ROOZA RAKHTE WAQT AUR ROOZA KHOOLTE WAQT KI DUWAO KA JAYEZA
Bismillahirrahmanirraheem
Ye jo pocket size namaz ki kaapiyo aur hamare mumalik mai shaya hone wale auqaat e sehri wa iftaari k tijarati Advertising aur baaz aam si kitabo mai amooman rooza rakhne ki niyat likhi hoti hai:
"BI SAUMI GADIN NAWAYETU MIN SHAHRI RAMAZAAN" yani mene kal k ramazaan k roozey ki niyat ki.
Ye alfaaz Nabi E Akram Sallallahu Alaihi Wa Sallam ne na khud kahe aur na hi taleem farmaye, na ye Khulafa e Rashideen Razi Allahu Anhum se manqool hai aur na hi tabayeen wa a'imma rahimahullah mai se kisi se saabit hai, kutub e hadees wa fiqah ka sara zakheera chaan marey ye alfaaz kahi nahi milega aur jin baaz aam si kitabo mai milenge, unme bhi qata'an be sanad mazkoor honge, maloom nahi ye alfaaz kisne jood diye hai wese agar thode se gaur o fikr se kaam leya jaye to khud un alfaaz mai hi unke jaali wa manghadat hone ki daleel mojood hai,
masalan tulu subah saadiq k waqt azaan e fajr se thooda pehle sehri khaane se qabl ye kehta hai k "mene kal k roozey ki niyat ki" to uska ye qaul waqey aur darhaqeeqat k khilaaf hai, kyunki fajr to ho chuki aur ye rooza jiski wo sehri khane laga hai, kal ka nahi balke aaj ka hai, lihaza yaha "BI SAUMIL YAUM" jese alfaaz hone chahiye they k mene aaj k roozey ki niyat ki, kyunki lugat mai "GADIN" ka mana likha hai, ayinda kal ya wo din jiska intezaar hai, yani qayamat ka din jesa k irshaad e baari ta'ala hai:
"WAL TANZUR NAFSUM MA QADDAMAT LIGADIN WATTAQULLAH" Tarjuma: Aur Chahiye k har shaks dekh le k kal ke liye usne aagey kya bheja hai. (Surah Hashr Surah no. 59 Ayat no. 18)
"SAYAALAMOONA GADAN MINAL KAZZABUL ASHIR" Tarjuma: Ab jaan lenge k kal kaun hai jhoota badayi maarne wala?. (Surah Qamar Surah no. 54 Ayat no. 26)
In dono muqamaat par "GADIN" se muraad qayamat ka din hai, jise aam taur par kal bhi kaha jata hai, jese k irshaad e baari ta'ala hai:
"ARSIL HU MA'ANA GADAI YARTAA WA YAL'AB" Tarjuma: Aap is (Yousuf Alaihis Salaam) ko kal hamare saath bhej de takey khoob khaye aur kheley. (Surah Yousuf Surah no. 12 Ayat no. 12)
"WALA TAQOOLANNA LI SHAYI'IN INNI FA'ILUN ZAALIKA GADAN ILLA IYYA SHAAA ALLAH" Tarjuma: Aur kisi kaam k baare mai ye hargiz na kahe k mai ye kal karunga iske alawa ye k (saath hi) In Shaa Allah (bhi) kahiye k Allah ne chaha to. (Surah Kahaf Surah no. 18 Ayat no. 23)
"WAMA TADRI NAFSUN MAZA TAKSIBU GADAN" Tarjuma: Aur koi shaks ye nahi jaanta k wo kal kya karega. (Surah Luqman Surah no. 31 Ayat no. 34)
Zikr kiye gaye teeno muqamaat par is laft "GAD" ka mana ayinda kal hi hai, Quran E Kareem mai ye laft inhi 5 muqamaat par warid hua hai, jin mai se 2 ka mana rooz e qayamat aur aakhiri 3 ka mana ayinda kal hai, niyat k murawajjah alfaaz tarteeb dene wale shaks k zehan mai, maloom nahi kal k rooze ka tasawwur tha ya qayamat k roozey ka?
GADU ya GADAH k alfaaz subah k maano mai hai lekin wo laye nahi gaye, garz jaha ye alfaaz shar'an saabit wa jayez nahi wahi lugwi aetabaar se bhi sahih nahi lagte, lihaza dil ki niyat aur qasad wa iraade par iktafa karna hi behtar hai aur yahi saabit bhi hai.
Yuh bhi jab koi shaks raat ko time pees ko chaabi de deta hai, aurat sehri k liye aataa wagaira tayyar kar k rakh leti hai aur chulha (ya stove ya gas wagaira) jala leti hai to ye sara ehtamaam roozey k liye hi to hai aur qasad wa iraade ka mafhoom ada kar raha hai.
AUR RAHI ROOZA KHOOLTE (YANI IFTAAR K) WAQT KI DUA
ALLAHUMMA LAKA SUMTU WA ALA RIZKI'KA AFTARTU. Tarjuma: Ae Allah mai teri raza k liye rooza rakhta aur tere hi diye hue rizk se iftaar karta hu. (Abu Dawood, Sunan Behaqui al Qubra, Musannaf ibne ibi Shaiba)
Is dua wali hadees ki sanad par Shaikh gaazi uzair ne kalaam kiya hai. (Tarjumaan Dehli jild 14, Shumara 7, 1414 hijri, 1994)
Jabke Allama Albaani Rahimahullah ne ise mursal (Zaeef) qaraar dete hue shawahid ki bina par qawi kaha hai. (Tehqeeq Mishkaat 1: 621, Arwa ul Gulail 4: 38)
Behar haal is dua mai jo (WA BIKA AAMANTU WA ALAIKA TAWAKKALTU) k alfaaz hai wo saabit nahi hai
albaatta ek doosri hadees mai ye dua sahih sanad k saath ayi hai
Hazrat Abdullah bin Umar Razi Allahu Anhu se riwayat hai k Nabi E Akram Sallallahu Alaihi Wa Sallam jab rooza iftaar farmaate to ye dua padhte: "ZAHABAZ ZAMA'U WAB TALLATIL UROOQU WA SABATAL AJRU IN SHAAA ALLAH" Tarjuma: piyaas chali gayi aur raagey tar ho gayi aur Allah ne chaha to ajr saabit ho gaya. (Sunan Abu Dawood Hadees no. 2357, Sunan al Qubra Nasayi, Daare Qutni, Mustadrak E Haakim, Sahih Sunan Abu Dawood juz e awwal Hadees no. 648)
Wazahat: Raat ko hi niyat kare k mene kal rooza rakhna hai jesa k sahih hadees se saabit hai, aur rooza bismillah padh kar iftaar kare aur jab kuch kha le to baad mai ye dua padhey: ZAHABAZ ZAMA'U WAB TALLATIL UROOQU WA SABATAL AJRU IN SHAAA ALLAH" Tarjuma: piyaas chali gayi aur raagey tar ho gayi aur Allah ne chaha to ajr saabit ho gaya. (Sunan Abu Dawood Hadees no. 2357, Sahih Sunan Abu Dawood Hadees no. 648)
Allah ta'ala hamari bida'at e murawajjah se hifazat farmaye aur hamare bhaiyo ko hidayat de aur Allah tu unhe zaeef aur khud saakta hadeeso ko chood kar sahih hadeeso par amal karne ki tofeeq ata farmaye aur ham sab ko siraat e mustaqeem par jama farmaye. (Aaameen Ya Rabbal Alameen)
NIYAT K MASA'IL
Bismillahirrahmanirraheem
AAMAAL K AJR WA SAWAAB KA DAROMADAAR NIYAT PAR HAI
Hazrat Umar bin Khattab Razi Allahu Anhu kehte hai mene Rasool Allah Sallallahu Alaihi Wa Sallam ko famate hue suna "Aamaal ka daromadaar niyato par hai har shaks ko uski niyat k mutabiq badla milega jisne dunya hasil karne k liye hijrat ki use sirf dunya hi milegi aur jis ne kisi aurat se nikah k liye hijrat ki use bas aurat hi milegi". (Sahih Bukhari Hadees no. 1)
DIKHAAVE KA ROOZA SHIRK HAI
Hazrat Shaddad bin auos Razi Allahu Anhu kehte hai mene Rasool Allah Sallallahu Alaihi Wa Sallam ko famaate hue suna hai: "Jis ne dekhaave ki namaz padhi usne shirk kiya, jis ne dikhaave ka rooza rakkha usne shirk kiya aur jisne dikhaave k liye sadqa kiya usne shirk kiya". (Musnad Ahmad, Targeeb wa Tahzeeb juz e awwal Hadees no. 43)
ROOZEY KI NIYAT DIL K IRAADE SE HAI, MURAWAJJAH ALFAAZ "BI SAUMI GADIN NAVAITU" SUNNAT SE SAABIT NAHI
FARZ ROOZEY KI NIYAT FAJR SE PEHLE KARNA ZARURI HAI
Hazrat Hafsa Razi Allahu Anha se riwayat hai k Nabi E Akram Sallallahu Alaihi Wa Sallam ne farmaya: Jis ne fajr se pehle roozey ki niyat na ki uska rooza nahi. (Abu Dawood, Tirmiz, Sahih Sunan Tirmizi Hadees no. 583)
NAFLI ROOZEY KI NIYAT DIN MAI ZAWAAL SE PEHLE KISI BHI WAQT KI JAA SAKTI HAI
NAFLI ROOZA KISI WAQT KISI BHI WAJAH SE TOODA JA SAKTA HAI
Ummul Moomineen Hazrat Ayesha Razi Allahu Anhu se riwayat hai k ek din Nabi E Akram Sallallahu Alaihi Wa Sallam mere ghar tashreef laye aur pucha "kya tumhare paas kuch (khaane ko) hai?" humne kaha "nahi" Nabi E Akram Sallallahu Alaihi Wa Sallam ne farmaya: "Accha to phir mera rooza hai", kisi aur din phir Nabi E Akram Sallallahu Alaihi Wa Sallam hamare ghar tashreef laye "mene arz kiya " Ya Rasool Allah Sallallahu Alaihi Wa Sallam! Hais (halwa) tohfa aya hai, Rasool Allah Sallallahu Alaihi Wa Sallam ne farmaya: "to lao mai subah se roozey se tha". (Sahih Muslim, Mukhtasar Sahih Muslim Hadees no. 630)
RUYATUL HILAAL (CHAND DEEKHNE K MASA'IL)
Bismillahirrahmanirraheem
RAMAZAANUL MUBARAK KA CHAND DEKH KAR ROOZEY SHURU KARNE CHAHIYE
SHABAAN K AAKHIR MAI AGAR MUTLA E ABR (BAADAL WAGAIRA) HO TO SHABAAN K 30 DIN POOREY KARNE CHAHIYE AGAR RAMAZAAN K AAKHIR MAI MUTLA E ABR (BAADAL WAGAIRA) HO TO RAMAZAAN K 30 DIN POOREY KARNE CHAHIYE
Hazrat Ibne Umar Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya: chand dekhey bagair ramazaan k roozey shuru na kare aur chand dekhey bagair ramazan khatam na karo, aur agar aasmaan mai baadal wagaira ho aur chaand nazar na aye to 30 din poorey kar lo. (Sahih Bukhari wa Sahih Muslim, Al loo loo wal Marjaan Hadees no. 653)
EK MUSALMAN KI GAWAHI PAR ROOZEY SHURU KIYE JA SAKTE HAI
Hazrat Abdullah bin Umar Razi Allahu Anhu se riwayat hai k loogo ne chand dekha aur mene Nabi E Akram Sallallahu Alaihi Wa Sallam ko bataya k "mene bhi chand dekha hai" chunanche Nabi E Akram Sallallahu Alaihi Wa Sallam ne khud bhi rooza rakkha aur loogo ko bhi rooza rakhne ka hukm diya. (Abu Dawood, Sahih Sunan Abu Dawood hadees no. 2052)
RAMAZAAN KI PEHLI TAREEKH K CHAND K BAZAHIR CHOTA YA BADA HONE SE SHAK MEIN NAHI PADNA CHAHIYE
Hazrat Abu Bukhtar Razi Allahu Anhu kehte hai "Hum umrah k liye (madina se) rawana huye jab nakhla k muqaam par pahunche to sabne (naya) chand dekha, kuch loogo ne kaha "ye to teesri raat ka chand lagta hai" (bada hone ki wajah se) kuch loogo ne kaha "doosri raat ka lagta hai" hamari mulaqaat Hazrat Abdullah bin abbas Razi Allahu Anhu se hui to humne unse kaha "humne chand dekha hai kuch loogo ne ise teesri raat ka kaha hai kuch ne doosri raat ka" Hazrat Abdullah bin Abbas Razi Allahu Anhu ne pucha "tumne kaun si raat ka chand dekha tha?" humne bataya "falah falah raat dekha tha" to kehne lage "Rasool Allah Sallallahu Alaihi Wa Sallam ka irshaad e mubarak hai Allah ta'ala usko tumhare dekhne k liye bada kar deta hai lihaza wo usi raat ka chand tha, jis raat tumne use dekha" (Sahih Muslim, Mukhtasar Sahih Muslim Hadees no. 577)
NAYA CHAND DEKHNE PAR YE DUA PADHNA MASNOON HAI
Hazrat Talha bin Ubaidullah Razi Allahu Anhu se riwayat hai k Nabi E Akram Sallallahu Alaihi Wa Sallam jab chaand dekhte to ye dua padhte: "ALLAHUMMA AHLIL HU ALAINA BIL YUMNI WAL EEMAANI WASSALAAMATI WAL ISLAAMI RABBI WA RABBU KALLAH" Tarjuma: Ya ila! hum par ye chand aman, emaan, salaamati aur islaam k saath tulu farma (ae chand) mera aur tera rabb Allah hai. (Tirmizi, Sahih Sunan Tirmizi Hadees no. 2745)
CHAND DEKH KAR ROOZA SHURU KARNE AUR CHAND DEKH KAR ROOZA KHATAM KARNE K LIYE WAQT HAAZIR ILAAQE YA MULK KA LIHAAZ RAKHNA CHAHIYE
DOORAAN E RAMAZAAN EK MULK SE DOOSRE MULK SAFAR KARNE PAR AGAR MUSAFIRO K ROOZO KI TADAAD HAAZIR ILAAQA HAI MAAH E RAMAZAAN K ROOZO KI TADAAD SE ZAYID BANTI HAI TO ZAYID DINO K ROOZEY TARK KAR DENE CHAHIYE YA NAFIL ROOZEY KI NIYAT RAKHNI CHAIYE AGAR TADAAD KAM BANTI HO TO EID K BAAD MATLOOBA TADAAD POORI KARNI CHAHIYE
Hazrat Kuraib Razi Allau Anhu (Ibne Abbas Razi Allahu Anhu k gulaam) se marvi hai k Hazrat ummey fazal Razi Allahu Anha (Hazrat Abbas Razi Allahu Anhu ki beewi) ne unhe (Kuraib Razi Allhu Anhu ko) Hazrat Muaviya Razi Allahu Anhu k paas (kisi kaam se) shaam bheja, Kuraib Razi Allahu Anhu kehte hai k mene shaam aa kar unka kaam kiya mai abhi shaam hi mai tha k ramazaan ka chand nazar aa gaya, mene bhi juma ki raat chand dekha, phir mai ramazaan k aakhir mai madeena (wapas) aa gaya, Hazrat Abdullah bin Abbbas Razi Allahu Anhu ne chaand k baare mai mujhse daryaft kiya, "tumne (waha) chand kab dekha tha?" mene jawab diya "humne to juma ki raat ko dekha tha" Hazrat Abdullah bin Abbas Razi Allahu Anhu ne pucha "kya tumne bhi dekha tha?" mene jawab diya "han" bahut se doosre aadmiyo ne bhi dekha tha aur sab loogo ne Hazrat Muaviya Razi Allahu Anhu k saath (doosre din yaani hafta ka) rooza rakkha, Hazrat Abdullah bin Abbas Razi Allahu Anhu ne farmaya: "humne to chand hafta k din (yaani ek din k fark se) dekha hai, hum isi hisaab se roozey rakhte rahenge yaha tak k 30 din poorey kar le ya chand dekh le" mene arz kiya "kya aap loog Hazrat Muaviya Razi Allahu Anhu k amal aur roozey ko kaafi nahi samajhte?" farmaya: "nhi" hame Rasool Allah Sallallahu Alaihi Wa Sallam ne isi rarah hukm farmaya hai. (Sahih Muslim, Musnad Ahmad, Abu Dawood, Nasayi, Mukhatasar Sahih Muslim Hadees no. 578)
ABR (BAADAL) KI WAJAH SE SHAWWAL KA CHAND DIKHAYI DENE AUR ROOZA RAKH LENE K BAAD MALOOM HO JAYE K CHAND NAZAR AA CHUKA HAI TO ROOZA KHOOL DENA CHAHIYE
Hazrat Abu Umair bin Anas Razi Allahu Anhu apne chachao se jo Ashaab e Nabi Sallallahu Alaihi Wa Sallam mai se they, riwayat karte hai k baaz sawaar Nabi E Akram Sallallahu Alaihi Wa Sallam ki khidmat mai hazir hue aur gawaahi di k unhone guzishta rooz (Shawwal ka) chand dekah hai, "Rasool E Akram Sallallahu Alaihi Wa Sallam ne Sahaba Razi Allahu Anhum ko hukm diya k wo rooza tood de aur farmaya: kal subah (namaz e eid k liye) eid gaah aye". (Abu Dawood, Sahih Sunan Abu Dawood Hadees no. 1026)
ROOZEY QURAN MAJEED KI ROOSHI MAI
Bismillahirrahmanirraheem
ROOZA ISLAAM K 5 FARA'IZ MAI SE EK FARZ HAI
ROOZEY PEHLE UMMATO PAR BHI FARZ THEY
ROOZEY KA MAQSAD GUNAHO SE BACHNE AUR NAIKI PAR CHALNE KI TARGEEB DETA HAI
Aey eman walo! Tum per roozey rakhna farz kiya gaya jis tarah tum se pehle logon par farz kiye gaye thay takay tum taqwa ikhtiyar karo. (Surah Baqara Surah no. 2 Ayat no. 183)
RAMAZAAN KA MAHEENA PAANE WALE HAR MUSALMAAN PAR POOREY MAHEENE K ROOZEY RAKHNE FARZ HAI
MUSAFIR AUR MAREEZ KO ROOZA NA RAKHNE KI RUKHSAT HAI, LEKIN RAMAZAAN K BAAD UN DINO KI QAZA ADA KARNI ZARURI HAI
MAREEZ YA MUSAFIR PAR ROOZA CHOODNE KA KOI KAFFARA NAHI
RAMAZAAN KA MAHEENA ALLAH TA'ALA KI KHUSOOSI IBADAAT AUR HAMD WA SANA KARNE KA MAHEENA HAI
Maah E Ramazaan wo hai jis mein quran utaara gaya jo logon ko hidayat kerney wala hai aur jis mein hidayat ki aur haq-o-baatil ki tameez ki nishaniyan hain tum mein se jo shaks is maheene ko paye ussay roza rakhna chahaiye haan jo beemar ho ya musafir ho ussay doosray dinon mein ye ginti poori kerni chahaiye Allah Taalaa ka irada tumharay sath aasani ka hai sakhti ka nahi woh chahata hai kay tum ginti poori karlo aur Allah Ta’ala ki di hui hidayat per us ki badaiyan biyan karo aur us ka shukar karo.. (Surah Baqara Surah no. 2 Ayat no. 185)
RAMAZAANUL MUBARAK MAI RAAT K WAQT BEEWI SE HAMBISTARI KARAN JAYEZ HAI
IFTAAR SE LE KAR SUBAH SAADIQ K TULU HONE TAK KA WAQT ROOZEY KI PAABANDI SE MUTASHANA HAI
DOORAANE AETAQAAF MAI RAAT K WAQT BEEWI SE HAMBISTARI KARNA MANA HAI
Roozey ki raaton mein apni biwiyon se milna tumhare liye halal kiya gaya wo tumhara libas hain aur tum unke libas ho tumhari posheeda khayanaton ka Allah Ta’ala ko ilm hai us ne tumhari tauba qabool farma kar tumse dar guzar farma liya ab tumhe inse mubashirat ki aur Allah Ta’ala ki likhi hui cheez ko talash kerney ki ijazat hai tum khaate peete raho yahan tak ke subha ka safaid dhaga siyah dhagay say zahir hojaye. Phir raat tak roozey ko poora karo aur aurton se us waqt mubashirat na karo jab ke tum masjidon mein aeytikaaf mein ho. Yeh Allah Taalaa ki hudood hain tum unke qarib bhi na jao. Issi tarah Allah Ta’ala apni aayatey logon kay liye biyan farmata hai takay wo bachen. (Surah Baqara Surah no. 2 Ayat no. 187)
ROOZEY KI EHMIYAT
Bismillahirrahmanirraheem
Hazrat Anas bin Maalik Razi Allahu Anhu se riwayat hai k ramazaan aya to Rasool Allah Sallallahu Alaihi Wa Sallam ne farmaya: Ye mahina jo tum par aya hai is mai ek raat aesi hai jo (jo qadr k etabaar se) hazaar mahino se behtar hai, jo shaks is (ki sa'aadat hasil karne se) mehroom raha wo bhalayi se mehroom raha, neez farmaya LAILATUL QADR ki sa'aadat se sirf be naseeb hi mehroom kiya jata hai. (Ibne Maja, Sahih Sunan Ibne Maja Hadees no. 1333)
RAMAZAAN PAANE WALE K BA WAJOOD MAGFIRAT HAASIL NA KAR SAKNE WALE K LIYE HALAKAT HAI
Hazrat Kaab bin Ujrah Razi Allahu Anhu farmaat hai Rasool Allah Sallallahu Alaihi Wa Sallam ne Sahaba Razi Allahu Anhum se farmaya: mimbar lao, hum mimbar laye jab Nabi E Akram Sallallahu Alaihi Wa Sallam pehli seedhyi chadhey to farmaya: "Aameen", phir jab doosri seedhyi chadhey to farmaya: "Aameen", isi tarah aap Sallallahu Alaihi Wa Sallam teesri seedhyi chadhey to farmaya: "Aameen", Jab Rasool Allah Sallallahu Alaihi Wa Sallam mimbar par nichey tashreef laye to hamne arz kiya Ya Rasool Allah Sallallahu Alaihi Wa Sallam! aaj humne aap se aesi baat suni jo is se pehle kabhi nahi suni, Aap Sallallahu Alaihi Wa Sallam ne farmaya: Janaab Jibraeel Alaihis Salaam mere paas aye aur kaha: "us aadmi k liye halakat ho jis aadmi ne ramazaan ka mahina paya aur apne gunaho ki bakhsish aur maafi hasil na kar saka" uske jawab par mene Aameen kahi, phir jab mai doosri seedhyi par chadha to janab Jibraeel Alaihis Salaam ne kaha: Halakat hai us aadmi k liye jis k saamne aap Sallallahu Alaihi Wa Sallam ka zikr kiya jaye aur wo Aap Sallallahu Alaihi Wa Sallam par darood na bhejey, mene uske jawab mai Aameen kahi, phir jab mai teesri seedhyi par chadha to janab jibraeel Alaihis Salaam ne kaha: "Jis shaks ne apne maa baap ya dono mai se kisi ek ko budhapey ki halat mai paya aur unki khidmat karke jannat hasil na ki uske liye bhi halakat ho, mene uske jawab mai kaha Aameen" (Mustadrak E Haakim, Sahih Targeeb wa Tahzeeb Hadees no. 985)
ROOZA KHORO KA IBRAT NAAK ANJAAM
Hazrat Abu Umama Bahali Razi Allahu Anhu kehte hai mene Rasool Allah Sallallahu Alaihi Wa Sallam ko farmaate hue suna: "mai soya hua tha aur mere paas 2 aadmi aye unhone mujhe baazuo (haatho) se pakda aur mujhe ek mushkil chadhayi wale padhaad par laye aur dono ne kaha: "is par chadhey" mene kaha: "mai nahi chadh sakta" unhone kaha: "hum aapke liye sahulat paida kar denge" pas mai chadh gaya hatta k mai pahaad ki chooti par pahuch gaya, jaha mene shadeed cheenkh pukaar ki aawaaz suni, mene pucha: "ye aawaaz kesi hai?" unhone bataya: "ye jahannamiyo ki cheekh wa pukaar hai" phir wo mere saath aagey badhey jaha mene kuch loog ulte latke hue dekhey, jinke muh ko cheer diya gaya hai jis se khoon beh raha hai mene pucha: "ye kon hai?" unhone jawab diya: "ye wo loog hai jo rooza waqt se pehle iftaar kar liya karte they". (Ibne Khuzaima, Ibne Hibban, Sahih Targeeb wa Tahzeeb Hadees no. 995)
ROOZEY KI FAZILAT
Bismillahirrahmanirraheem
RAMAZAAN K SHURU HOTE HI JANNAT K DARWAAZE KHOOL DIYE JAATE HAI AUR JAHANNAM K DARWAAZE BAND KAR DIYE JAATE HAI
Hazrat Abu Hurairah Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya: jab ramazaan ata hai to aasmaan k darwaaze khool diye jaate hai, jahannam k darwaaze band kar diye jaate hai aur shayateen qaid kar diye jaate hai. (Sahih Bukhari wa Sahih Muslim, Al loo loo wal marjaan juz e awwal hadees no. 652)
RAMAZAAN MAI UMRAH KA SAWAAB HAJJ K BARABAR MILTA HAI
Hazrat Ata Rahimahullah kehte hai k mene Hazrat Abdullah ibne Abbas Razi Allahu Anhu se suna k Rasool Allah Sallallahu Alaihi Wa Sallam ne ansaaar ki ek aurat (ummey sunaan) se farmaya, Hazrat Abdullah ibne Abbas Razi Allahu Anhu ne us aurat ka naam bhi liya magar mai bhool gaya kya hoga "tum hamare saath hajj par kyu nhi chlati?" aurat ne kaha: "hamare paas sirf 2 aunth (camel) they ek par mera shohar aur baita dono hajj k liye gaye hai ab ek aunth (camel) ghar mai hai jis par hum paani wagaira laate hai" "Rasool Allah Sallallahu Alaihi Wa Sallam ne farmaya: accha tab ramazaan aye to umrah kar lena us ka sawaab bhi hajj k barabar hai". (Sahih Muslim Kitabul Hajj)
ROOZA QAYAMAT K DIN ROOZADAAR KI SIFARISH KAREGA
Hazrat Abdullah bin Umar Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya: Rooza aur quran qayamat k din bande k liye sifarish karegne, roza kahega: "Ae mere rabb! mene is bande ko khane peene aur apni khawahishaat (poori karne) se rookey rakkha lihaza is k baare me meri sifarish qubool farma", Quran kahega: "Ae mere rabb! mene is bande ko raat (qayaam k liye) soone se rookey rakkha lihaza is k baare mai meri sifarish qubool farma" chunache dono ki sifarish qubool ki jayegi. (Musnad Ahmad, Tabraani, Sahih Targeeb wa Tahzeeb juz e awwal Hadees no. 973)
ROOZEY KA AJR BE HISAAB HAI
Hazrat Abu Hurairah Razi Allahu Anhu kehte hai Rasool Allah Sallallahu Alaihi Wa Sallam ne farmaya: "Allah azz wa jal farmata hai k ibne aadam ka har amal uske liye hai siwaye roozey k, rooza mere liye hai aur mai hi uski jaza dunga aur roozaa (aag se) dhaal hai lihaza jis rooz tum mai se kisi ka rooza ho us rooz wo fahash goyi na kare aur behuda kalami na kare aur agar koi doosra us se gaali galooch kare ya ladayi kare to rooze daar ko (sirf itna kehna chahiye) mai rooze daar hu, us zaat ki qasam! jis k haath mai Muhammad Sallallahu Alaihi Wa Sallam ki jaan hai roozadaar k muh ki hawa (badbu) qayamat k din Allah ta'ala ko mushk ki khushbu se bhi zayada pasand hogi, roozadaar k liye 2 khushiya hai jin se wo farhat haasil karega awwalan jab wo rooza iftaar karta hai to khush hota hai, saniyan jab wo apne rabb se milega aur rooze k badle mai apne rabb se in'aam payega to khush ho jayega". (Sahih Muslim, Mukhtasar Sahih Muslim Hadees no. 571)
ROOZADAAR K LIYE JANNAT MAI EK KHUSUSI DARWAAZA BANAYA GAYA HAI JISKA NAAM "RAYYAN" HAI
Hazrat Sahal bin Saad Razi Allahu Anhu kehte hai k Rasool Allah Sallallahu Alaihi Wa Sallam ne farmaya: "Jannat ka ek darwaaza jiska naam "Rayyan" hai jis se qayamat k din roozadaar guzrenge, unke alawa us darwaaze se koi doosra nahi guzrega". (Sahih Bukhari Wa Sahih Muslim, Mukhtasar Sahih Muslim Hadees no. 571)
RAMAZAAN KA POORA MAHEENA HAR RAAT ALLAH TA'ALA LOOGO KO JAHANNAM SE NIJAAT DILATE HAI
Hazrat Abu Hurairah Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya: Ramazaan ki pehli raah hi shayateen aur sarkash jin baandh diye jaate ahi jahannam k saare darwaaze band kar diye jaate hai unme se koi ek darwaaza bhi khula nahi rehne diya jata aur jannat k saare darwaaze khool diye jaate hai unme se koi ek darwaaza bhi band nhi rehne diya jata aur ek munadi karne wala (farishta) aelaan karta hai, Ae bhalayi k chahne wale! aage badh (aur dair na kar) ae shar k chahne wale ruk ja aur (ramazaan ki) har raat Allah ta'ala loogo ko jahannam se azaad karte hai. (Ibne Maja, Sahih Sunan Ibne Maja juz e awwal Hadees no. 1331)
ROOZA IFTAAR K WAQT BHI ALLAH TA'ALA LOOGO KO JAHANNAM SE AZAAD KARTE HAI
Hazrat Jabir Razi Allahu Anhu se riwayat hai k Rasool Allah Sallallahu Alaihi Wa Sallam ne farmaya: "Allah ta'ala har rooz iftaar k waqt loogo ko jahannam se azaad karte hai". (Ibne Maja, Sahih Sunan Ibne Maja juz e awwal Hadees no. 1332)
RAMAZAAN MAI SIYAAM AUR QAYAAM KARNE WALA QAYAMAT K DIN SIDDIQEEN AUR SHOHDA K SAATH HOGA
Hazrat Umar bin marrata juhni se riwayat hai k ek aadmi Nabi E Akram Sallallahu Alaihi Wa Sallam ki khidmat mai haazir hua aur arz kiya "Ya Rasool Allah Sallallahu Alaihi Wa Sallam agar mai gawahi du k Allah k siwa koi ila nahi, aap Allah k Rasool hai, Paancho namaze padhu, zakaat ada karu aur ramazaan mai siyaam aur qayaam karu, to mera shumaar kin loogo mai hoga?" Aap Sallallahu Alaihi Wa Sallam ne irshaad farmaya: "Siddiqeen aur Shohda mai se". (Sahih Targeeb wa Tahzeeb juz e awwal Hadees no. 993)
ROOZEY KI FARZIYAT
Bismillahirrahmanirraheem
Hazrat Abdullah bin Umar Razi Allahu Anhu kehte hai k Rasool Allah Sallallahu Alaihi Wa Sallam ne farmaya: "Islaam ki bunyaad 5 cheezo par hai
1. Kalma E Shahadat "ASH HADU ALLAH ILAHA ILLALLAHU WA ANNA MUHAMMADAN RASOOLULLAH"
2. Namaz Qayam karna
3. Zakaat ada karna
4. Hajj karna
5. Ramazaan k Roozey rakhna". (Sahih Bukhari Kitabul Emaan Hadees no. 8)
Hazrat Abu Hurairah Razi Allahu Anhu kehte hai k ek aaraabi Nabi E Akram Sallallahu Alaihi Wa Sallam ki khidmat mai haazir hua aur arz kiya "Mujhe aesa amal bataiye jiske karne se mai jannat mai dakhil ho jao" "Aap Sallallahu Alaihi Wa Sallam ne farmaya: Allah ta'ala ki ibadat karo uske saath kisi ko shareek na karo, farz namaz qayam karo, farz zakaat ada karo aur ramazaanul mubarak k roozey rakkho" usne kaha "Allah ki qasam! mai is se jayada kuch na karunga" jab wo aadmi wapas hua to aap Sallallahu Alaihi Wa Sallam ne farmaya: "Jise jannati aadmi dekhna ho, wo ise dekh le". (Sahih Bukhari Kitabus Siyaam Hadees no. 1891).
