SHARI ADALAT K ROO-BARU HI HO SAKTA HAI
LA'AAN SE PEHLE QAAZI KO MARD WA AURAT DONO KO AETRAAZ E JURM KI TARGEEB DILAANI CHAHIYE AGAR DONO MEIN SE KOI BHI AETRAAZ E JURM NA KARE TAB LA'AAN KARWANA CHAHIYE
ZAATI ILM KI BINA PAR QAAZI MUJRIM PAR HADD JAARI NAHI KAR SAKTA JAB TAK GAWAHI NA HO

Hazrat Abdullah bin Abbas Razi Allahu Anhu se riwayat hai k Hilaal bin Umayya Razi Allahu Anhu ne Nabi E Akram Sallallahu Alaihi Wa Sallam ki khidmat mein apni beewi par Shareek bin Sahma k saath zina ki tohmat lagaayi Nabi E Akram Sallallahu Alaihi Wa Sallam ne farmaya "Gawah laao warna tumhari peeth (back) par hadd nafiz ki jayegi" Hilaal bin Umayya Razi Allahu Anhu ne arz kiya "Ya Rasool Allah Sallallahu Alaihi Wa Sallam! hum mein se jab koi apni beewi ko gair mard k saath zina karte hue dekhey to kya wo gawah talaash karne chala jaye?" Nabi E Akram Sallallahu Alaihi Wa Sallam ne dobaara yahi baat irshad farmayi "Gawah paish karo warna tumhari peeth (back) par hadd jaari hogi" Hilaal bin Umayya Razi Allahu Anhu ne arz kiya "Us zaat ki qasam! jisne Aapko haqq k saath mab'oos farmaya hai mein saccha hu aur Allah ta'ala zaroor aesi ayatey nazil farmayega jinse meri peeth (back) ko hadd se bacha lega" chunanchey Hazrat Jibraeel Alaihis Salaam ye aayatey le kar nazil hue "Wo loog jo apni beewiyo par tohmat lagaate hai" se le kar "agar wo saccha hai" tak (Surah Noor Surah no. 24 Ayat no. 6-10) (Ayaat nazil hone k baad) Hazrat Hilaal Razi Allahu Anhu aye aur la'aan kiya, Nabi E Akram Sallallahu Alaihi Wa Sallam ne (dono miya beewi ko mukhatib kar k) farmaya "Beshak Allah ta'ala jaanta hai tum dono mein se ek zaroor jhoota hai kya tum mein se koi ek (jo jhoota hai) tauba karta hai?" kisi ne tauba na ki aur aurat (la'aan k liye) khadi ho gayi usne chaar martaba gawahi di (k mard choota hai) aur paanchvi martaba gawahi dene lagi to loogo ne use rooka k paanchvi gawahi (Allah k gazab ko) wajib karne wali hai, (lihaza acchi tarah sooch lo) Hazrat Abdullah bin Abbas Razi Allahu Anhu kehte hai aurat ruk gayi aur hich-kichaane lagi humne gumaan kiya k wo (apne gunah ka) aetraaf kar legi lekin usne kaha "Mein apni qaum ko hamesha k liye ruswa nahi karna chahti" aur paanchvi gawahi de di (yaani agar mard saccha hai to mujh par Allah ka gazab tootey) Nabi E Akram Sallallahu Alaihi Wa Sallam ne irshad farmaya "is ka dhiyaan rakhna agar iske yaha surmagi aankho wala, moota pait wala aur bhari bhari pindliyo wala baccha hua to shareek ka hoga" chunanchey aesa hua (bacche k paidaish k baad) Rasool Allah Sallallahu Alaihi Wa Sallam ne farmaya "Agar Allah ki kitab ka qanoon la'aan na hota to mein (is aurat par) hadd jaari kar deta". (Sahih Bukhari, Mishkaatul Masabeeh Hadees no. 3307)


LA'AAN K BAAD PAIDA HONE WALA BACCHA BAAP KI BAJAYE MAA SE MANSOOB KIYA JAYEGA

Hazrat Abdullah bin Umar Razi Allahu Anhu se riwayat hai k Nabi E Akram Sallallahu Alaihi Wa Sallam ne ek mard aur aurat mein la'aan karwaya mard kehne laga aurat k han paida hone wala baccha mera nahi hai chunanchey Nabi E Akram Sallallahu Alaihi Wa Sallam ne dono ko alhaidah kar diya aur bacchey ka nasb aurat se laga diya. (Sahih Bukhari Kitabut Talaaq)


LA'AAN K BAAD ALAG HONE WALA MARD AUR AURAT DOBARAH KISI BHI SORAT MEIN NIKAH NAHI KAR SAKTEY

Hazrat Sahal bin Saad Razi Allahu Anhu farmate hai k mein Rasool Allah Sallallahu Alaihi Wa Sallam ki khidmat mein hazir tha tab se aapas mein la'aan karne wale mard aur aurat k baare mein ye sunnat jaari ho gayi k wo dobarah kabhi nikah nahi kar saktey. (Sahih Sunan Ibne Maja Hadees no. 1969)


LA'AAN K BAAD MAA KI TARAF MANSOOB KIYA JAANE WALA BACCHA MAA KI WIRASAT HASIL KAREGA MAA BACCHEY KI WIRASAT HASIL KAREGI
LA'AAN K BAAD MARD YA AURAT KO ZAANI KEHNE WALE PAR HADD JAARI HOGI
LA'AAN KARNE WALE MARD AUR AURAT K HAN PAIDA HONE WALEY BACCHEY KO WALDUZZINA (HARAAMI BACCHA) KEHNE WALE PAR BHI HADD JAARI HOGI

Hazrat Umar bin Shuyeb Razi Allahu Anhu apne baap se wo apne dada Razi Allahu Anhu se riwayat karte hai k Rasool Allah Sallallahu Alaihi Wa Sallam ne la'aan karne walo ki aulaad k baare mein ye faisla farmaya k "Maa aulaad ki aur aulaad maa ki waris hogi agar koi aurat ko zaniya kahega to usey 80 koodey mare jayenge aur jo aulaad ko walduzzina (haraami) kahega use bhi 80 koodey maare jayenge". (Nailul Autaar Kitabul La'aan)


MARD AUR AURAT K DARMIYAAN JAB TAK LA'AAN NA HO TAB TAK BACCHA BAAP KI TARAF HI MANSOOB HOGA

Hazrat Abu Hurairah Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "Baccha beewi wale ka hai aur zaani k liye patthar hai". (Sahih Sunan Nasayi Hadees no. 3258)

KHULA K AHKAAM

KHULA K AHKAAM

Bismillahirrahmanirraheem

JO AURAT APNE SHOHAR KO NAPASAND KARTI HO WO KUCH MUAWAZA DE KAR SHOHAR SE ALHAIDGI HASIL KAR SAKTI HAI, SHARIYAT MEIN ISE KHULA KEHTE HAI
KHULA HASIL KARNE K LIYE DARJ ZAIL SHARA'IT KA HONA ZAROORI HAI
1. NAPASANDEEDGI KA IZHAAR AURAT KI TARAF SE HONA
2. NAPASANDEEDGI IS HADD TAK HONA K ALHAIDGI NA HONE KI SORAT MEIN HUDOODULLAH K TOODNE KA KHATRA HO
KHULA KA MAAMLA MIYA BEEWI YA UNKE KHAWIND K DARMIYAAN BAAHAMI IFHAAM WA TAFHEEM SE TEY NA HO SAKEY TO AURAT SHARI ADALAT KI TARAF RUJU KAR SAKTI HAI
KHULA K LIYE AURAT SE LIYA JAANE WALA MUAWAZA KAM WA BAISH MEHAR K BARABAR (YA JITNA BHI KAM HO SAKE) HONA CHAHIYE
KHULA MEIN SIRF EK TALAAQ SE MIYA BEEWI MEIN MUKAMMAL ALHAIDGI WAQEY HO JAATI HAI, AGAR SHOHAR TALAAQ NA DE TO SHARI ADALAT NIKAH FISK KARNE KA HUKM JAARI KAR SAKTI HAI

"Talaaq do baar hai phir ya to aurat ko seedhi tarah rook liya jaye ya bhaley tareeqey se use rukhsat kar diya jaye aur rukhsat karte hue tumhare liye jayez nahi k jo kuch tum unhe de chukey ho usmein se kuch wapas lo albatta ye soorat mutshana hai k zojain ko Allah k hudood par qayam na reh sakne ka andeesha ho aesi soorat mein agar tumhey ye khauf ho k wo dono hudood e ilahi par qayam na reh sakengey to un dono k darmiyaan ye maamla tey ho jaane mein koi maza'ika nahi k aurat apne shohar ko kuch muawaza de kar alhaidgi hasil karley ye Allah ki muqarrar kardah hadey hai unse tajawuz na karo aur jo loog hudood e ilahai se tajawuz karey wahi zalim hai". (Surah Baqarah Surah no. 2 Ayat no. 229)

Hazrat Abdullah bin Abbas Razi Allahu Anhu se riwayat hai k Hazrat Saabit bin Qais Razi Allahu Anhu ki beewi Nabi E Akram Sallallahu Alaihi Wa Sallam ki khidmat mein hazir hui aur arz kiya "Ya Rasool Allah Sallallahu Alaihi Wa Sallam! mein Saabit bin Qais Razi Allahu Anhu ki deendaari aur akhlaaq mein aib (kami ya burayi) nahi nikaalti balkey mujhe musalmaan ho kar shohar ki nashukri k gunah mein mubtala hona pasand nahi" Rasool Allah Sallallahu Alaihi Wa Sallam ne us se daryaft farmaya "Kya tum Saabit ka (mehar mein) diya hua baag wapas karne ko tayyar ho?" aurat ne arz kiya "Han" chunanchey Nabi E Akram Sallallahu Alaihi Wa Sallam ne Hazrat Saabit bin Qais Razi Allahu Anhu ko hukm diya "apna baag wapas le lo aur use talaaq de do". (Sahih Bukhari Kitabul Khula)


KHULA HASIL KARNE WALI AURAT KI ADALAT EK HAIZ HAI

Hazrat Rabee binte maooz bin Afra Razi Allahu Anha se riwayat hai k unhone Nabi E Akram Sallallahu Alaihi Wa Sallam k zamaney mein apne shohar se khula liya to Nabi E Akram Sallallahu Alaihi Wa Sallam ne use hukm diya "k wo ek haiz iddat guzaarey". (Sahih Sunan Tirmizi Hadees no. 945)

Wazahat: Khula ki iddat mein mard ko ruju ka haqq baaqi nahi rehta albatta iddat k baad mard aurat dono aapas mein nikah karna chahey to kar sakte hai. (Wallahu Aalam bis Sawaaab)


BILA WAJAH KHULA LENE WALI AURATEY MUNAFIQ HAI

Hazrat Sobaan Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "(bila wajah) khula hasil karne wali auratey munafiq hai". (Sahih Sunan Tirmizi Hadees no. 948)


JO MARD AURAT KO NAAN WA NAFQA ADA NA KAREY US SE AURAT KHULA LENA CHAHEY TO LE SAKTI HAI

Hazrat Saeed bin Musayyab Razi Allahu Anhu farmate they k jab shohar k paas beewi ko dene k liye naan wa nafqa na ho to un dono k darmiyaan alhaidgi karwadi jaye. (Muatta Imam Malik Baab Jamey Talaaq)


MARD APNI BEEWI SE JIMA K QABIL NA HO TO ILAAJ K LIYE EK SAAL KI MOHLAT DENE K BAAD BEEWI HASB KHAWAHISH KHULA HASIL KAR SAKTI HAI

Hazrat Saeed bin Musayyab Razi Allahu Anhu farmate hai jo shaks kisi aurat se nikah kare aur wo us se jima ki qudrat na rakhta ho to us mard ko ek saal ki mohlat (ilaaj k liye) di jayegi agar is arsa mein wo jima par qadir ho jaye to behtar warna beewi k darmiyaan alhaidgi karwadi jayegi. (Muatta Imam Malik)

BAIK WAQT (EK SAATH) TEEN TALAAQEY DENA

BAIK WAQT (EK SAATH) TEEN TALAAQEY DENA

Bismillahirrahmanirraheem

BAIK WAQT TEEN TALAAQEY DENA KHILAAF E SUNNAT HAI
BAIK WAQT TEEN TALAAQEY DENE SE EK HI TALAAQ WAQEY HOTI HAI
HAZRAT UMAR FAROOQ RAZI ALLAHU ANHU NE APNE AHAD E KHILAFAT K KUCH ARSA BAAD BAIK WAQT DI GAYI TEEN TALAAQEY TEEN TALAAQO KO SAZA K TAUR PAR TEEN TALAAQEY HI NAFIZ FARMAYA THA

Hazrat Abdullah bin Abbas Razi Allahu Anhu farmate hai Nabi E Akram Sallallahu Alaihi Wa Sallam k zamaney mein aur Hazrat Abu Bakr Siddequi Razi Allahu Anhu k zamana e khilafat mein aur Hazrat Umar Farooq Razi Allahu Anhu k zamana e khilafat mein do saal tak baik waqt di gayi teen talaaqey ek hi shumaar ki jaati thi, Hazrat Umar bin Khattab Razi Allahu Anhu ne kaha "Jis cheez mein loogo ko (soochne samajhne k liye) mohlat di gayi thi loogo ne us baarey mein jald-baazi se kaam lena shuru kar diya hai (jo khilaaf e sunnat hai) lihaza ayindah hum (saza k taur par) baik waqt di gayi teen talaaqo ko teen hi nafiz karengey" chunanchey (uske baad) Hazrat E Umar Razi Allahu Anhu ne apna faisla naafiz farma diya. (Sahih Muslim Kitabut Talaaq)

TALAAQ MEIN JAYEZ UMOOR

TALAAQ MEIN JAYEZ UMOOR

Bismillahirrahmanirraheem

NIKAH K BAAD JIMA SE QABL TALAAQ DENA JAYEZ HAI

"Tum par koi gunah nahi agar tum aurato ko haath lagaane se pehle ya mehar muqarrar kanre se pehle talaaq de do is soorat mein unhey kuch na kuch dena zaroor chahiye khush-haal aadmi apni istata'at k mutabiq aur gareeb aadmi apni istata'at k mutabiq maroof tareeqey se de". (Surah Baqarah Surah no. 2 Ayat no. 236)


MASHROOT YA MUALLAQ TALAAQ DENA JAYEZ HAI

Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Musalmaan apni sharto ko poora karey". (Sahih Sunan Abu Dawood Hadees no. 3063)

Wazahat: Mashroot talaaq ye hai k shohar apni beewi se is qism k alfaaf kahey "agar tu ghar se nikli to tujhe talaaq hai" aesi talaaq, talaaq e mashroot ya talaaq e muallaq kehlaati hai jo shart poori honey par waqey ho jaati hai.


TALAAQ K LIYE BEEWI KO IKHTIYAAR DENA JAYEZ NAHI

Hazrat Ayesha Razi Allahu Anha farmati hai Rasool Allah Sallallahu Alaihi Wa Sallam ne hamey ikhtiyaar diya aur humne (talaaq k muqaabaley mein) Nabi Sallallahu Alaihi Wa Sallam ko pasand kiya chunanchey Aap Sallallahu Alaihi Wa Sallam ne (apne in alfaaz ko) talaaq shumaar nahi kiya. (Sahih Sunan Abu Dawood Hadees no. 1929)

Wazahat: Agar shohar beewi se kahey agar tu chahey to tujhey mere saath rehne ya alag hone ka ikhtiyaar hai aur wo talaaq ikhtiyaar kare to use talaaq ho jayegi warna nahi.


DORAAN E HAMAL TALAAQ DENA JAYEZ NAHI

Hazrat Abdullah bin Umar Razi Allahu Anhu se riwayat hai k unhone apni beewi ko haalat e haiz mein talaaq di Hazrat Umar Razi Allahu Anhu ne Nabi E Akram Sallallahu Alaihi Wa Sallam se is ka zikr kiya to Aap Sallallahu Alaihi Wa Sallam ne irshad farmaya "Abdullah se kaho k ruju kare phir use talaaq de khawah paak ho ya hamila ho". (Sahih Sunan Ibne Maja Hadees no. 1643)

TALAAQ KA TAREEQA

TALAAQ KA TAREEQA

Bismillahirrahmanirraheem

HAIZ SE PAAK HONE K BAAD HALAAT E TAHAR MEIN EK TALAAQ DENE CHAHIYE
JIS TAHAR MEIN TALAAQ DENI HO US TAHAR MEIN JIMA NAHI KARNA CHAHIYE

Hazrat Abdullah bin Umar Razi Allahu Anhu farmate hai talaaq masnoona ka tareeqa ye hai k aadmi haalat e tahar mein jima k bagair talaaq de. (Sahih Sunan Ibne Maja Hadees no. 1640)


RAJI'E TALAAQ KI IDDAT K DORAAN BEEWI KO APNE SAATH GHAR MEIN RAKHNA CHAHIYE
RAJI'E TALAAQ KI IDDAT K DORAAN BEEWI KA NAAN WA NAFQA SHOHAR K ZIMMEY WAJIB HAI

"Aurato ko (zamana e iddat mein) usi jagah rakkho jaha tum rehte ho jesi kuch bhi jagah tumhey mayassar ho, aur tang karne k liye aurato ko mat sataao phir agar wo tumhare (bacche ko) doodh pilaaye to unki ujrat unhey do aur bhaley tareeqey se (ujrat ka maamla) baahami gaft wa shaneed se tey karlo lekin agar tumney (ujrat tey karne mein) ek doosre ko tang kiya to bacchey ko koi aur aurat doodh pila legi". (Surah Talaaq Surah no. 65 Ayat no. 6)


EK WAQT MEIN SIRF EK HI TALAAQ DENI CHAHIYE
IDDAT TALAAQ (TEEN HAIZ) GUZARNE K BAAD MIYA BEEWI MEIN MUSTAQIL ALHAIDGI HO JAYEGI

Hazrat Abdullah bin Umar Razi Allahu Anhu farmate hai k sunnat talaaq ye hai k shohar apni beewi ko har tahar mein sirf ek talaaq de jab aurat teesri martaba tahar hasil kare to use talaaq de uske baad jo haiz aayega us par iddat khatam ho jayegi. (Sahih Sunan Ibne Maja Hadees no. 1642)

TALAAQ KI IQSAAM

TALAAQ KI IQSAAM

Bismillahirrahmanirraheem

TALAAQ KI TEEN IQSAAM HAI
1. MASNOON TALAAQ
2. GAIR MASNOON TALAAQ
3. BAATIL TALAAQ


1. MASNOON TALAAQ


HAIZ SE PAAK HONE K BAAD JAB K BEEWI SE SOHBAT NA KI HO, HAALAT E TAHAR MEIN BEEWI KO EK TALAAQ DENI CHAHIYE, DORAAN E IDDAT BEEWI KO APNE SAATH GHAR MEIN RAKH KAR USKA NAAN WA NAQFA ADA KARNA CHAHIYE, YE MASNOON TALAAQ HOGI

Hazrat Abdullah bin Umar Razi Allahu Anhu se riwayat hai k unhone ahad e Nabwi Sallallahu Alaihi Wa Sallam mein apni beewi ko haalat e haiz mein talaaq di to Hazrat Umar bin Khattab Razi Allahu Anhu ne is baare mein Rasool Allah Sallallahu Alaihi Wa Sallam se daryaft kiya to Aap Sallallahu Alaihi Wa Sallam ne farmaya "Abdullah ko hukm do k wo apni beewi se ruju kare phir use chood de yaha tak k wo haiz se paak ho jaye phir haiz aaye aur phir paak ho phir sohbat kiye bagair chahey to (use apne nikah mein) rookey rakkhey chahey to talaaq de aur yahi wo iddat hai jiske hisaab se Allah ta'ala ne aurato ko talaaq dene ka hukm diya hai". (Sahih Muslim Kitabut Talaaq)


2. GAIR MASNOON TALAAQ


DORAAN E HAIZ AURAT KO TALAAQ DENA GAIR MASNOON HAI
JIS TAHAR MEIN JIMA KIYA HO US TAHAR MEIN TALAAQ DENA GAIR MASNOON HAI

Hazrat Abdullah bin Umar Razi Allahu Anhu farmate hai talaaq e masnoon ka tareeqa ye hai k aadmi halat e tahar mein jima k bagair talaaq de. (Sahih Sunan Ibne Maja Hadees no. 1640)

Wazahat: Gair masnooon talaaq, sunnat k mutabiq na honey k bawajood waqey ho jaati hai, lekin talaaq dene wala gunah ka murtakib hota hai.


3. BAATIL TALAAQ


NIKAH SE PEHLE TALAAQ DENA BAATIL HAI

Hazrat Ali bin Abu Taalib Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "Nikah se pehle talaaq nahi hai". (Sahih Sunan Ibne Maja Hadees no. 1668)


ZABARDASTI DILAAYI GAYI TALAAQ BAATIL HAI

Hazrat Abuzarr Razi Allahu Anhu kehte hai Rasool Allah Sallallahu Alaihi Wa Sallam ne farmaya "Allah ta'ala ne meri ummat se khata bhool aur jabar (yaani zabardasi) ki halat mein kiya hua kaam maaf farma diya hai". (Sahih Sunan Ibne Maja Hadees no. 1662)


NA-BAALIG, MAJNOON AUR MADHOOSH KI TALAAQ BAATIL HAI

Hazrat Ayesha Razi Allahu Anha se riwayat hai k Rasool Allah Sallallahu Alaihi Wa Sallam ne farmaya "Teen aadmi shar'i ahkaam k paaband nahi
1. Sooya hua jaagne tak
2. Na-baalig baalig hone tak
3. Deewana aqal sahih hone tak". (Sahih Sunan Ibne Maja Hadees no. 1660)


DIL MEIN DI GAYI TALAAQ WAQEY NAHI HOTI JAB TAK ZUBAAN SE ALFAAZ ADA NA KIYE JAYE

Hazrat Abu Hurairah Razi Allahu Anhu se riwayat hai k Rasool Allah  ne farmaya "Allah ta'ala ne meri ummat ko un k dil mein aane wali baato ko maaf farma diya hai jab tak wo us par amal na kare". (Sahih Sunan Ibne Maja Hadees no. 1659)


RISHTA AZWAAJ MEIN MUNSALIK BEEWI KO HI TALAAQ DI JA SAKTI HAI GAIR BEEWI PAR TALAAQ WAQEY NAHI HOTI

Hazrat Umar bin Shuyeb Razi Allahu Anhu apne baap se aur wo apne dada se riwayat karte hai k Rasool Allah Sallallahu Alaihi Wa Sallam ne farmaya "JIs (aurat) ka insaan malik hi nahi use talaaq nahi de sakta (yaani jiski wo beewi hi nahi hai usey talaaq nahi de sakta)". (Sahih Sunan Ibne Maja Hadees no. 1666)

TALAAQ QURAN MAJEED KI ROSHNI MEIN

TALAAQ QURAN MAJEED KI ROSHNI MEIN

Bismillahirrahmanirraheem

DORAAN E HAIZ TALAAQ DENA MANA HAI
GAIR HAMILA AUR MADKHOOLA AURAT KI TALAAQ KI IDDAT TEEN TAHRIYA TEEN HAIZ HAI BA-SHART K NABAALIG BACCHI (JISE ABHI HAIZ AANA SHURU NA HUA HO), YA AA'ISA (JISE ZAYADA UMAR KI WAJAH SE HAIZ AANA BAND HO GAYA HO) YA WAFAAT SHUDA SHOHAR WALI AURAT NA HO
RAJI'E TALAAQ HO TO DORAAN E IDDAT MEIN AGAR SHOHAR RUJU KANRA CHAHEY TO WALI KO US MEIN RUKAWAT NAHI DAALNI CHAHIYE
AURATO AUR MARDO K HUQOOQ KI SHARI AUR QANOONI HAISIYAT EK JESI HAI, JIS TARAH AURATO PAR MARDO K HUQOOQ ADA KARNA WAJIB HAI USI TARAH MARDO PAR AURATO K HUQOOQ ADA KARNA WAJIB HAI
RAJI'E TALAAQ MEIN IDDAT KHATAM HONE SE PEHLE PEHLE SHOHAR JAB CHAHEY RUJU KAR SAKTA HAI KHAWAH AURAT RAAZI HO YA NA HO

"Jin aurato ko talaaq di gayi ho wo teen haiz aaney tak apne aapko rookey rakkhey aur unke liye ye jayez nahi hai k Allah ta'ala ne unke raham mein jo kuch khalk kiya hai use chipaaye unhe hargiz aesa nahi karna chahiye agar wo Allah aur yaum e aakhirat par emaan rakhti hai agar unke shohar taalluqaat durust kar lene par aamaada ho to wo is iddat k doraan mein unhe phir apni zojiyat mein wapas lene k haqqdaar hai, aurato k liye ye bhi maroof tareeqey par wese hi huqooq hai jese mardo k un par, albatta mardo ko unpar darja hasil hai aur Allah ta'ala sab par gaalib hai aur hikmat wala hai". (Surah Baqarah Surah no. 2 Ayat no. 228)

Wazahat: 1. Yaad rahey hamila ki iddat wazey hamal hai, gair madkhoola mutallaqa ki koi iddat nahi wo talaaq k fauran baad doosra nikah kar sakti hai jin aurato ko budhapey ki wajah se haiz aana band ho gaya ho unki iddat teen maah hai.
2. Raham mein khalk ko na chipaaney ka matlab ye hai k talaaq k baad aurat ko jitne haiz aaye wo sach sach bataane chahiye masalan agar koi aurat khud bhi ruju karne ki khawahish-mand ho to teen haiz guzarne k ba-wajood ye keh de k ek ya do haiz aaye hai ya agar khud aurat ruju karna pasand na karti ho to ek ya do haiz aane par hi keh de k teen haiz aa chukey hai, aesa karne se mana farmaya gaya hai, iska doosra matlab hamal ka mojood hona ya na hona bhi ho sakta hai.


RAJI'E TALAAQ (WO TALAAQ JISKE BAAD RUJU KARNE KI IJAZAT HAI) K MOUQEY SAARI ZINDAGI MEIN SIRF DO HI HAI
TEESRI TALAAQ JISE TALAAQ BAA'IN KAHA JATA HAI, K BAD RUJU KA HAQQ BAAQI NAHI REHTA BALKEY MIYA BEEWI MEIN MUSTAQIL ALHAIDGI HO JAATI HAI
TAQAAQ DENE K BAAD AURAT KO DIYA HUA MEHAR YA DOOSRA SAMAAN WAPAS NAHI LENA CHAHIYE
AGAR KOI MUTALLAQA KHATOON DOOSRA NIKAH KARLE AUR DOOSRA SHOHAR SOHBAT K BAAD APNI AZAAD MARZI SE USEY TALAAQ DE TO MUTALLAQA KHATOON IDDAT GUZAANE K BAAD PEHLE SHOHAR SE NIKAH KAR SAKTI HAI

"Agar (kisi shohar ne apni beewi ko teesri) talaaq di to wo aurat phir uske liye halaal na hogi illa ye k uska nikah kisi doosre shaks se hua aur wo use (azaad marzi se) talaaq de tab agar pehla shohar aur ye (mutallaqa) aurat dono ye khayaal karey k hudood e ilahi par qayam rahenge to unke liye ek doosre ki taraf ruju kar lene mein koi maza'iqa nahi ye Allah ki muqarrar kardah hadey hai jinhey wo (in) loogo ki hidayat k liye wazey kar raha hai (jo uski hadoo ko toodne ka anjaam) jaantey hai". (Surah Baqarah Surah no. 2 Ayat no. 230)


AGAR MARD CHAHEY TO AURAT KO AZ’DAWAAJI ZINDAGI KHATAM KARNE KA IKHTIYAAR DE SAKTA HAI IS SOORAT MEIN AURAT KA FAISLA QATEY TAUR PAR NAFIZUL-AMAL HOGA

"Ae Nabi! apni beewiyo se kaho agar tum dunya aur uski zeenat chahti ho to aao mein tumhey kuch de dila kar bhaley tareeqey se rukhsat kardu agar tum Allah aur uske Rasool Sallallahu Alaihi Wa Sallam aur daar e aakhirat ki taalib ho to jaanle k tum mein se jo naikokaar hai Allah ne unke liye bada ajr tayyar kar rakkha hai". (Surah Ahzaab Surah no. 33 Ayat no. 28)


MIYA BEEWI K DARMIYAAN JHAGDEY KI SOORAT MEIN SHARI’E ADALAT MEIN JAANE SE PEHLE APNE APNE KHANDAAN MEIN SE EK EK NAIK AUR MAAMLA FAHAM AADMI KO BATAUR SAALIS MUQARRAR KARKE MUSALIHAT KARNE KA HUKM HAI

"Aur agar tum loogo ko miya beewi k taalluqaat bigad jaane ka andesha ho to ek saalis mard k rishtedaaro mein se aur ek saalis aurat k rishtedaaro mein se muqarrar karo, wo dono (saalis ya zojain) islaah karna chahenge to Allah ta'ala unke darmiyaan muwafiqat ki soorat paida farma dega Allah sab kuch jaanta hai aur bakhabar hai". (Surah Nisa Surah no. 4 Ayat no. 35)


EK SE ZAAYID BEEWIYA RAKHNE WALE SHOHAR SE AGAR KISI BEEWI KO KISI WAJAH SE BADSALOOKI AUR BE-RUKHI KA KHATRA HO AUR WO BEEWI APNE HUQOOQ CHOOD KAR APNE SHOHAR K SAATH ZINDAGI BASAR KARNE PAR AAMAADA HO TO SHOHAR KO USE TALAAQ NA DENE KI TARGEEB DILAANI CHAHIYE
MIYA BEEWI K DARMIYAAN BIGAAD KI SOORAT MEIN EK DOOSRE K SAATH PARHAIZGAARI KA TARZ AMAL IKHTIYAAR KARNE KA HUKM DIYA GAYA HAI

"Jab kisi aurat ko apne shohar se badsalooki ya be-rukhi ka khatra ho to koi mazaika nahi agar miya aur beewi (kuch huqooq ki kami aur baishi par) aapas mein sulah karley, sulah beharhaal (alhaidgi se) behtar hai, nafs tang-dili ki taraf jald mayil ho jaate hai lekin agar tum loog ehsaan se paish aao aur parhaizgaari se kaam lo, to yaqeen rakkho Allah tumhare is (naik) tarz amal se be-khabar na hoga". (Surah Nisa Surah no. 4 Ayat no. 128)

Wazahat: Aurat ki tang dili ye hai k beemari, budhapey ya badsoorati k bawajood mard se usi muhabbat aur ragbat ka taqaaza kare jo sehat-mand jawaan ya khoobsurat beewi k liye ho sakti hai, mard ki tang dili ye hai k nayi shadi k baad pehli beewi k zayaya se zayada huqooq kam karne ki koshish kare aur is majboori (beemari, budhapa ya badsoorati) se najayez faida uthaye.


TALAAQ DENA SIRF MARD KA IKHTIYAAR HAI AURAT KA NAHI
SOHBAT SE QABL AGAR KOI MARD APNI BEEWI KO TALAAQ DE DE TO AURAT PAR KOI IDDAT NAHI, TALAAQ K FAURAN BAAD AURAT DOOSRA NIKAH KAR SAKTI HAI
SOHBAT SE QABL DI GAYI TALAAQ MEIN HAQQ RUJU BAAQI NAHI REHTA

"Ae loogo, jo emaan laye ho! jab tum momin aurato se nikah karo aur phir unhe haath lagane se pehle talaaq de do to tumhari taraf se unpar koi iddat nahi jiske poora karne ka tum mutaalba kar sako lihaza unhe kuch maal do aur bhaley tareeqey se rukhsat karo". (Surah Ahzaab Surah no. 33 Ayat no. 49)


GUSSEY MEIN BILA SOOCHEY SAMJHEY TALAAQ DENA MANA HAI
DORAAN E HAIZ TALAAQ DENA MANA HAI
JIS TAHAR MEIN AURAT SE SOHBAT KI HO US MEIN TALAAQ DENA MANA HAII
BAIK WAQT TEEN TALAAQEY DENA MANA HAI
TALAAQ DENE K BAAD IDDAT KI MUDDAT KA SAHIH SHUMAAR KARNA ZAROORI HAI
RAJI'E TALAAQ K BAAD AURAT KO IDDAT POORI HONE TAK SHOHAR K GHAR PAR HI REHNA CHAHIYE
DOORAAN E IDDAT RAJI'E TALAAQ WALI AURAT KA NAAN WA NAFQA MARD K ZIMMEY WAJIB HAI
TALAAQ K MUAMLEY MEIN ALLAH TA'ALA K AHKAAM KI KHILAF WARZI KARNE WALA FAREEQ ZAALIM HAI

"Ae Nabi! jab tum loog aurato ko talaaq do to unhe unki iddat k liye talaaq diya karo aur iddat k zamaney ka theek theek shumaar karo aur Allah se daro jo tumhara rabb hai (zamana e iddat mein) na tum unhe unke gharo se nikaalo na wo khud nikley illa ye k wo kisi sareeh buraayi ki murtakib ho ye Allah ki muqarrar kardah hadey hai aur jo koi Allah ki hadoo se tajawuz karega wo apne uper khud zulm karega tum unhe jaantey shayad is (raji'e talaaq) k baad Allah ta'ala (muwafiqat ki) koi soorat paida farma de". (Surah Talaaq Surah no. 65 Ayat no. 1)


NIKAH K BAAD AGAR SOHBAT KARNE SE PEHLE JAB K MEHAR BHI ABHI MUQARRAR NA HUA HO, KOI SHAKS APNI BEEWI KO TALAAQ DE TO US PAR MEHAR ADA KARNA WAJIB NAHI ALBATTA APNI ISTATA'AT K MUTABIQ AURAT KO KUCH NA KUCH HADIYA DENA CHAHIYE

"Tum par kuch gunah nahi agar apni aurato ko talaaq de do qabl iske k haath lagaane ki noobat aaye ya mehar muqarrar ho is soorat mein unhe kuch na kuch dena zaroor chahiye khush-haal aadmi apni istata'at k mutabiq aur gareeb aadmi apni istata'at k mutabiq maroof tareeqey se de ye naik loogo par laazim hai". (Surah Baqarah Surah no. 2 Ayat no. 236)


NIKAH K BAAD AGAR SOHBAT KARNE SE PEHLE JABKEY MEHAR TEY HO CHUKA HO KOI SHAKS APNI BEEWI KO TALAAQ DE DE TO US PAR NISF MEHAR ADA KARNA WAJIB HAI

"Aur agar tumne haath lagaane se pehle talaaq di ho lekin mehar muqarrar kiya ja chuka ho to is soorat mein nisf mehar dena hoga ye aur baat hai k aurat darguzar se kaam ley (aur mehar na ley) ya wo mard jiske haath mein aqd nikah hai darguzar se kaam ley (aur poorey ka poora mehar de de) aur tum (yaani mard) narmi se kaam lo to ye taqwa k zayada qareeb hai baa'hami muamalaat mein fayyazi k tarz amal ko na bhoolo beshak jo kuch tum loog karte ho Allah use dekh raha hai". (Surah Baqarah Surah no. 2 Ayat no. 237)

TALAAQ KI KARAHAT

TALAAQ KI KARAHAT

Bismillahirrahamanirraheem

HANSI, MAZAAK, GUSSA YA SANJEEDGI MEIN SE HAR HAALAT MEIN DI GAYI TALAAQ WAQEY HO JAATI HAI

Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya: "Teen cheezo mein sanjeedgi, aur hansi mazaak mein kahi gayi baat waqey ho jaati hai pehli cheez nikah, doosri cheez talaaq aur teesri cheez ruju". (Sahih Sunan Tirmizi Hadees no. 944)


BILA WAJAH TALAAQ KA MUTAALBA KARNE WALI AURAT JANNAT KI KHUSHBOO TAK NAHI PAYEGI

Hazrat Sobaan Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Jis aurat ne apne shohar se bila wajah talaaq maangi us par jannat ki khusboo haraam hai". (Sahih Sunan Tirmizi Hadees no. 948)


BILA UZR KHALA TALAB KARNE WALI AURAT MUNAFIQ HAI

Hazrat Sobaan Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya "(bila wajah) khala hasil karne wali auratey munafiq hai". (Sahih Sunan Tirmizi Hadees no. 948)

Khala ki wazahat In Sha Allah aagey ayegi.


BILA SABAB BEEWI KO TALAAQ DENA BAHUT BADA GUNAH HAI

Hazrat Abdullah bin Umar Razi Allahu Anhu kehte hai Rasool Allah Sallallahu Alaihi Wa Sallam ne farmaya "Allah k nazdeek ye bahut bada gunah hai k ek aadmi kisi aurat se nikah karley aur phir jab apni zaroorat poori karley to use talaaq de de aur uska mehar bhi ada na kare". (Mustadrak E Haakim, Silsila Ahadees E Saheeya Hadees no. 999)


TALAAQ LENE K LIYE BEEWI KO SHOHAR K KHILAAF BHADKAANEY WALA SHAKS RASOOL ALLAH SALLALLAHU ALAIHI WA SALLAM KA NA-FARMAAN HAI

Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Wo shaks hum mein se nahi jo kisi aurat ko uske shohar k khilaaf bhadkaaye ya gulaam ko uske maalik k khilaaf bhadkaaye". (Sahih Sunan Abu Dawood Hadees no. 1906)

Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya "Koi aurat apni behan (sookan) ki talaaq ka mutaalba na kare sookan ka hissa bhi khud le sakey (aur uski jagah khud) nikah karley is liye k jo uski qismat mein likha hai usey mil jayega". (Sahih Sunan Abu Dawood Hadees no. 1908)


MIYA BEEWI KO JUDA KARNA IBLEES KA SABSE ZAYADA PASANDEEDAH FA'AL HAI

Hazrat Jabir Razi Allahu Anhu kehte hai Rasool Allah Sallallahu Alaihi Wa Sallam ne farmaya "Iblees (shaitaan) ka takht paani par hai waha se wo apne lashkar (dunya mein fasaad barpaa karne k liye) bhejta hai, iblees ko sabse zayada mehboob wo shaitaan hota hai jo sabse bada fitna barpaa kare (jab shaitaan wapis aa kar apne kaarnamey batatey hai to) ek kehta hai "mene falah falah kaarnama sar-anjaam diya hai" iblees kehta hai "tooney kuch bhi nahi kiya" phir doosra shaitaan aata hai wo kehta hai "mein falah beewi k pichey pada raha hatta k dono mein alhaidgi kara di" iblees use apne paas (takht par) bitha leta hai aur kehta hai "tuney khoob (accha kaam) kiya". (Sahih Muslim Kitbus Sifaatul Munafiqeen)

NIKAH K MUTAFARRIQ MASA'IL

NIKAH K MUTAFARRIQ MASA'IL

Bismillahirrahmanirraheem

AMAL QAUM E LOUT KARNE YA KARWANE WALE DONO KO QATAL KARNE YA SANGSAAR KARNE KA HUKM HAI

Hazrat Abdullah bin Abbas Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Jis shaks ko amal qaum e lout mein mubtala pao use aur amal qaum e lout karne aur karwaane wale dono ko qatal kardo". (Sahih Sunan Ibne Maja Hadees no. 2075)

Hazrat Abu Hurairah Razi Allahu Anhu Nabi E Akram Sallallahu Alaihi Wa Sallam se amal qaum e lout mein mubtala shaks k baare mein riwayat karte hai k faa'al aur maf'ool dono ko sangsaar kardo (yaani) sabko sangsaar kardo. (Sahih Sunan Ibne Maja Hadees no. 2076)

Wazahat: Qaum e lout mein mard aurat se faida na utha kar mard mard se faida uthaya karte they.


MIYA BEEWI KA BAA'HAMI TALLUQ (NIKAH) MAUT SE KHATAM NAHI HOTA
NAIK MARD AUR NAIK AURAT JANNAT MEIN BHI EK DOOSRE K MIYA BEEWI HONGE

Hazrat Ayesha Razi Allahu Anha se riwayat hai k Rasool Allah Sallallahu Alaihi Wa Sallam ne (Hazrat Ayesha Razi Allahu Anha se) farmaya "Kya tum is baat par raazi nahi k tum dunya aur aakhirat (dono jagah) meri beewi raho?" Hazrat Ayesha Razi Allahu Anha ne arz kiya "Kyu nahi!" Aap Sallallahu Alaihi Wa Sallam ne irshad farmaya "Tum dunya aur aakhirat mein meri beewi ho". (Mustadrak E Haakim, Silsila Ahadees E Saheeya Hadees no. 1142)


ZAANI AUR ZAANIYA K HAN PAIDA HONE WALI AULAAD MAA BAAP K GUNAH SE BARI-UZ-ZIMMA HAI

Hazrat Ayesha Razi Allahu Anha se riwayat hai k Rasool Allah Sallallahu Alaihi Wa Sallam ne farmaya "Zina k nateejey mein paida hone wali aulaad par apne maa baap k gunaho ka koi wabaal nahi". (Mustadrak E Haakim, Sahih Jamey Sageer Hadees no. 5282)


BEEWI KO WALIDAYN KI MULAQAAT YA KHIDMAT SE ROOKNA MANA HAI

Hazrat Asma Razi Allahu Anha se riwayat hai k meri mushrika maa quraish aur Nabi Sallallahu Alaihi Wa Sallam k darmiyaan sulah (yaani sulah hudaibiyah) k zamaney mein (madeena) aayi uska baap (yaani mera naana) bhi saath tha mene Rasool Allah Sallallahu Alaihi Wa Sallam se pucha "Meri maa ayi hai aur use islam se sakht nafrat hai (uske saath kya salook karu?) Aap Sallallahu Alaihi Wa Sallam ne irshad farmaya "Apni maa se sila rehmi karo". (Sahih Bukhari Kitabul Abad)


JAANTEY BOOJHTEY APNI WALDIYAT HAQEEQI BAAP KI BAJAAYE KISI DOOSRE KI TARAF MANSOOB KARNE WALE PAR JANNAT HARAAM HAI

Hazrat Saab bin Abi Waqaas Razi Allahu Anhu kehte hai mene Nabi E Akram Sallallahu Alaihi Wa Sallam ko farmate hue suna hai "Jisne jaantey boojhtey apni nisbat apne baap k alawah kisi doosre ki taraf ki us par jannat haraam hai". (Mukhtasar Sahih Bukhari Hadees no. 2157)


HASB NASB PAR FAKHAR KARNA YA TAA'AN KARNA DONO MANA HAI

Hazrat Salman Razi Allahu Anhu kehte hai Rasool Allah Sallallahu Alaihi Wa Sallam ne farmaya "Teen baatey jahiliyat ki hai:
1. Hasb par farkhar karna
2. (Apne ya kisi doosre k) nasb par taa'an karna
3. (Mayyat par) nooha karna." (Tabraani, Sahih Jamey Sageer Hadees no. 3050)


APNI BEEWI, BAITI, BEHAN YA BAHU WAGAIRAH KO KISI GAIR MAHRAM K SAATH QABIL E AETRAAZ HALAT MEIN DEKH KAR QATAL KARNA MANA HAI

Hazrat Abu Hurairah Razi Allahu Anhu kehte hai Hazrat Saad bin Ubadah Razi Allahu Anhu ne arz kiya "Ya Rasool Allah Sallallahu Alaihi Wa Sallam! agar mein apni beewi ko kisi gair mard k saath (na-jayez halat mein) dekhu to kya us waqt tak use kuch na kahu jab tak chaar gawah na lau, Aap Sallallahu Alaihi Wa Sallam ne irshad farmaya "Han" Hazrat Saad Razi Allahu Anhu kehne lage "hargiz nahi, us zaat ki qasam jisne aapko haqq k saath bheja hai mein to gawah laane se pehle hi use fauran qatal kar dunga" Rasool Allah Sallallahu Alaihi Wa Sallam ne farmaya "Loogo! suno tumhara sardaar kya keh raha hai wo (yaani Saad Razi Allahu Anhu) waqey gairat-mand hai lekin mein us'se zayada gairat-mand hu aur Allah mujhse zayada gairat-mand hai (yaani qatal karna jayez nahi balkey us'se mazeed fitna fasaad badhega lihaza qatal na karo)". (Sahih Muslim Kitabul La'aan)


BEEWI K KIRDAAR PAR BILA WAJAH SHAK KARNA MANA HAI

Hazrat Abu Hurairah Razi Allahu Anhu se riwayat hai k ek daihaati Nabi E Akram Sallallahu Alaihi Wa Sallam ki khidmat mein hazir hua aur arz kiya "Ya Rasool Allah Sallallahu Alaihi Wa Sallam! meri beewi ne kaaley rang ka baccha jana hai jis'se mene inkaar kar diya, Nabi E Akram Sallallahu Alaihi Wa Sallam ne us daihaati se daryaft kiya "kya tumhare paas ounth hai?" daihati ne arz kiya "han! Nabi E Akram Sallallahu Alaihi Wa Sallam ne daryaft kiya "uska rang kya hai?" daihati ne arz kiya "surkh" Nabi E Akram Sallallahu Alaihi Wa Sallam ne daryaft kiya "kya unme koi khaaksatri bhi hai?" daihati ne arz kiya "han!" Rasool Allah Sallallahu Alaihi Wa Sallam ne farmaya "wo kaha se aa gaya?" daihati ne arz kiya "shayad ounth ki uper wali nasal mein se koi ounth kaaley rang wala ho (yaani tumhara inkaar durust nahi)". (Sahih Muslim Kitabul Laa'an)


ZINA K NATEEJEY MEIN PAIDA HONE WALA BACCHA BAAP KI WIRASAT NAHI PAATA NA BAAP BACCHEY KI WIRASAT PATA HAI

Hazrat Umar bin Shuyeb apne baap se aur wo apne dada Razi Allahu Anhu se riwayat karte hai k Rasool Allah Sallallahu Alaihi Wa Sallam ne farmaya "jisne loondi ya aazaad se zina kiya aur us'se baccha hua to ye (baap) us bacchey ka waris na hoga na hi baccha baap ka waris banega". (Sahih Sunan Ibne Maja Hadees no. 2217)


KUWAREY ZAANI AUR ZAANIYA KI SAZA 100 KOODEY AUR EK SAAL KI JILA WATNI HAI JAB K SHADI SHUDA ZAANI AUR ZAANIYA KI SAZA 100 KOODEY AUR PATTHARO SE SANGSAAR KARNA HAI

Hazrat Ubada bin Saamit Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya "Loogo! mujhse masa'il seekh lo, loogo! mujhse masa'il seekh lo Allah ta'ala ne aurato k liye raah nikaal di hai kuwara mard kuwari aurat se zina kare to uske liye 100 koodey aur ek saal tak jila watni ki saza hai aur agar shadi shuda mard shadi shuda aurat se zina kare to unke liye 100 koodey aur sangsaar karne ki saza hai". (Sahih Muslim Kitabul Laa'an)

Wazahat: 1. Surah Nisa mein Allah ta'ala ne zaaniya ki saza ye muqarrar farmayi thi k use maut tak ghar mein qaid kar diya jaye aur saath irshad farmaya tha k us hukm par us waqt tak amal karo jab tak Allah ta'ala unke liye koi doosri raah nahi nikaalta (Surah Nisa Surah no. 4 Ayat no. 15) Hadees shareef mein Allah ta'ala k isi irshad e mubarak ki taraf isharah hai k ab Allah ta'ala ne aurato k baare mein ye raah nikaali hai yaani ye hukm nazil farmaya hai.
2. Shadi shuda zaani aur zaaniya ki saza ka inhasaar adalat par hai wo chahey to dono sazaye de sakti hai koodey bhi aur sangsaar karna bhi chahey to sirf ek hi saza ko kaafi samjhey yaani sangsaar karna. (Wallahu Aalam bis Sawaab)

HARAAM RISHTEY

HARAAM RISHTEY

Bismillahirrahmanirraheem

HARAAM RISHTEY DO TARAH K HAI (1) MUSTAQIL HARAAM RISHTEY, (2) AARZI HARAAM RISHTEY


MUSTAQIL HARAAM RISHTEY


MUSTAQIL HARAAM RISHTO K ASBAAB TEEN HAI (1) NASB (KHOONI TALLUQ), (2) MUSAHIRAT (SUSRAALI TALLUQ), (3) RAZA'AT (DOODH PILANA)
NASBI (KHOONI TALLUQ K BAA'AS) HARAAM HONE WALE RISHTEY SAAT HAI, MUSAHIRAT (SHADI K BAA'AS) HARAAM HONE WALE RISHTEY BHI SAAT HAI

Hazrat Abdullah bin Abbas Razi Allahu Anhu farmate hai nasb ki wajah se saat rishtey haraam hai aur sahar (susraal) ki wajah se bhi saat rishtey haraam hai phir Aap Sallallahu Alaihi Wa Sallam ne ye aayat tilawat farmayi "Haraam ki gayi tum par maayen....aakhir tak". (Sahih Bukhari Kitabun Nikah)


MAA (BASHAMOOL DAADI WA NAANI SAGI HO YA SOTELI) BAITI (BASHAMOOL POOTI WA NAWASI) BEHAN (SAGI HO YA SOTELI) PHOOPI (SAGI HO YA SOTELI) KHALA (SAGI HO YA SOTELI) BHATIJI (SAGI HO YA SOTELI) BHANJI (SAGI HO YA SOTELI) SE NIKAH KARNA HARAAM HAI
BAAP, DADA AUR NANA KI MANKOOHA, BEEWI KI MAAN, DAADI AUR NAANI, MADKHOOLA BEEWI KI PEHLE SHOHAR SE BAITO, HAQEEQI BAITO, POOTEY AUR NAWASEY KI BEEWI SE NIKAH HARAAM HAI
DOODH PILANE WALI AURAT (RAZA'I MAAN) AUR USKI BAITI (RAZA'I BEHAN) (BASHAMOOL RAZA'I BEHAN KI BAITI) SE NIKAH HARAAM HAI

"Haram ki gayi tum per tumhari maayen aur tumhari ladkiya tumhari behne tumhari phoopiya aur tumhari khalaaye aur bhai ki ladkiya aur behan ki ladkiya aur tumhari woh maayen jinhone tumhe doodh pilaya ho aur tumhari doodh sharik behney aur tumhari saas aur tumhari woh parwarish kerdah ladkiya jo tumhari godd mein hain tumhari unn aurto se jin se tum dakhool ker chukay ho haan agar tumne unse jamaa na kiya ho to tum oer koi gunah nahi aur tumhare salbi sagey beton ki biwiya aur tumhara do behno ka jama kerna haan jo guzar chuka so guzar chuka yaqeenan Allah Ta’ala bakshne wala meharban hai." (Surah Nisa Surah no. 4 Ayat no. 23)


DOODH PILANE SE WESE HI HARAAM RISHTEY QAYEM HO JAATE HAI JESE WILADAT SE QAYEM HOTE HAI LIHAZA JO RISHTEY WILADAT K BAAD HARAAM HAI WAHI RISHTEY RAZA'I K BAAD BHI HARAAM HAI

Hazrat Ayesha Razi Allahu Anha kehti hai k Rasool Allah Sallallahu Alaihi Wa Sallam ne farmaya "Jo rishta wiladat se haraam hota hai wahi raza'at (doodh pilane) se haraam hota hai". (Mukhtasar Sahih Muslim Hadees no. 874)

Wazahat: Makhzoorah hadees shareef ki roshni mein darj e zail rishte haraam hai. 1. Raza'i maa, 2. Raza'i baiti, 3. Raza'i behan. 4. Raza'i phoopi, 5. Raza'i bhatiji, 6. Raza'i bhanji.


KAM AZ KAM PAANCH MARTABA PISTAAN CHOOSNE SE RAZA'AT SABIT HOTI HAI, US SE KAM HO TO RAZA'AT SAABIT NAHI HOTI

Hazrat Ayesha Razi Allahu Anha farmati hai quran majeed mein (hurmat raza'at se pehle) das baar (pistaan) choosne ka hukm nazil hua (jo baad mein mansookh ho gaya) phir paanch martaba choosne ka hukm nazil hua (iski qara'at mansookh ho gayi lekin hukm baaqi hai). (Sahih Muslim Kitabur Razaa)

Hazrat Ayesha Razi Allahu Anha se riwayat hai k Nabi E Akram Sallallahu Alaihi Wa Sallam ne farmaya "Ek baar do baar doodh choosne se hurmat sabit nahi hoti". (Sahih Sunan Tirmizi Hadees no. 919)

Wazahat: Yaad rahe k baccha pistaan muh mein lekar choosta aur pistaan se muh hata kar waqfa karna ek martaba shumaar hota hai is tarah waqfey waqfey se paanch martaba doodh peene se hurmat sabit hogi, ek martaba peene se hurmat sabit nahi hoti.


DO SAAL KI UMAR TAK DOODH PEENE SE HURMAT RAZA'AT SABIT HOTI HAI USKE BAAD NAHI

Hazrat Ummey Salma Razi Allahu Anha kehti hai Rasool Allah Sallallahu Alaihi Wa Sallam ne farmaya "Jab tak baccha itna doodh na peeye jo aanto ko bhar de raza'at sabit nahi hoti usi tarah jab tak baccha doodh chudaane se pehle pehle doodh na piye raza'at sabit nahi hoti". (Sahih Sunan Ibne Maja Hadees no. 921)

Wazahat: Raza'at se sirf doodh peene wale aadmi par nikah haraam hota hai doodh peene wale ka bhai doodh pilane wali ya uski maa ya uski baiti se nikah kar sakta hai, isi tarah doodh peene wale ki behan doodh pilane wali aurat k khandaan ya uske baap ya uske baite se nikah kar sakti hai.


AARZI HARAAM RISHTEY


BEEWI KI HAQEEQI (YA SOTELI) BEHAN KO EK NIKAH MEIN JAMA KARNA MANA HAI

Hazrat Zahaak bin Fairooz Dailmi Rahimahullah apne baap se bayan karte hai k unka baap Nabi E Akram Sallallahu Alaihi Wa Sallam ki khidmat mein hazir hua aur arz kiya "Ya Rasool Allah Sallallahu Alaihi Wa Sallam! mein islam laya hu aur mere nikah mein do behne hai" Aap Sallallahu Alaihi Wa Sallam ne irshad farmaya "Dono mein se ek jo chahte ho pasand karlo aur doosri ko talaaq de do". (Sahih Sunan Abu Dawood Hadees no. 1587)

Wazahat: Behan ki wafaat ya talaaq k baad doosri behan se nikah karna jayez hai.


BEEWI AUR USKI PHOOPI YA KHALA KO EK NIKAH MEIN JAMA KARNA MANA HAI

Hazrat Jabir Razi Allahu Anhu kehte hai k "Rasool Allah Sallallahu Alaihi Wa Sallam ne aurat ki phoopi aur khala ko ek nikah mein jama karne se mana farmaya hai". (Sahih Bukhari Kitabun Nikah)

Wazahat: Bhateeji ya bhanji ki wafaat ya talaaq k baad uski phoopi ya khala se nikah karna jayez hai.


MANKOOHA AURAT SE NIKAH KARNA HARAAM HAI

Wazahat: 1. "Aur wo auratey bhi tum par haraam hai jo kisi doosre k nikah mein ho magar wo jo tumhari milkiyat mein aa jaye Allah ta'ala ne ye ahkaam tum par farz kar diye hai jiski paabandi karna tum par lazim hai mazkoora aurato k alawa jitni bhi aurate hai unhe apne amwaal (yaani mehar) k zariye hasil karna tumhare liye halaal kar diya gaya hai ba-shart k nikah mein unko mehfooz kar, na ye k aazaad shahoot rani karne lago". (Surah Nisa Surah no. 4 Ayat no. 24)
2. Mankooha aurat ko talaaq ho jaye to iddat guzaarne k baad us'se nikah jayez hai.


IDDAT K DORAAN MUTALLAQA YA BAIWAH SE NIKAH KARNA HARAAM HAI

Wazahat: 1. "Aur tum mein se jo loog mar jaye unke piche agar unki beewiya zinda ho to wo apne aapko 4 maah 10 din rookey rakkhey phir jab unki iddat poori ho jaye to apni zaat k muamaley mein maaroof tareeqey se jo kare tum par uska koi gunah nahi Allah tum sab k aamaal se bakhabar hai". (Surah Baqarah Surah no. 2 Ayat no. 234)
2. Iddat guzaarne k baad mutallaqa ya baiwah se nikah jayez hai.


TEEN TALAAQEY JUDA JUDA MAJLISO MEIN DENE K BAAD APNI MUTALLAQA BEEWI SE RUJU AUR DOBARA NIKAH KARNA HARAAM HAI

Wazahat: 1. "Jab tum apni aurato ko talaaq de khuko aur wo apni iddat poori kar le to phir wo unhe apne (pichle) khawindo se nikah karne se na rooko jab wo maaroof tareeqey se baa'hum munakihat par raazi ho tumhe naseehat ki jaati hai k aesi harkat hargiz na karna agar tum Allah aur rooz e aakhir par emaan rakhte ho, tumhare liye shaista aur pakeeza tareeqa yahi hai k us'se baaz raho Allah jaanta hai tum nahi jaante". (Surah Baqarah Surah no. 2 Ayat no. 232)
2. Mutallaqa khatoon kisi doosre aadmi se halala nahi sahih nikah karley aur wo aadmi az khud use talaaq de de ya mar jaye to phir mutallaqa khatoon iddat k baad dobara apne pehle shohar se nikah kar sakti hai.


PAAK-DAAMAN MARD YA AURAT KA ZANIYA YA ZAANI MARD SE NIKAH HARAAM HAI

Wazahat: 1. “Badkaar auratey badkaar mardo k liye hai aur badkaar mard badkaar aurato k liye hai”. (Surah Noor Surah no. 24 Ayat no. 26)
2. Zaniya aurat ya zaani mard tayeb ho jaye to us se paak-daaman mard ya paak-daaman aurat ka nikah jayez hai.
3. zaniya aurat ko tayeb hone k baad iddat guzaane ka intezaar karna zaroori hai.


MOMIN MARD YA AURAT KA MUSHRIK AURAT YA MARD SE NIKAH KARNA HARAAM HAI

Wazahat: 1. "Tum mushrik aurato se hargiz nikah na karna jab tak wo emaan na le aye ek momin loondi mushrik aurat se behtar hai agarchey tumhe bahut pasand ho aur apni aurato k nikah mushrik mardo se kabhi na karna jab tak wo emaan na le aye ek momin gulaam, musrik mard se behtar hai agarchey wo tumhe bahut pasand ho ye loog tumhe aag ki taraf bulaate hai aur Allah ta'ala apne azan se tumko jannat aur magfirat ki taraf bulaata hai Allah ta'ala apne ahkaam wazey taur par loogo k saamne baya karta hai toqey hai k wo sabaq hasil karenge aur naseehat qubool karenge". (Surah Baqarah Surah no. 2 Ayat no. 221)

2. Mushrik aurat ya mard tayeb ho jaye to unka baahami nikah karna jayez ho jayega


MUH BOOLE BAITEY SE DAA'IMI YA AARZI HURMAT SABIT NAHI HOTI

Wazahat: 1. "Phir jab Zaid Razi Allahu Anhu us se (yaani Zainab Razi Allahu Anha se) apni hajat poori kar chuka to humne us (mutallaqa khatoon) ka nikah tumse kr diya takey momino par apne muh boole baito ki beewiyo k muamaley mein koi tangi na rahe jabke wo unse apni ijazat poori kar chuke ho aur Allah ka hukm to poora hona hi tha". (Surah Ahzaab Surah no. 33 Ayat no. 37)

NIKAH SAANI K MASA'IL

NIKAH SAANI K MASA'IL

Bismillahirrahmanirraheem

BAIK WAQT ZAYADAH SE ZAYADAH CHAAR BEEWIYA RAKHNE KI IJAZAT HAI
CHAAR BEEWIYO KI IJAZAT ADAL K SAATH MASHROOT HAI, ADL KARNA KISI WAJAH SE MUMKIN NA HO TO PHIR SIRF EK BEEWI RAKHNE KI IJAZAT HAI

"Aur agar tum yateemo k saath be-insaafi karne se darte ho to jo aurate tumko pasand aaye unme se do do, teen teen ya chaar chaar se nikah karo lekin agar tumhe andeesha ho k unke saath adal na kar sakogey to phir ek hi beewi karo ya un loondiyo par qana'at karo jo tumhare qabzey mein aati hai ye zayada qareeb hai is baat k k tum na-insaafi na karo". (Surah Nisa Surah no. 4 Ayat no. 3)


KUWARI AURAT K SAATH DOOSRA NIKAH KIYA HO TO USKE SAATH MUSALSAL SAAT DIN RAAT REHNE KI IJAZAT HAI USKE BAAD DONO KI MUSAAVI BAARI MUQARRAR KARNI CHAHIYE
BAIWAH AURAT SE DOOSRA NIKAH KIYA HO TO USKE PAAS MUSALSAL TEEN DIN RAAT REHNE KI IJAZAT HAI USKE BAAD DONO KI MUSAAVI BAARI MUQARRAR KARNI CHAHIYE

Hazrat Anas Razi Allahu Anhu farmate hai sunnat ye hai k jab aadmi baiwah se nikah karne k baad (uski mojoodgi mein) kuwari se nikah kare to kuwari k paas musalsal saat din-raat rehne aur phir baari muqarrar kare aur jab kuwari k hote hue doosra nikah baiwah se kare to uske paas musalsal teen din-raat qayaam kare aur phir baari muqarrar kare. (Sahih Bukhari Kitabun Nikah)


APNI SOOKAN KO JALAANE K LIYE KOI AESI BAAT KEHNA JO KHILAAF E HAQEEQAT HO JAYEZ NAHI

Hazrat Asma binte Abi Bakr Razi Allahu Anha se riwayat hai k ek aurat Rasool Allah Sallallahu Alaihi Wa Sallam ki khidmat mein hazir hui aur arz kiya "Meri ek sookan hai agar mein uska dil jalaane k liye jhoot moot kahu k mere khawind ne mujhe fala fala chezey di hai to kya mujh par gunah hoga?” Aap Sallallahu Alaihi Wa Sallam ne irshad farmaya "Jo shaks aesi cheezey milne ka daawa kare jo darr haqeeqat use nahi mili wo jhoot ka libaas oudhne wala hai". (Sahih Bukhari Kitabun Nikah)


AGAR EK BEEWI BAAHAMI IFHAAM WA TAFHEEM KI KHATIR AZ KHUD APNA KOI HAQQ SHOHAR KO MAAF KARNA CHAHEY TO KAR SAKTI HAI

Hazrat Ayesha Razi Allahu Anha se riwayat hai k Hazrat Soodah binte Zaama Razi Allahu Anha ne apni baari ka din Hazrat Ayesha Razi Allahu Anha ko hiba kar diya tha chunanchey Nabi E Akram Sallallahu Alaihi Wa Sallam hazrat Ayesha Razi Allahu Anha k paas Hazrat Ayesha Razi Allahu Anha aur Hazrat Soodah Razi Allahu Anha dono ki baari ka din qayaam farmaate. (Sahih Bukhari Kitabun Nikah)


MUSAVIYAANA HUQOOQ WALE MUAMALEY MEIN KISI EK BEEWI K HAQQ MEIN FAISLA KARNA MUSHKIL HO TO TAMAAM BEEWIYO KI RAZAMANDI SE BA-ZARIYA QURA FAISLA KARNA CHAHIYE

Hazrat Ayesha Razi Allahu Anha se riwayat hai k Nabi E Akram Sallallahu Alaihi Wa Sallam jab safar ka iraadah farmate to apni beewiyo k darmiyaan (kisi ek ko saath le jaane k liye) qura daalte. (Sahih Bukhari Kitabun Nikah)


KISI EK BEEWI K SAATH ZAYADA MUHABBAT HONA QABIL E MAZAMMAT NAHI JAB TAK TAMAAM BEEWIYO K BAAQI HUQOOQ (MASALAN REHNA SEHNA, KHANA, PEHAN'NA, KHARCH DENA, MUQARRARAH BAARI PAR QAYAAM KARNA WAGAIRAH) MUSAVIYAANA TAREEQEY SE ADA KARTE RAHE

Hazrat Umar Razi Allahu Anhu se riwayat hai k wo (apni baiti aur Ummul Momineen) Hazrat Hafsa Razi Allahu Anha k paas aaye aur farmaya "Ae meri baiti! is khatoon (yaani Hazrat Ayesha Razi Allahu Anha) k baare mein bhool mein na rehna jise apne husn wa jamaal aur Rasool E Akram Sallallahu Alaihi Wa Sallam ki muhabbat par fakhar hai". (Sahih Bukhari Kitabun Nikah)

NIKAH SAANI K LIYE PEHLI BEEWI SE IJAZAT LENA SUNNAT SE SABIT NAHI.