AARAAF WALE LOOG

AARAAF WALE LOOG

Bismillahirrahmanirraheem

JANNAT AUR JAHANNAM K DARMIYAAN EK BULAND JAGAH PAR BAAZ LOOG RIHAYISH PAZEER HONGEY, JINHEY ASHAAB E AARAAF (BULANDIYO WALE) KAHA JAYEGA
ASHAAB E AARAAF KI NAIKIYA AUR BURAIYA BARABAR HONGI JIS WAJAH SE WO NA TO JANNAT MEIN JA SAKENGEY NA HI JAHANNAM MEIN JAYENGEY, LEKIN ALLAH K FAZAL WA KARAM SE JANNAT MEIN JAANE K UMMEED-WAAR HONGEY

"Dono garooho (yaani jannati aur jahannami) k darmiyaan ek pardah (deewaar) hoga jiski bulandi par kuch loog hongey jo har ek ko unke nishaan se pehchanengey (yaani jannatiyo ko unke roshan chehro se aur jahannamiyo ko unke siyah chehro se) ye aaraaf wale jannatiyo ko paa kar kahengey "Asslamu Alaikum" aaraaf wale jannat mein dakhil to nahi hue hongey lekin jannat k ummeed-waar hongey". (Surah Aaraaf Surah no. 7 Ayat no. 46)


AARAAF WALE JAHANNAMIYO KO DEKH KAR DARJ E ZAIL DUA MAGENGEY

"Jab Aaraaf walo ki nigaahe aagh walo ki taraf phiraayi jayegi to wo kahengey "RABBANA TAJ'ALNAA MA'AL QAUMIZ ZAALIMEEN" "Ae hamare parwardigaar! hamey un zaalim loogo k saath shamil na farmana". (Surah Aaraaf Surah no. 7 Ayat no. 47)


AARAAF WALE KA APNE BAAZ AASNA JAHANNAMIYO SE IBRAT AAMOOZ KHITAAB

"Ashaab e aaraaf kuch loogo ko unki (baaz) alamato se pehchaan kar kahengey "Aaj tumhara jattha aur dunya mein takabbur aur garoor tumhare kisi kaam na aaya, kya ye (ahle jannat) wahi loog nahi jinke baare mein tum qasmey khaya karte they k inhey to Allah ta'ala apni rahmat se kuch nahi dega? (aaj unhi se kaha gaya hai) dakhil ho jao jannat mein tumhare liye khauf hai na gham". (Surah Aaraaf Surah no. 7 Ayat no. 48-49)